Luka 21:36 - Somi He Ɔ

³⁶ Lɔ ɔ he ɔ, nyɛɛ huɔ be tsuaa be nɛ nyɛɛ sɔle konɛ nyɛ nyɛ hihi nɛ maa ba nɛ ɔmɛ kulaa mi nɛ nyɛɛ je, nɛ nyɛ nyɛ Nɔmlɔ Bi ɔ hɛ mi nɛ nyɛɛ da.”

BAIBLO ALOO NGMAMI KLƆUKLƆU Ɔ

³⁶ Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Luka 21:36 ပူးပေါင်းရင်းမြစ်များ

1 Yohane 2:28

Nɛ jehanɛ, bimɛ tsɔwi, nyɛɛ hi e mi, konɛ e puemi ɔ mi ɔ, wa na kã nɛ zo ko gbe wɔ ngɛ e hɛ mi ngɛ e bami ɔ mi.

1 Petro 5:8

Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

Mateo 25:13

Lɔ ɔ he ɔ nyɛɛ huɔ, ejakaa nyɛ li jamɛ a ligbi ɔ loo ngmlɛfia a.”

Mateo 24:42

Lɔ ɔ he ɔ nyɛɛ huɔ, ejakaa nyɛ li ngmlɛfia nɔ nɛ nyɛ nyɔmtsɛ ɔ ma.

1 Petro 4:7

Nihi tsuo a nyagbe ɔ su ta; lɔ ɔ he ɔ, nyɛ juɛmi mi nɛ tsɔ nɛ nyɛ hɛ nɛ ka si kɛ ha sɔlemi.

1 Korintobi 16:13

Nyɛɛ huɔ, nyɛɛ da si kpɛii ngɛ hemi kɛ yemi ɔ mi, nyɛɛ pee nyumu, nɛ nyɛ he nɛ wa!

Luka 18:1

Nɛ Yesu bu mɛ abɛ ko kɛ tsɔɔ kaa e sa kaa a sɔlee daa nɛ e ko gbe nɔ nya.

Marko 13:33

Nyɛɛ hyɛ saminya, nyɛɛ fɔ nyɔ nɛ nyɛɛ sɔle, ejakaa nyɛ li be mi nɛ be ɔ maa su.

Yuda 1:24

Lɛ, nɔ nɛ e ngɛ he wami nɛ e kɛ maa bu nyɛhe nɛ nyɛ ko tɛ si, nɛ e kɛ nyɛ ya da e nyami ɔ hɛ mi nɛ piami ko ko hi nyɛ he ngɛ bua jɔmi mi ɔ,

Mateo 26:41

Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi; mumi ɔ ngɛ kplɛɛ e mohu, se he lo ɔ gbede.”

1 Tesalonikabi 5:17

nyɛɛ sɔle be tsuaa be;

Marko 13:37

Nɔ́ nɛ i ngɛ nyɛ dee nɛ ɔ, nihi tsuo i ngɛ dee: Nyɛɛ huɔ!”

2 Timoteo 4:5

Se moo lɛɛ, o hɛ nɛ ka si ngɛ nihi kulaa mi, mia o hɛ mi ngɛ dengme gbomihi a mi, tsu sane kpakpa jajelɔ ni tsumi ɔ, nɛ gbee o sɔmɔmi ni tsumi ɔ nya kulaa!

Kolosebi 4:2

Nyɛɛ sɔle daa, nyɛɛ fɔ nyɔ ngɛ mi kɛ sina;

Ni Tsumi 10:2

Mawu jalɔ ji lɛ, nɛ e kɛ e we ɔ tsuo yee Mawu gbeye, nɛ e peɔ ma mi bi ɔmɛ kpakpahi fuu, nɛ e kpaa Mawu pɛɛ daa.

Luka 20:35

se nihi nɛ maa sa je nɛ ma a kɛ ni gbogboehi a si temi ɔ nami ɔ, a ngɔɛ yo, nɛ pohu a kɛ yo ha we gba;

Mateo 8:20

Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”

Mateo 24:43

Se nyɛ na nɛ nyɛɛ le kaa, ke wetsɛ ko le ngmlɛfia nɔ nɛ juɔ baa a, jinɛ e maa huɔ nɛ e be blɔ ngmɛe nɛ a yua e we ɔ ngɔ wo mi.

Mateo 24:44

Lɔ ɔ he ɔ nyɛ hu nyɛ dla nyɛ he ngɔ to, ejakaa ngmlɛfia nɛ nyɛ susuu we ɔ nɔ nɛ Nɔmlɔ Bi ɔ ma.”

Luka 1:19

Nɛ bɔfo ɔ ha lɛ heto ke: “Imi ji Gabriel nɛ daa Mawu hɛ mi ɔ nɛ, nɛ a tsɔ mi ke ma ba de mo nɛ ma sɛɛ Sane Kpakpa nɛ ɔ ha mo.

Luka 21:35

ejakaa e maa ba nihi kulaa nɛ ngɛ zugba mluku ɔ tsuo nɔ ɔ nɔ.

2 Korintobi 4:14

ejakaa wa le kaa nɔ nɛ tle Nyɔmtsɛ Yesu si ɔ, e ma tle waa kɛ Yesu si, nɛ e kɛ waa kɛ nyɛ tsuo ma ba da e hɛ mi.

Kpojemi 6:17

Ejakaa e mi mi fumi ligbi ngua a su, nɛ mɛnɔ ma nyɛ si maa da?”

Kpojemi 7:9

Enɛ ɔ se ɔ i hyɛ, nɛ oʼɛ, nimli asafo nɛ nɔ ko nɔ ko be nyɛe maa kane nɛ je je mi ma tsuaa je mi ma kɛ wɛtsohi kɛ mahi kɛ mahi a nɔ gbihi a mi nɛ a daa si ngɛ matsɛ sɛ ɔ hɛ mi kɛ Tobi ɔ hɛ mi, nɛ a wo tade hiɔ, nɛ a hɛɛ tã kuɔmihi ngɛ a dɛ,

Kpojemi 8:2

Nɛ i na hiɔwe bɔfohi kpaago ɔ nɛ daa si ngɛ Mawu hɛ mi ɔ, nɛ a ngɔ Titimati kpaago ngɔ ha mɛ.

Kpojemi 11:4

Odaseyeli enyɔ nɛ ɔmɛ ji nu tsohi enyɔ ɔ kɛ kane tsohi enyɔ ɔ nɛ daa si ngɛ zugba a nɔ nyɔmtsɛ ɔ hɛ mi ɔ nɛ.