Luka 2:47 - Somi He Ɔ

⁴⁷ Nɛ nihi tsuo nɛ ngɛ lɛ tue bue ɔ nya kpɛ a he ngɛ e ni lemi kɛ e heto nɛ e ngɛ hae ɔmɛ a he.

BAIBLO ALOO NGMAMI KLƆUKLƆU Ɔ

⁴⁷ Nihi tsuo nɛ ngɛ lɛ tue bue ɔ a nya kpɛ a he; ejakaa a na kaa e juɛmi mi kuɔ, nɛ e ngɛ níhi a heto hae pɛpɛɛpɛ.

Luka 2:47 ပူးပေါင်းရင်းမြစ်များ

Mateo 7:28

Nɛ e ba mi kaa benɛ Yesu gbe munyu nɛ ɔmɛ a nya a, ni ɔmɛ a he nya si mɛ ngɛ e ni tsɔɔmi ɔ he;

Luka 4:32

Nɛ mɛ tsuo a nya kpɛ a he ngɛ e nitsɔɔmi ɔ he, ejakaa e munyu ɔ mi ngɛ hewami.

Yohane 7:15

Nɛ Yudafo ɔmɛ a nyɛ kpɛ a he nɛ a de ke: “Kɛ nɔ nɛ ɔ nɛ kase we ni ɔ pee kɛɛ nɛ e le womihi a mi nihi nɛ ɔ?”

Marko 1:22

Nihi nɛ bu lɛ tue ɔ nya kpɛ a he ngɛ e ni tsɔɔmi ɔ he. E tsɔɔ mɛ ni kaa nɔ nɛ ngɛ he blɔ se tsa pi kaa mlaa tsɔɔli ɔmɛ.

Yohane 7:46

Tsɔli ɔmɛ he nɔ ke: “Bɔ nɛ nɔmlɔ nɔ ngɛ munyu tue ɔ, nɔ ko tui munyu ja gblee.”

Luka 4:22

Nɛ nihi tsuo ye lɛ odase, nɛ a nya kpɛ a he ngɛ dloomi munyuhi nɛ je e nya a he, nɛ a de ke: “Anɛ pi Yosef bi nyumu ɔ ji nɛ ɔ?”

Mateo 13:54

nɛ benɛ e ba lɛ nitse e ma a mi ɔ, e tsɔɔ mɛ ni ngɛ a kpe he ɔ, nɛ e ha a he nya si mɛ nɛ a ke: “Jije nɔ nɛ ɔ ya na ni lemi kɛ he wami ni nɛ ɔmɛ kɛ je?

Mateo 22:33

Nɛ benɛ asafo ɔmɛ nu enɛ ɔ ɔ, a he nya si mɛ ngɛ e tsɔɔmi ɔ he.

Marko 6:2

Nɛ benɛ e su Hejɔɔmi Ligbi ɔ, e bɔni ni tsɔɔmi ngɛ kpe he ɔ; nɛ nihi fuu nɛ nu ɔ he nya si mɛ nɛ a bi ke: “Jije nɔ nɛ ɔ ya na ni nɛ ɔmɛ kɛ je? Mɛni ni lemi a kɛ ha lɛ, nɛ mɛni blɔ nɔ e guu kɛ tsuɔ kikɛmɛ a nyakpɛ ni tsumi nɛ ɔmɛ?

Marko 11:18

Nɛ osɔfo nikɔtɔma amɛ kɛ mlaa tsɔɔli ɔmɛ nu, nɛ lɔ ɔ he ɔ a hla bɔ nɛ a maa pee nɛ a kpata e hɛ mi; se a ngɛ lɛ gbeye yee, ejakaa asafo ɔ kulaa nya kpɛ a he ngɛ e ni tsɔɔmi ɔ he.

Luka 2:46

Nɛ e ba mi kaa ligbi etɛ se ɔ, a ya na lɛ ngɛ sɔlemi we ɔ nɛ e hii si ngɛ tsɔɔli ɔmɛ a kpɛti nɛ e ngɛ mɛ tue bue, nɛ e ngɛ mɛ ni bie.

Luka 2:18

Nɛ nihi tsuo nɛ nu ɔ hɛ mi pee mɛ yaa ngɛ nɔ́ nɛ to hyɛli ɔmɛ sɛɛ ha mɛ ɔ he.