Luka 21:8 - Somi He Ɔ

⁸ Nɛ Yesu ke: “Nyɛɛ hyɛ saminya, konɛ a ko mlɔɔ nyɛ; ejakaa nihi fuu maa ba ngɛ ye biɛ mi, nɛ a ma de ke: ‘Ami ʼi;’ kɛ jeha nɛ ɔ: ‘Be ɔ su tã.’ Nyɛ ko bu mɛ tue.

BAIBLO ALOO NGMAMI KLƆUKLƆU Ɔ

⁸ Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Luka 21:8 ပူးပေါင်းရင်းမြစ်များ

Mateo 24:11

Nɛ lakpa gbali fuu maa te si, nɛ a maa mlɔɔ nihi fuu.

Mateo 3:2

nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

Mateo 4:17

Kɛ je jamɛ a ligbi ɔ, Yesu bɔni fiɛmi nɛ e ke: “Nyɛɛ kpale kɛ je nyɛ blɔ yaya amɛ a nɔ. Nyɛ tsake nyɛ tsui, se hiɔwe matsɛ yemi ɔ su si haa.”

Luka 17:23

Nɛ a ma de nyɛ ke: ‘Oʼɛ, e ngɛ hiɛ ɔ, aloo: oʼɛ e ngɛ lejɛ ɔ!’ Nyɛ ko ya, nɛ nyɛ ko nyɛɛ a se.

Luka 21:7

Nɛ a bi lɛ ke: “Tsɔɔlɔ, lɛɛ mɛni be ni nɛ ɔmɛ maa ba mi, nɛ mɛni okadi maa ba benɛ ni nɛ ɔmɛ maa ba mi ɔ?”

Luka 21:9

Nɛ ke nyɛ nu tahi kɛ atua tsɔmihi a he ɔ, nyɛ tsui ko po, ejakaa ja kikɛmɛ a ni nɛ ɔmɛ ba mi lolo, se kɛ̃ ɔ nyagbe ɔ sui lolo.”

Yohane 5:43

Imi lɛɛ i ba ngɛ Tsaatsɛ biɛ mi, nɛ nyɛ he we mi; ke nɔ kpa ko ba ngɛ lɛ nitsɛ e biɛ mi ɔ, lɛɛ nyɛ ma he lɛ.

Yohane 8:24

Lɔ ɔ he nɛ i de nyɛ ke nyɛ ma gbo ngɛ nyɛ he yayami ɔmɛ a mi ɔ nɛ; ejakaa ke nyɛ he we yi kaa imi nɛ ɔ ji lɛ ɔ, nyɛ ma gbo ngɛ nyɛ he yayami ɔmɛ a mi.”

Yohane 8:28

Lɔ ɔ he ɔ Yesu de mɛ ke: “Ke nyɛ na nyɛ wo Nɔmlɔ Bi ɔ nɔ ɔ, lɔ ɔ loko nyɛ maa le kaa ami ʼi, nɛ kãa i to we ye yi mi i pee we nɔ́ ko, se mohu nɔ nɛ Tsaatsɛ tsɔɔ mi ɔ ja i deɔ.

1 Korintobi 6:9

Anɛ nyɛ li kaa yayami peeli a nine be Mawu matsɛ yemi ɔ nɔ sue lo? Nyɛ ko ha nɛ a mlɔɔ nyɛ! Ajuama bɔli loo wɔ jali loo gba puɛli loo nyumuhi nɛ kɛ nyumuhi peɔ yakayakani,

Efesobi 5:6

Nyɛ ko ha nɛ nɔ ko kɛ munyu gu nɛ mlɔɔ nyɛ; ejakaa jamɛ a ni nɛ ɔmɛ a he nɛ Mawu muklii mi fumi baa tuegbenɔ bi ɔmɛ a nɔ ɔ nɛ.

2 Tesalonikabi 2:3

Nyɛ ko ha nɔ ko nɛ e sisi nyɛ ngɛ blɔ ko blɔ ko nɔ, ejakaa ja Mawu jami kuami ɔ ba lolo, nɛ a je dikalɔ nɛ ji hɛ mi kpatami bi ɔ kpo,

2 Timoteo 3:13

Se nimli yayamihi kɛ sisili maa ya hɛ mi ngɛ yayami peemi mi; a sisiɔ nihi, nɛ mɛ hu a sisiɔ mɛ.

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.

2 Yohane 1:7

Ejakaa sisili tuu ba je ɔ mi, nihi nɛ jaje we kaa Yesu Kristo ba ngɛ he lo mi; nɔ nɛ ɔmɛ ji sisilɔ kɛ lakpa kristo ɔ nɛ.

Kpojemi 1:3

A gbaa nɔ nɛ kaneɔ ɔ kɛ nihi nɛ nuɔ gbami munyu ɔmɛ ɔ, kɛ nihi nɛ ngɔɔ nihi nɛ a ngma ngɛ mi ɔ ngɔ toɔ ɔ, ejakaa be ɔ su ta.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.