Luka 19:9 - Somi He Ɔ

⁹ Nɛ Yesu de lɛ ke: “Mwɔnɛ yi wami hemi ba we nɛ ɔ mi, ejakaa lɛ hu Abraham bi ji lɛ.

BAIBLO ALOO NGMAMI KLƆUKLƆU Ɔ

⁹ Yesu de lɛ ke, “Yi wami hemi ba we nɛ ɔ mi mwɔnɛ ɔ; ejakaa nyumu nɛ ɔ hu Abraham nina ji lɛ.

Luka 19:9 ပူးပေါင်းရင်းမြစ်များ

Galatabi 3:7

Lɔ ɔ he ɔ, nyɛ na nyɛɛ le kaa nihi nɛ je hemi kɛ yemi ɔ mi ɔ, mɛ nɔuu ji Abraham bimɛ.

Luka 13:16

Oʼɛ, kikɛmɛ a yo nɛ ɔ nɛ ji Abraham bi yo nɛ Satan fi lɛ kikɛmɛ a jeha nyɔngma kɛ kpaanyɔ nɛ ɔ ɔ, anɛ e dɛ́ kaa a pɛneɔ lɛ ngɛ kikɛmɛ a kpa nɛ ɔ mi ngɛ Hejɔɔmi Ligbi ɔ nɔ lo?”

Romabi 4:16

Se enɛ ɔ he je nɛ e je hemi kɛ yemi mi ɔ nɛ, benɛ pee nɛ e pee dloomi sane, konɛ si womi ɔ nɛ ma si kpɛii ngɔ ha e nina tsuo, pi Mlaa sisibi ɔmɛ kɛkɛ, se mohu nihi nɛ je Abraham, nɛ ji wɔ tsuo wa tsɛ ɔ, hemi kɛ yemi ɔ mi ɔ hulɔ,

1 Petro 2:10

Sa a, nyɛ pi ma, se jehanɛ ɔ, Mawu ma ji nyɛ; sa a, a nɛ nyɛ mɔbɔ, se jehanɛ ɔ, a na nyɛ mɔbɔ.

Galatabi 3:29

Se ke Kristo nihi ji nyɛ ɔ, lɛɛ Abraham nina ji nyɛ, kɛ gbo si ni yeli hulɔ ngɛ si womi ɔ nya.

Galatabi 3:14

konɛ Abraham gbaami ɔ nɛ ba maje li ɔmɛ a nɔ ngɛ Kristo Yesu mi, nɛ waa kɛ hemi kɛ yemi ɔ nɛ na Mumi ɔ si womi ɔ.

Luka 3:8

Lɔ ɔ he ɔ, nyɛɛ wo yiblii nɛ sa tsui tsakemi; nɛ nyɛ ko bɔni demi ngɛ nyɛ yi mi ke: ‘Wa tsɛ ji Abraham,’ ejakaa i ngɛ nyɛ dee ke, Mawu ma nyɛ ma tle bimɛ a si kɛ je tɛ nɛ ɔmɛ a mi ngɔ ha Abraham.

Luka 2:30

Ejakaa ye hɛngmɛ na o yi wami hemi ɔ”

Luka 13:30

Nɛ oʼɛ, sekpɛtsɛmɛ ngɛ nɛ maa pee kekletsɛmɛ, na kekletsɛmɛ hu ngɛ nɛ maa pee sekpɛtsɛmɛ.

Luka 16:24

Nɛ e kpa ngmlaa kɛ tsɛ ke: ‘Etsɛ Abraham, naa mi mobɔ nɛ o tsɔ Lazaro nɛ e kɛ e nine nguɛ nya ya sɔ nyu mi nɛ e kɛ ba jɔɔ ye lilɛ he, ejakaa i ngɛ nɔ nae ngɛ la lilɛ nɛ ɔmɛ a mi.’

Luka 16:30

Se lɛɛ e ke: ‘Dɛbi, Etsɛ Abraham, ke nɔ ko je gbeje kɛ ya a ngɔ ɔ, lɔ ɔ loko a ma tsake a tsui.