Luka 19:15 - Somi He Ɔ

¹⁵ “Nɛ e ba mi kaa benɛ e nine ya su matsɛ yemi ɔ nɔ nɛ e kpale e se kɛ ba a, e fa ke a tsɛ jamɛ a sɔmɔli ɔmɛ nɛ e ngɔ e sika a ngɔ ha a kɛ ba, konɛ e na nɔ́ nɛ a na ngɛ sika a he plɛmi mi’

BAIBLO ALOO NGMAMI KLƆUKLƆU Ɔ

¹⁵ “A na ya wo nyumu ɔ matsɛ, nɛ e kpale e se kɛ ba. Amlɔ ɔ nɔuu ɔ, e fa ke a tsɛ e tsɔli ɔmɛ nɛ e ha mɛ sika a kɛ ba, konɛ e hyɛ nɔ́ nɛ a na ngɛ se.

Luka 19:15 ပူးပေါင်းရင်းမြစ်များ

Luka 12:48

se nɔ nɛ li nɛ e ya pee kpa fiami ni ɔ, a maa fia lɛ kpa bɔɔ ko. Se nɔ tsuaa nɔ nɛ a ngɔ fuu ngɔ ha lɛ ɔ, a ma hla fuu ngɛ e dɛ; nɛ nɔ nɛ a tu fuu ngɔ wo e dɛ ɔ, a ma bi nɔ́ nɛ be nɔ si ngɛ e dɛ.”

Mateo 25:19

“Se e ngɛ mi hluu ɔ, sɔmɔli nɛ ɔmɛ a nyɔmtsɛ ɔ ba, nɛ e kɛ mɛ ba bu akɔɔtaa.

Luka 19:14

Se e ma mi bi ɔmɛ nyɛ lɛ, nɛ a tsɔ tsɔli kɛ fie e se ke: ‘Wa sume nɛ ɔ nɔ nɛ o ba ye wa nɔ matsɛ.’

Luka 19:16

Nɛ kekle nɔ ɔ ba ba de ke: ‘Nyɔmtsɛ, sika a fɔ nyɔngma.’