Luka 18:32 - Somi He Ɔ

³² Ejakaa a ma je lɛ ngɔ wo wɔ jali a dɛ mi, nɛ a maa ye e he fɛu, nɛ a maa wa lɛ yi mi, nɛ a maa la lada ngɔ pue e nɔ,

BAIBLO ALOO NGMAMI KLƆUKLƆU Ɔ

³² A maa ngɔ lɛ ngɔ wo ma je li a dɛ mi; ma je li ɔmɛ maa ye e he fɛu, nɛ a ma jɛ lɛ, nɛ a maa la lada ngɔ pue e nɔ.

Luka 18:32 ပူးပေါင်းရင်းမြစ်များ

Luka 23:11

Nɛ benɛ Herode kɛ e aslaafo ɔmɛ bɔ lɛ ahlua nɛ a ye e he fɛu, nɛ a wo lɛ tade saminyayoo ko ɔ, e ha a kɛ lɛ ho Pilato ngɔ ya ekohu.

Ni Tsumi 3:13

Abraham kɛ Isak kɛ Yakob Mawu ɔ nɛ ji wa tsɛmɛ a Mawu ɔ wo e tsɔlɔ Yesu hɛ mi nyami; nɔ nɛ nyɛ je lɛ ngɔ ha nɛ nyɛ kua lɛ ngɛ Pontio Pilato hɛ mi, benɛ lɛɛ e pee e juɛmi kaa e maa ngmɛɛ e he ɔ.

Marko 14:65

Nɛ ni komɛ bɔni lada lami kɛ e nɔ puemi; nɛ a fi e hɛ mi nɛ a hɛɛ lɛ ni, nɛ a de lɛ ke: “Gbaa!” Nɛ we mi sɔmɔli ɔmɛ pue e nɔ kɛ lɛ ma gbami.

Mateo 26:67

Kɛkɛ nɛ a la lada ngɔ pue e hɛ mi, nɛ a gba lɛ mahi; nɛ ni komɛ hu fia lɛ ni,

Mateo 16:21

Kɛ je jamɛ a be ɔ, nɛ Yesu bɔni e kaseli ɔmɛ tsɔɔmi kaa ja e ya Yerusalem nɛ e ya na amanehlu babauu ngɛ nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ a dɛ mi, nɛ a gbe lɛ, nɛ ligbi nɛ ji ligbi etɛ ɔ nɛ a tle lɛ si ekohu.

Ni Tsumi 2:23

Yesu nɛ ɔ nɛ a je lɛ ngɛ Mawu yi mi tomi kɛ e ni nɛ e le ngɔ to ɔ nya ngɔ ha a, nyɛ gu nihi nɛ li mlaa amɛ a nine nɔ nyɛ sɛu lɛ nɛ nyɛ gbe lɛ.

Yohane 18:35

Pilato he nɔ nɛ e de lɛ ke: “Anɛ Yuda no ji mi lo? Mo nitsɛ o ma mi bi kɛ osɔfo nikɔtɔma amɛ lɛ a ngɔ mo ha mi. Mɛni o pee?”

Yohane 18:30

A he nɔ nɛ a de lɛ ke: “Pi yayami peelɔ ji lɛ jinɛ waa kɛ lɛ ba be mo hae.”

Yohane 18:22

Se benɛ e de kikɛ ɔ, sɔmɔli nɛ daa si ɔmɛ a ti nɔ kake gba Yesu ma nɛ e ke: “Heto nɛ o ha osɔfo nɔkɔtɔma a ji nɛ ɔ?”

Luka 23:35

Nɛ ma mi bi ɔmɛ daa si ngɛ hyɛe. Nɛ ma nikɔtɔma amɛ hu li lɛ de ke: “E heɔ ni kpahi a yi wami, ke lɛ ji Kristo nɔ nɛ Mawu hla a, ha nɛ e he lɛ nitsɛ e yi wami!”

Luka 23:1

Nɛ asafo mluku ɔ tsuo te si nɛ a kpaka Yesu kɛ ya Pilato ngɔ.

Mateo 27:2

Nɛ a fi e nine nɛ a kpaka lɛ kɛ ho ya ha amlaalo Pontio Pilato.

Yohane 18:28

Kɛkɛ nɛ a kpaka Yesu kɛ je Kaiafa ngɔ kɛ ho kojomi he ɔ ya. Nɛ e su makɛ. Mɛ nitsɛmɛ ɔ lɛɛ a sɛ we kojomi he ɔ, konɛ a ko ble a he, benɛ pee nɛ a nyɛ nɛ a ye Hetsɔmi ɔ.

Marko 15:1

Mɔtu mla a, osɔfo nikɔtɔma amɛ kɛ ma nikɔtɔma amɛ kɛ mlaa tsɔɔli ɔmɛ kɛ gua ngua a tsuo ya da nɛ a fi Yesu nɛ a kpaka lɛ kɛ ya ha Pilato

Mateo 20:19

Nɛ a maa ngɔ lɛ ngɔ ha majeli ɔmɛ, nɛ a ye e he fɛu, nɛ a fia lɛ kplibi nɛ a sɛu lɛ; nɛ ligbi nɛ ji ligbi etɛ ɔ a ma tle lɛ si ekohu.”

Mateo 22:6

Nɛ nihi nɛ piɛ ɔ nu e tsɔli ɔmɛ nɛ a wa mɛ yi mi, nɛ a gbe mɛ.

Luka 18:33

nɛ a kɛ kplibi maa fia lɛ, nɛ a maa gbe lɛ, nɛ ligbi nɛ ji ligbi etɛ ɔ, e maa te si ekohu.”

Yohane 18:32

(Konɛ Yesu munyu nɛ e tu kɛ tsɔɔ nɔ gbenɔ nɛ e ma gbo ɔ nɛ ba mi.)