Luka 21:12 - Somi He Ɔ

¹² “Se loko enɛ ɔmɛ kulaa maa ba a, a maa nu nyɛ, nɛ a maa wa nyɛ yi mi, nɛ a maa ngɔ nyɛ ngɔ ha ngɛ kpe he ɔmɛ kɛ pamitsɛmɛ a tsuhi a mi, nɛ a ma kpaka nyɛ kɛ maa ya matsɛmɛ kɛ ganɔhi a hɛ mi ngɛ ye biɛ ɔ he?

BAIBLO ALOO NGMAMI KLƆUKLƆU Ɔ

¹² Se loko ní nɛ ɔmɛ tsuo maa ba a, a maa nuu nyɛ, nɛ a maa wa nyɛ yi mi. A maa ngɔ nyɛ kɛ ha nɛ a kojo nyɛ ngɛ kpe he ɔmɛ, nɛ a maa wo nyɛ tsu. Ye he ɔ, a maa ngɔ nyɛ kɛ ba matsɛmɛ, kɛ ganɔhi a hɛ mi.

Luka 21:12 ပူးပေါင်းရင်းမြစ်များ

1 Petro 2:13

Nyɛɛ ba nyɛ he si ha nimli a blɔ nya tomi tsuaa blɔ nya tomi, ngɛ Nyɔmtsɛ ɔ he, matsɛ nɔ nɛ yeɔ nɔ ɔ jio,

Ni Tsumi 22:30

Se akɛnɛ asafoatsɛ nɔkɔtɔma a ngɛ hlae nɛ e le nɔ́ tutuutu he je nɛ Yudafo ɔmɛ po e nya a, e nɔ je na nɔ ɔ, e pɛne lɛ, nɛ e fa ke osɔfo nikɔtɔma amɛ kɛ gua ngua a kulaa nɛ ba. Nɛ e kɛ Paulo kple si, nɛ e kɛ lɛ ya da a hɛ mi.

Ni Tsumi 9:4

nɛ e tsɔ fia si, nɛ e nu gbi ko nɛ ngɛ lɛ dee ke: “Saulo, Saulo, mɛ he je o ngɛ mi yi mi wae?”

Ni Tsumi 8:3

Se Saulo lɛɛ, e ka asafo ɔ hɛ mi kpatami. E sɛɛ wehi a mi nɛ e ya nuu nyumuhi kɛ yihi nɛ e ya woɔ mɛ tsu mi.

Ni Tsumi 5:40

Nɛ a bu lɛ tue; nɛ a tsɛ bɔfo ɔmɛ kɛ ba, nɛ a fia mɛ kpa nɛ a wo mɛ kita ke a ko tu munyu ngɛ Yesu biɛ mi hu, nɛ a ngmɛɛ a he.

Yohane 15:20

Nyɛ hɛ nɛ hi munyu nɛ i tu nyɛ ɔ nɔ ke: ‘Nyɔguɛ pa we e nyɔmtsɛ.’ Ke a wa mi yi mi ɔ, a maa wa nyɛ hu yi mi; ke a ye ye munyu ɔ nɔ ɔ, a maa ye nyɛ hu nyɛ nɔ ɔ nɔ.

Mateo 22:6

Nɛ nihi nɛ piɛ ɔ nu e tsɔli ɔmɛ nɛ a wa mɛ yi mi, nɛ a gbe mɛ.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

Mateo 24:8

Se enɛ ɔmɛ tsuo ɔ kɔɔmi ɔmɛ a sisi jemi ʼi.

Luka 21:11

nɛ zugba mimiɛmi nɛ nya wa maa ba hehi slɔɔtohi tsuo kɛ hwɔ kɛ gbenɔ hiɔhi, nɛ gbeye nihi kɛ okadi nguahi maa je hiɔwe kɛ ba.

Yohane 15:21

A maa ngɔ enɛ ɔmɛ tsuo ngɔ pee nyɛ ngɛ ye biɛ ɔ he, mɛni he je ɔ, a li nɔ nɛ tsɔ mi ɔ.