Luka 17:6 - Somi He Ɔ

⁶ Nɛ Nyɔmtsɛ ɔ ke: “Ke nyɛ ngɛ hemi kɛ yemi kaa sinapi wu ngu kake ɔ, jinɛ nyɛ ma de sikamino tso nɛ ɔ ke: ‘Hia kɛ o sipoku nɛ o ya ma wo mi!’ nɛ e maa bu nyɛ tue.”

BAIBLO ALOO NGMAMI KLƆUKLƆU Ɔ

⁶ Nyɔmtsɛ ɔ he nɔ ke, “Nyɛ hemi kɛ yemi kle kaa sinapi wu ngu kake jinɛ nyɛ ko fa sikamore tso nɛ ɔ ke e hia kɛ e sipoku kɛ je zu mi kɛ ya ma wo mi, nɛ e maa bu nyɛ tue.

Luka 17:6 ပူးပေါင်းရင်းမြစ်များ

Mateo 14:29

Nɛ Yesu de lɛ ke: “Ba!” Nɛ Petro je lɛ ɔ mi, nɛ e nyɛɛ nyu ɔ hɛ mi kɛ yaa Yesu ngɔ.

Mateo 17:20

Se Yesu de mɛ ke: “Nyɛ hemi kɛ yemi nɛ pi ɔ he je. Ejakaa niinɛ, i ngɛ nyɛ dee ke: Ke nyɛ ngɛ hemi kɛ yemi nɛ ngɛ kaa sinapi wu ɔ, nyɛ ma de yoku nɛ ɔ ke: ‘Hia ngɛ hiɛ ɔ kɛ ya lejɛ ɔ.’ Nɛ e maa hia; nɛ nɔ ko be nɛ nyɛ be nyɛe maa pee. [

Mateo 21:21

Se Yesu he nɔ nɛ e de mɛ ke: “Niinɛ, i ngɛ nyɛ dee ke: ke nyɛ ngɛ hemi kɛ yemi nɛ nyɛ ji nguane ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ maa pee; se ke nyɛ de yoku nɛ ɔ tete ke: ‘Hia nɛ o ya nɔ wo mi’ ɔ, e maa ba mi ja.

Marko 4:31

E ngɛ kaa sinapi wu nɛ ji wu nyafii pe zugba nɔ wuhi tsuo.

Marko 9:23

Yesu de lɛ ke: “O ngɛ dee ke: ‘Ke o ma nyɛ!’ A ma nyɛ maa pee nihi tsuo ha nɔ nɛ heɔ yeɔ ɔ!

Luka 13:19

E ngɛ kaa sinapi wu kake ngmelu nɛ nyumu ko ngɔ nɛ e ya du ngɛ e ngmɔ mi, nɛ e puɛ, nɛ e pee tso kpetekpleenyɛ, nɛ hiɔwe lohwe pɛlitsɛmɛ baa ba peɔ tsuhi ngɛ e kɔni ɔmɛ a mi.”

Luka 17:7

“Se nyɛ ti mɛnɔ lɛ ngɛ sɔmɔlɔ nɛ e kɛ na kpakpla ngɛ hue aloo e ngɛ lohwehi lɛe, nɛ ke e je ngmɔ mi kɛ ba pɛ ɔ, e ma de lɛ ke: ‘Ba hi si esɔ esɔ nɛ o ye ni?’

Luka 19:4

Lɔ ɔ he ɔ, e sa fo kɛ sɛ hlami nɛ e ya kuɔ sikamore tso ko, konɛ e hyɛ lɛ, ejakaa lejɛ ɔ blɔ e maa gu.

Luka 7:13

Nɛ benɛ Nyɔmtsɛ ɔ na lɛ ɔ, e mi mi sa lɛ ngɛ e he, nɛ e de lɛ ke “Ko fo ya!”

Luka 7:19

nɛ e tsɔ mɛ Yesu ngɔ ke: “Mo ji nɔ nɛ ma a, aloo waa hyɛ nɔ kpa blɔ?”

1 Korintobi 13:2

Nɛ ke i ngɛ gbami, nɛ i naa laami mi nihi kulaa nya, nɛ i le nihi kulaa, nɛ ke i ngɛ hemi kɛ yemi kulaa hulɔ, bɔ nɛ ma nyɛ yokuhi ma hia, se i be suɔmi ɔ, lɛɛ i pi nɔ́ ko?