Luka 20:14 - Somi He Ɔ

¹⁴ Se benɛ huli ɔmɛ na lɛ ɔ, a de a he ke: ‘Ni yelɔ ɔ ji nɛ ɔ nɛ; nyɛɛ ba nɛ nyɛ ha waa gbe lɛ, konɛ ni ɔmɛ nɛ pee wa nɔ.’

BAIBLO ALOO NGMAMI KLƆUKLƆU Ɔ

¹⁴ Se benɛ apaa yeli ɔmɛ na lɛ ɔ, a de a he ke, ‘Gbosi ní yelɔ ɔ ji nɛ ɔ nɛ. Nyɛ ha waa gbe lɛ! Kɛkɛ ɔ, gbosi ní ɔ ma ba pee wa nɔ́.’

Luka 20:14 ပူးပေါင်းရင်းမြစ်များ

Romabi 8:17

Nɛ ke bimɛ ji wɔ ɔ, lɛɛ we ni yeli hu ji wɔ, Mawu we ni yeli kɛ Kristo nyɛmimɛ we ni yeli, ke e ngɛ mi kaa waa kɛ lɛ naa amanehlu ɔ, konɛ a wo waa kɛ lɛ hɛ mi nyami hulɔ.

Hebribi 1:2

se ngɛ nyagbe ligbi nɛ ɔmɛ a mi ɔ, e Bi ɔ nya e kɛ wɔ tu munyu ngɛ, nɔ nɛ e ngɔ lɛ ngɔ pee nihi kulaa yelɔ ɔ, nɔ nɛ nɔ hu nɛ e gu kɛ bɔ je ɔ kɛ e mi ni ɔmɛ;

Ni Tsumi 3:15

nɛ Wami Matsɛ ɔ, nyɛ gbe lɛ. Se Mawu tle lɛ si kɛ je gbeje, kɔlɔ ɔ nɔuu he odaseyeli ji wɔ.

Ni Tsumi 2:23

Yesu nɛ ɔ nɛ a je lɛ ngɛ Mawu yi mi tomi kɛ e ni nɛ e le ngɔ to ɔ nya ngɔ ha a, nyɛ gu nihi nɛ li mlaa amɛ a nine nɔ nyɛ sɛu lɛ nɛ nyɛ gbe lɛ.

Luka 22:2

Nɛ osɔfo nikɔtɔma amɛ kɛ mlaa tsɔɔli ɔmɛ hla bɔ nɛ a maa pee nɛ a gbe Yesu; se a ngɛ ma a gbeye yee.

Luka 20:19

Osɔfo nikɔtɔma amɛ kɛ mlaa tsɔɔli ɔmɛ ngɛ hlae nɛ a nu Yesu ngɛ lɛ ngmlɛfia a nɔ nɔuu se a ya ye ma a gbeye, ejakaa a kɔ se kaa a he nɛ e bu kikɛmɛ a bɛ nɛ ɔ nɛ.

Luka 20:5

Se a sa nya ngɛ a kpɛti ke: “Ke wa de ke e je hiɔwe ɔ, e ma de ke: ‘Mɛni he je nɛ nyɛ he we lɛ yi mɔ?’

Luka 19:47

Nɛ Yesu ya tsɔɔ ni daa ngɛ sɔlemi we ɔ; se osɔfo nikɔtɔma amɛ kɛ mlaa tsɔɔli ɔmɛ kɛ ma a mi nikɔtɔma amɛ ngɛ hlae nɛ a kpata e hɛ mi;

Mateo 21:25

Yohane baptisimi ɔ jije e je? Hiɔwe e je loo nimli a dɛ mi?” Nɛ a hla mi ngɛ a kpɛti ke: “Ke wa ke ‘e je hiɔwe’ ɔ, e ma de wɔ ke: ‘Mɛni he je nyɛ he we lɛ yi mɔ?’

Mateo 16:7

Se a tu he munyu ngɛ a kpɛti ke: “Abolo nɛ wa hɛɛ we ɔ he je!”

Mateo 21:34

Nɛ benɛ yiblii kpami be su ɔ, e tsɔ e tsɔli kɛ ya huli ɔmɛ a ngɔ ke a ya ngɔ e yiblii ɔ kɛ ba ha lɛ.

Luka 20:13

Nɛ wai ngmɔtsɛ ɔ ke: ‘Kɛ ma pee kɛɛ? Ma tsɔ ye bi nɛ i suɔ ɔ; eko ɔ lɛɛ ke a na lɛ ɔ, a ma gbo lɛ zo.’

Luka 20:15

Lɔ ɔ he ɔ, a tsitsɛɛ e kuɛ se kɛ je wai ngmɔ ɔ mi nɛ a ya gbe lɛ. Lɔ ɔ he ɔ, kɛ wai ngmɔtsɛ ɔ maa pee mɛ kɛɛ?