Luka 17:25 - Somi He Ɔ

²⁵ Se kekleekle ɔ, ja e na amanehlu babauu, nɛ kikɛmɛ a yi nɔbi nɛ ɔmɛ kua lɛ.

BAIBLO ALOO NGMAMI KLƆUKLƆU Ɔ

²⁵ Se kekleekle ɔ, ja e na amanehlu babauu, nɛ kikɛmɛ a yi nɔ bi nɛ ɔmɛ kua lɛ.

Luka 17:25 ပူးပေါင်းရင်းမြစ်များ

Mateo 16:21

Kɛ je jamɛ a be ɔ, nɛ Yesu bɔni e kaseli ɔmɛ tsɔɔmi kaa ja e ya Yerusalem nɛ e ya na amanehlu babauu ngɛ nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ a dɛ mi, nɛ a gbe lɛ, nɛ ligbi nɛ ji ligbi etɛ ɔ nɛ a tle lɛ si ekohu.

Luka 9:22

Nɛ Yesu ke: “Ja Nɔmlɔ Bi ɔ na amanehlu babauu, nɛ ma mikɔtɔma amɛ kɛ osɔfo nikɔtɔma amɛ kɛ mlaatsɔɔli ɔmɛ kua lɛ, nɛ a gbe lɛ, nɛ ligbi nɛ ji ligbi etɛ ɔ nɛ a tle lɛ si ekohu.”

Marko 8:31

Nɛ e bɔni mɛ tsɔɔmi ke: “Ja Nɔmlɔ Bi ɔ na amanehlu babauu nɛ nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ kua lɛ, nɛ a gbe lɛ, nɛ ligbi etɛ se ɔ nɛ e te si ekohu.”

Yohane 1:11

Lɛ nitse e nihi a ngɔ e ba, nɛ nihi nɛ ji lɛ nitse e ni ɔmɛ he we lɛ.

Luka 18:33

nɛ a kɛ kplibi maa fia lɛ, nɛ a maa gbe lɛ, nɛ ligbi nɛ ji ligbi etɛ ɔ, e maa te si ekohu.”

Marko 12:10

Anɛ nyɛ kane we kikɛmɛ a ngmami nɛ ɔ: ‘Tɛ ɔ nɛ tsu fiali ɔmɛ kua a, Kɔlɔ ɔ nɔuu lɛ plɛ kɔ nya tɛ

Mateo 21:42

Yesu de mɛ ke: “Anɛ nyɛ kane we gblee ngɛ ngami ɔmɛ a mi ke: ‘Tɛ ɔ nɛ tsufiali ɔmɛ sake fɔ he ɔ, Kɔlɔ ɔ nɔuu lɛ plɛ kɔ nya tɛ. Nyɔmtsɛ ɔ dɛ mi enɛ ɔ je, Nɛ e ngɛ nyakpɛ ngɛ wa hɛngmɛ mi.’

Yohane 12:38

konɛ gbalɔ Yesaia munyu nɛ e tu ɔ nɛ na ba mi ke: “Nyɔmtsɛ, mɛnɔ he wa sane ɔ ye, Nɛ mɛnɔ a je Nyɔmtsɛ ɔ nine ɔ kpo ngɔ tsɔɔ?”

Luka 24:46

Nɛ e de mɛ ke: “Bɔ nɛ a ngma ji nɛ ɔ nɛ, kaa Kristo nɛ na amanehlu nɛ e te si kɛ je gbeje ngɛ ligbi nɛ ji etɛ ɔ nɔ

Luka 18:31

Nɛ Yesu tsɛ ni nyɔngma kɛ enyɔ ɔ kɛ ba e kasa nya nɛ e de mɛ ke: “Oʼɛ, wa yaa Yerusalem, nɛ a maa gbe nihi kulaa nɛ gbali ɔmɛ ngma ngɛ Nɔmlɔ Bi ɔ he ɔ nya.

Marko 10:33

“Oʼɛ, wa yaa Yerusalem, nɛ a maa ngɔ Nɔmlɔ Bi ɔ ngɔ wo osɔfo nikɔtɔma amɛ kɛ mlaa tsɔɔli ɔmɛ a dɛ mi, nɛ a maa bu lɛ gbenɔ fɔ, nɛ a maa ngɔ lɛ ngɔ ha majeli ɔmɛ;

Marko 9:31

ejakaa e ngɛ e kaseli ɔmɛ ni tsɔɔe. E de mɛ ke: “A maa ngɔ Nɔmlɔ Bi ɔ ngɔ wo nimli a dɛ mi, nɛ a maa gbe lɛ, nɛ ke a gbe lɛ ɔ, e maa te si ngɛ ligbi nɛ ji ligbi etɛ ɔ nɔ.”