Luka 19:12 - Somi He Ɔ

¹² Lɔ ɔ he ɔ e ke: Ablade ko doma kɛ ho lokoo ya konɛ e ya ngɔ e matsɛ yemi nɛ e kpale kɛ ba.

BAIBLO ALOO NGMAMI KLƆUKLƆU Ɔ

¹² E de mɛ ke, “Be ko ɔ, ablade ko doma kɛ ho lokoo ya, konɛ a ya wo lɛ matsɛ nɛ e kpale kɛ ba.

Luka 19:12 ပူးပေါင်းရင်းမြစ်များ

1 Petro 3:22

nɔ nɛ ho hiɔwe ya nɛ e hii si ngɛ Mawu hiɛ ɔ nɔ nɛ a ngɔ hiɔwe bɔfohi kɛ he blɔhi kɛ he wamihi ngɔ wo e sisi ɔ.

Hebribi 9:28

ja nɔuu Kristo hu, a ngɔ lɛ ngɔ ha si kake, konɛ e tloo nihi fuu a he yayami kɛ ho. E ma je e he kpo nɔ́ nɛ ji si enyɔ, pi ngɛ yayami he, se mohu konɛ e ba he ninɛmɛ nɛ ngɛ lɛ blɔ hyɛe ɔ a yi wami.

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

Luka 20:9

Yesu ya nɔ nɛ e bu ma a abɛ nɛ ɔ ke: “Nyumu ko pee wai ngmɔ nɛ e ngɔ ha huli apaa yemi, nɛ e doma, nɛ e se ya kɛ.

Kpojemi 1:7

Oʼɛ, e ma kɛ bɔku ɔmɛ, nɛ hɛngmɛ tsuaa hɛngmɛ maa na lɛ kɛ nihi nɛ gbɔɔ lɛ ni ɔ hulɔ, nɛ zugba a nɔ weku ɔmɛ kulaa maa wo ya ngɛ e he. Ee, Amen.

1 Korintobi 15:25

Ejakaa ja Kristo ye matsɛ kɛ maa su be nɛ Mawu maa ngɔ henyɛli kulaa ngɔ wo e nane si.

Ni Tsumi 17:31

Ejakaa e to ligbi ko nɛ e maa gu nyumu ko nɛ e to ɔ nɔ kɛ kojo je mluku ɔ tsuo ngɛ dami nya; e ha nɔ tsuaa nɔ le enɛ ɔ, ejakaa e tle lɛ si kɛ je gbeje.”

Luka 24:51

Nɛ e ba mi kaa benɛ e ngɛ mɛ gbaae ɔ, e je a ngɔ nɛ a ngɔ lɛ kɛ ho hiɔwe ya.

Marko 16:19

Kɛkɛ ɔ, benɛ Mawetsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya nɛ we ya hi si ngɛ Mawu hiɛ ɔ nɔ.

Marko 12:1

Nɛ Yesu ya nɔ nɛ e kɛ mɛ tu munyu ngɛ abɛhi a mi ke: “Nyumu ko pee wai ngmɔ, nɛ e po piɛ wo he; e tsua wai tɛ muɔ, nɛ e ma mɔ ngɛ mi, nɛ e kɛ ha huli apaa yemi, nɛ e doma.

Mateo 21:38

Se huli ɔmɛ, benɛ a na bi ɔ mohu ɔ, a de a he ke: ‘Ni yelɔ ɔ ji nɛ ɔ nɛ? Nyɛɛ ba, nyɛ ha waa gbe lɛ, konɛ waa ye e ni ɔmɛ!’

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.