Luka 2:10 - Somi He Ɔ

¹⁰ Nɛ bɔfo ɔ de mɛ ke: “Nyɛ ko ye gbeye; ejakaa oʼɛ, ma sɛɛ bua jɔmi sane kpetekpleenyɛ nɛ ji ma tsuo nɔ ɔ ha nyɛ,

BAIBLO ALOO NGMAMI KLƆUKLƆU Ɔ

¹⁰ Se bɔfo ɔ de mɛ ke, “Nyɛ ko ye gbeye! I hɛɛ manye munyu nɛ ma ha Israel ma a tsuo ma na bua jɔmi babauu kɛ ha nyɛ.

Luka 2:10 ပူးပေါင်းရင်းမြစ်များ

Mateo 14:27

Se amlɔ ɔ, Yesu wo e nya nɔ nɛ e de mɛ ke: “Nyɛ na tsui, ami ʼi; nyɛ ko ye gbeye!”

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Mateo 28:5

Se bɔfo ɔ de yi ɔmɛ ke: “Nyɛɛ lɛɛ nyɛ ko ye gbeye, ejakaa i le kaa nyɛ ngɛ Yesu nɔ nɛ a sɛu ɔ hlae;

Marko 1:15

E ke: “Be ɔ su; Mawu matsɛ yemi ɔ na nyɛ haa! Nyɛɛ kpale kɛ je nyɛ he yayami ɔmɛ a he nɛ nyɛ he sane kpakpa a ye.”

Marko 16:15

Nɛ e de mɛ ke: “Nyɛɛ ya je ɔ tsuo kulaa mi nɛ nyɛ ya fiɛ Sane Kpakpa a ngɔ tsɔɔ nɔ tsuaa nɔ nɛ a bɔ ɔ.

Luka 1:13

Se bɔfo ɔ de lɛ ke: “Koo ye gbeye, Zakaria, ejakaa a bu o pɛɛ kpami ɔ tue, nɛ o yo Elisabet ma fɔ bi nyumu ha mo, nɛ o wo lɛ biɛ Yohane.

Luka 1:19

Nɛ bɔfo ɔ ha lɛ heto ke: “Imi ji Gabriel nɛ daa Mawu hɛ mi ɔ nɛ, nɛ a tsɔ mi ke ma ba de mo nɛ ma sɛɛ Sane Kpakpa nɛ ɔ ha mo.

Luka 1:30

Se bɔfo ɔ de lɛ ke: “Koo ye gbeye, Maria, ejakaa o hɛ mi ba nyami ngɛ Mawu hɛ mi.

Luka 2:11

kaa mwɔ nɛ ɔ a fɔ yi wami helɔ nɛ ji Kristo, Nyɔmtsɛ ɔ, ngɔ ha nyɛ ngɛ David ma a mi.

Luka 24:47

nɛ a fiɛ tsui tsakemi kɛ yayami pami ngɛ e biɛ ɔ mi ngɔ tsɔɔ mahi tsuo, nɛ a bɔni kɛ je Yerusalem.

Luka 8:1

Enɛ ɔ se ɔ, Yesu ya kpa mahi kɛ kɔpehi a mi nɛ e fiɛ Mawu matsɛ yemi ɔ he Sane Kpakpa a ngɔ tsɔɔ nihi; nɛ e kaseli nyɔngma kɛ enyɔ ɔmɛ piɛ e he,

Ni Tsumi 13:32

Nɛ wɔɔ lɛɛ, si nɛ e wo wa tsɛmɛ ɔmɛ ɔ he sane kpakpa a wa ngɛ fiɛe kɛ ngɛ tsɔɔe nɛ ɔ nɛ,

Romabi 10:15

Nɛ kɛ maa pee kɛɛ nɛ a maa fiɛ ke a tsɔ we mɛ ɔ? Kaa bɔ nɛ a ngma a ke: “Hyɛ bɔ nɛ he jɔmi sane kpakpa fiɛli nɛ fiɛɛ ni kpakpa amɛ a nanehi ngɛ fɛu ha!”

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.