Luka 2:34 - Somi He Ɔ

³⁴ Nɛ Simeon gbaa mɛ nɛ e de e nyɛ Maria ke: “Oʼɛ, a kɛ bi nɛ ɔ da si ha nihi fuu a si gbeemi kɛ a si temi ngɛ Israel, kɛ okadi nɛ a maa tu munyu nɔ si,

BAIBLO ALOO NGMAMI KLƆUKLƆU Ɔ

³⁴ Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Luka 2:34 ပူးပေါင်းရင်းမြစ်များ

1 Korintobi 1:23

se wɔɔ lɛɛ, Kristo nɛ a sɛu ɔ wa fiɛɔ, nɔ nɛ plɛ kpangmi ha Yudafohi kɛ kuasiahi a sane ha majemajeli ɔmɛ;

Mateo 21:44

Nɛ nɔ tsuaa nɔ nɛ maa nɔ tɛ nɛ ɔ nɔ ɔ, e mi ma tsɔtslɔɔ; se nɔ nɔ nɛ tɛ ɔ maa nɔ ɔ, e maa gblɛ lɛ mɔnyɔmɔnyɔ.]”

1 Petro 4:14

Ke Kristo biɛ ɔ he nihi jɛɛ nyɛ ɔ, da gbaa nyɛ, ejakaa hɛ mi nyami Mumi kɛ Mawu Mumi ɔ kpleɔ si kɛ baa nyɛ nɔ.

Hebribi 7:7

Nguane jemi ko be he kulaa kaa nɔ nɛ kle pe e nyɛmi ɔ lɛ e gbaa nɔ nɛ klee we ɔ.

Romabi 9:32

Mɛni he je? Ejakaa a gui hemi kɛ yemi nɔ kɛ hla we, se mohu kaa nihi nɛ guu ni tsumihi a nɔ kɛ hlaa.

Ni Tsumi 6:7

Nɛ Mawu munyu ɔ blɛke, nɛ kaseli ɔmɛ a he ba hiɛ babauu ngɛ Yerusalem; nɛ osɔfo ɔmɛ tete po a kpɛti nihi fuu buɔ hemi kɛ yemi ɔ tue.

Ni Tsumi 24:5

E ji anɔkuale kaa wa na nyumu nɛ ɔ kaa e ji nihi a tue puɛlɔ, e woɔ Yudafohi tsuo nɛ ngɛ zugba mluku ɔ kulaa nɔ ɔ yi mi nɛ a tsɔ atua, nɛ jeha nɛ ɔ hu e ji Nazaretsɛmɛ a kuu ɔ nya kpa.

Ni Tsumi 17:6

Se benɛ a nɛ́ mɛ ɔ, a kpaka Yason kɛ nyɛmimɛ ɔmɛ a ti ni komɛ kɛ ya ma a mi nikɔtɔma amɛ a hɛ mi nɛ a kpa ngmlaa ke: “Ni nɛ ɔmɛ nɛ plɛ je mi hɛ mi ngɔ bu si nɛ ɔ ba hiɛ ɔ hulɔ,

Ni Tsumi 13:45

Se benɛ Yudafo ɔmɛ na asafo ɔmɛ ɔ, hunga jemi babauu te si ngɛ a mi, nɛ a kɛ munyu tumi-kɛ-simi kɛ musu bɔmi munyu ku nihi nɛ Paulo ngɛ dee ɔ nya.

Ni Tsumi 4:26

Zugba a nɔ matsɛmɛ ɔmɛ te da si, Nɛ ganɔ ɔmɛ hu a nya ba bua Ngɔ wo Nyɔmtsɛ ɔ kɛ nɔ nɛ a pɔ lɛ nu ɔ.’

Yohane 5:18

Enɛ ɔ he titli Yudafo ɔmɛ ngɛ lɛ hlae nɛ a gbe ɔ nɛ, ejaksaa pi Hejɔɔmi Ligbi ɔ kɛkɛ nɛ e ble, se mohu e tsɛ Mawu ke lɛ nitse e tsɛ, nɛ e kɛ Mawu sɔ.

Yohane 3:20

nɛ nɔ tsuaa nɔ nɛ tsuɔ ni yayamihi ɔ nyɛɛ la a, nɛ e bɛ la a he, konɛ a ko je e ni tsumi ɔmɛ kpo.

Mateo 27:63

a ke: “Nyɔmtsɛ, wa kai kaa benɛ sisilɔ nɛ ɔ hɛ ngɛ ɔ, e ke: ‘Ligbi nɛ ji ligbi etɛ ɔ e ma te si ekohu.’

Mateo 12:46

Yesu kɛ asafo ɔmɛ ngɛ nɔ ngɛ munyu tue nɔuu kɛkɛ nɛ oʼɛ, e nyɛ kɛ e nyɛmimɛ ɔmɛ ba da agbo ɔ nya; a ngɛ hlae nɛ a kɛ lɛ maa tu munyu?

Mateo 11:19

Nɔmlɔ Bi ɔ ba nɛ e yeɔ ni nɛ jeha nɛ e nuu nɔ ko ɔ, a de ke: ‘Oʼɛ, nyumu jiklɔɔtsɛ kɛ da nulɔ onia tsuli kɛ yayami peeli a huɛ ɔ ji nɛ ɔ nɛ!’ Nɛ a bu Nawu ni lemi ɔ bemi ngɛ e ni tsumi ɔmɛ a nya.”

Hebribi 7:1

Se Melkizedek nɛ ɔ ɔ, lɛ ji Salem matsɛ, Mawu ope ɔ, osɔfo nɛ kɛ Abraham ya kpe benɛ e kpale e se kɛ je matsɛmɛ ɔmɛ a gbemi mi ngɛ ta mi nɛ e gbaa lɛ,

Ni Tsumi 28:22

Se wa suɔ kaa wa maa bu o juɛmi ɔ tue; ejakaa kikɛmɛ a kuu nɛ ɔ wa le kaa a tuɔ e he munyu yaya ngɛ he tsuaa he.”

Luka 2:35

nɛ mo nitse hu, ha maa gbɔ o tsui mi; konɛ a je tsuihi fuu a susumihi kpo.”