Luka 2:49 - Somi He Ɔ

⁴⁹ Nɛ e de mɛ ke: “Mɛ he je nyɛ ngɛ mi hlae? Anɛ nyɛ li kaa e sa kaa ma hi si ngɛ nihi nɛ ji tsaatsɛ nɔ ɔ mi lo?”

BAIBLO ALOO NGMAMI KLƆUKLƆU Ɔ

⁴⁹ E bi mɛ ke, “Mɛni he je nyɛ ngɛ mi hlae? Anɛ nyɛ li kaa e sa kaa ma hi Tsaatsɛ we ɔ lo?”

Luka 2:49 ပူးပေါင်းရင်းမြစ်များ

Mateo 21:12

Nɛ Yesu ya Mawu sɔlemi we ɔ nɛ e ya fie nihi nɛ ngɛ ni juae kɛ nihi nɛ ngɛ ni hee ngɛ sɔlemi we ɔ, nɛ e sake sika tsakeli ɔmɛ a kplɔɔ ɔmɛ kɛ nihi nɛ ngɛ lahuɛ ɔmɛ juae ɔ a sɛ ɔmɛ ngɔ fia si.

Luka 2:48

Nɛ benɛ a na lɛ ɔ, a nya kpɛ a he; e nyɛ bi lɛ ke: “Ye bi, mɛ he je o pee wɔ kikɛ? Oʼɛ, i kɛ o tsɛ hia mo kɛ hɛdɔ.”

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Yohane 5:17

Se Yesu he nɔ nɛ e de mɛ ke: “Tsaatsɛ ngɛ ni tsue kɛ mwɔɔ nɛ imi hu i ngɛ ni tsue.”

Yohane 5:36

Se imi lɛɛ, i ngɛ odase nɛ pe Yohane nɔ ɔ, ejakaa ni tsumi ɔmɛ nɛ Tsɛ ɔ ngɔ ha mi kaa ma gbe nya a, lɛ ni tsumi ɔmɛ nɛ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 6:38

Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he.

Yohane 8:29

Nɛ nɔ nɛ tsɔ mi ɔ kɛ mi ngɛ, Tsɛ ɔ si we ye nɔ kake, ejakaa imi lɛɛ, nɔ́ nɛ sa e hɛ mi i peɔ daa.”

Yohane 9:4

Wɔɔ lɛɛ, nɛ je na nɛ ɔ ɔ, ja wa tsu nɔ nɛ tsɔ wɔ ɔ ni tsumi ɔmɛ; je maa jɔ, benɛ nɔ ko be ni nyɛe ma tsu hu.