Luka 17:1 - Somi He Ɔ

¹ Yesu de e kaseli ɔmɛ ke: “Bɔ tsuaa bɔ nɛ pee ɔ ja nane kpatami nihi ba; se musu tloo nɔ nɛ a guu e nɔ kɛ baa a!

BAIBLO ALOO NGMAMI KLƆUKLƆU Ɔ

¹ Yesu de e kaseli ɔmɛ ke, “Níhi nɛ haa nɔ nane kpataa a, ja a ba kɛ̃. Se nɔ nɛ nɔ nɛ ní nɛ ɔmɛ guu kɛ baa a, musu tloo lɛ!

Luka 17:1 ပူးပေါင်းရင်းမြစ်များ

Mateo 16:23

Se Yesu plɛ e he nɛ e de lɛ ke: “Jee ye nɔ, Satan! O ngɛ ye nane kpatae; ejakaa o susuu we Mawu nihi a he, se nimli a nihi a he mohu o susuu.”

Mateo 18:7

Musu tloo je ɔ ngɛ nane kpatami sanehi a he! Ejakaa nane kpatami sane ɔmɛ maa bɛ kɛ̃ mohu; se musu tloo nɔmlɔ nɛ nane kpatami ɔ guu e nɔ kɛ baa a!

Luka 16:31

Se Abraham de lɛ ke: ‘Ke a bui Mose kɛ gbali ɔmɛ tue ɔ, lɔ ɔ lɛɛ ke nɔ ko te si kɛ je gbeje tete ɔ, a yi mi be plee.’ ”

Romabi 14:13

Lɔ ɔ he ɔ, nyɛ ko ha nɛ waa kojo wa he hu; se enɛ ɔ mohu nyɛɛ kojo, kaa nɔ ko ko to tɛmi nɔ́ loo kpangmi ko ngɔ ha e nyɛmi.

Romabi 16:17

Jeha nɛ, mamimɛ, i kpa nyɛ pɛɛ nɛ nyɛ hɛ nɛ hi nihi nɛ jee tsɔɔmi nɛ nyɛ kase ɔ se nɛ a kɛ mi gbamihi kɛ kpangmi tomi nihi baa amɛ a he, nɛ nyɛɛ hɛ nyɛ he kɛ je a he.

1 Korintobi 10:32

Nyɛ ko pee kpangmi ngɔ ha Yudafohi kɛ Helabihi kɛ Mawu asafo ɔ kulaa;

1 Korintobi 11:19

ejakaa e sa kaa migbami nɛ te si ngɛ nyɛ kpɛti konɛ ni kpakpa amɛ a je a he si paa ngɛ nyɛ kpɛti.

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, lɔɔ lɛɛ i be lo yee gblegbleegblee hu, konɛ ma ko ha ye nyɛmi ɔ nane nɛ kpata.

1 Timoteo 4:1

Mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua hemi kɛ yemi ɔ, nɛ a ma ya nyɛɛ sisimi mumihi kɛ mumi yayamihi a tsɔɔmihi a se,

Kpojemi 2:14

Se kɛ ɔ, i kɛ mo ngɛ sane bɔɔ ko: ejakaa o ngɛ nihi ngɛ lejɛ ɔ nɛ hɛɛ Bileam nɔ nɛ tsɔɔ Balak kaa e tsɔ Israelbi ɔmɛ klama nɛ a ye nihi nɛ a kɛ sa bɔ ha wɔhi nɛ a bɔ ajuama a tsɔɔmi ɔ mi.

Kpojemi 2:20

Se kɛ ɔ, i kɛ mo ngɛ sane ko, kaa o ngmɛ yo Yesabel nɛ tsɛɛ e he gbalɔ ɔ blɔ, nɛ e tsɔɔ ye sɔmɔli ɔmɛ ni, nɛ e mlɔɔ mɛ, nɛ a bɔ ajuama, nɛ a ye ni nɛ a kɛ sa bɔ ha wɔhi.