Luka 19:47 - Somi He Ɔ

⁴⁷ Nɛ Yesu ya tsɔɔ ni daa ngɛ sɔlemi we ɔ; se osɔfo nikɔtɔma amɛ kɛ mlaa tsɔɔli ɔmɛ kɛ ma a mi nikɔtɔma amɛ ngɛ hlae nɛ a kpata e hɛ mi;

BAIBLO ALOO NGMAMI KLƆUKLƆU Ɔ

⁴⁷ Daa ligbi ɔ, Yesu ya tsɔɔ ní ngɛ sɔlemi we ɔ. Osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ hlaa kaa a maa gbe lɛ.

Luka 19:47 ပူးပေါင်းရင်းမြစ်များ

Marko 11:18

Nɛ osɔfo nikɔtɔma amɛ kɛ mlaa tsɔɔli ɔmɛ nu, nɛ lɔ ɔ he ɔ a hla bɔ nɛ a maa pee nɛ a kpata e hɛ mi; se a ngɛ lɛ gbeye yee, ejakaa asafo ɔ kulaa nya kpɛ a he ngɛ e ni tsɔɔmi ɔ he.

Mateo 26:55

Jamɛ a ngmlɛfia a nɔ nɔuu ɔ, Yesu de asafo ɔ ke: “Imi numi nyɛ ba kaa a nuu ojo fialɔ ko ke klaate kɛ tsokpotihi nɛ ɔ? I hii sɔlemi we ɔ daa nɛ i tsɔɔ ni, nɛ nyɛ nui mi.

Yohane 18:20

Yesu he nɔ nɛ e de lɛ ke: “Pãa i tuɔ munyu kɛ tsɔɔ je ɔ. Daa nɛ ɔ i tsɔɔ ni ngɛ kpe he ɔmɛ kɛ sɔlemi we ɔ, he nɛ Yudafo ɔmɛ tsuo kpee ngɛ ɔ, nɛ i de we nɔ́ ko nɔ́ ko ngɛ laami mi.

Yohane 10:39

Lɔ ɔ he ɔ, a ngɛ hlae ekohu nɛ a nu lɛ, se e je a dɛ.

Yohane 7:44

Se jinɛ a ti ni komɛ ngɛ hlae nɛ a nu lɛ, se kɛ ɔ, nɔ ko nyɛ we e he nɛ e ta.

Yohane 7:19

Anɛ pi Mose nɛ ha nyɛ Mlaa a lo? Nɛ nyɛ ti nɔ ko yi Mlaa a nɔ. Mɛni he je nyɛ ngɛ mi hlae nɛ nyɛ maa gbe ɔ?”

Marko 14:1

Benɛ e piɛ ligbi enyɔ nɛ a maa ye Hetsɔmi kɛ Akpiti ligbi ɔ, osɔfo nikɔtɔma amɛ kɛ mlaa tsɔɔli ɔmɛ hla bɔ nɛ a maa pee nɛ a nu Yesu ga mi nɛ a gbe lɛ.

Marko 12:12

Yudafo ɔmɛ a nikɔtɔma amɛ ngɛ lɛ hlae nɛ a nu, ejakaa a le kaa a he nɛ e bu kikɛmɛ a abɛ nɛ ɔ nɛ, se a ngɛ asafo ɔ gbeye yee. Nɛ a si lɛ nɛ a je.

Mateo 21:23

Nɛ benɛ Yesu ba sɔlemi we ɔ nɛ e ngɛ mɛ ni tsɔɔe ɔ, osɔfo nikɔtɔma amɛ kɛ ma nikɔtɔma amɛ ba e ngɔ nɛ a ba bi lɛ ke: “Mɛni he blɔ o ngɛ he je nɛ o peɔ kikɛmɛ a ni nɛ ɔmɛ, nɛ mɛnɔ ha mo kikɛmɛ a he blɔ nɛ ɔ?”

Marko 14:49

Daa nɛ i kɛ nyɛ ngɛ sɔlemi we ɔ nɛ i tsɔɔ nihi a ni ɔ, lɔ ɔ lɛɛ nyɛ nui mi; se benɛ pee nɛ ngmami ɔmɛ nɛ na ba mi he je.”

Luka 19:48

se a li blɔ nɔ nɛ a maa gu, ejakaa ma mluku ɔ tsuo heɔ lɛ yeɔ, nɛ a buɔ lɛ tue.

Luka 20:19

Osɔfo nikɔtɔma amɛ kɛ mlaa tsɔɔli ɔmɛ ngɛ hlae nɛ a nu Yesu ngɛ lɛ ngmlɛfia a nɔ nɔuu se a ya ye ma a gbeye, ejakaa a kɔ se kaa a he nɛ e bu kikɛmɛ a bɛ nɛ ɔ nɛ.