Luka 16:9 - Somi He Ɔ

⁹ “Nɛ imi hu i ngɛ nyɛ dee ke: Nyɛɛ ngɔ kutupɔ ni nami ɔ eko ngɔ pee huɛmɛ ngɔ ha nyɛ he; konɛ, ke e puɛ nyɛ ɔ, nɛ a he nyɛ kɛ ya neneene si himi mi.

BAIBLO ALOO NGMAMI KLƆUKLƆU Ɔ

⁹ Yesu ya nɔ de ke, “Lɔ ɔ he ɔ, ma de nyɛ ke nyɛɛ pee ja lo? Ma de nyɛ ke nyɛɛ pee huɛmɛ kɛ gu sisimi blɔ nɔ lo? Anɛ enɛ ɔ ma ha nɛ nyɛ ma na blɔ kɛ ya sihi he nɛ ngɛ kɛ yaa neneene ɔ lo?

Luka 16:9 ပူးပေါင်းရင်းမြစ်များ

Mateo 19:21

Yesu de lɛ ke: “Ke o ngɛ hlae kaa o hii kɛ pii si ɔ, yaa nɛ o ya jua nihi nɛ o ngɛ ɔ, nɛ o ngɔ ha ohiafohi, nɛ o ma na juetli ngɛ hiɔwe; nɛ o ba nɛ o ba nyɛɛ ye se.”

Mateo 6:19

“Nyɛ ko to juetli ha nyɛ he ngɛ zugba nɛ ɔ nɔ, he nɛ wɔyewɔye kɛ kana puɛɔ nihi nɛ juli guu kɛ sɛɛ mi ya juɔ ngɛ ɔ.

Mateo 6:24

“Nɔ ko be nyɔmtsɛmɛ enyɔ nyɛe ma sɔmɔ; ejakaa eko ɔ e maa nyɛ nɔ kake nɛ e maa suɔ nɔ kpa a; aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ mamona (ni nami) nyɛe ma sɔmɔ.

Luka 11:41

Mohu ɔ, nyɛɛ ngɔ nihi nɛ ngɛ mi ɔ ngɔ ha ohiafohi, nɛ oʼɛ, nihi tsuo he ma tsɔ ha nyɛ.

Luka 12:33

Nyɛɛ jua nihi nɛ nyɛ ngɛ ɔ nɛ nyɛ kɛ pee kpakpa. Nyɛ hla sika kpɛɛhi nɛ be momo pee; nyɛɛ to juetli nɛ be tae ngɛ hiɔwe, he nɛ juɔ ko be he sue nɛ wɔyewɔye kpe we ni ngɛ ɔ.

Luka 14:14

nɛ a maa gbaa mo, akɛnɛ a be nɔ́ ko nɛ a kɛ maa to mo nane mi ɔ; ejakaa a maa to mo nane mi ngɛ dali a si temi ɔ mi.”

Luka 16:11

Lɔ ɔ he ɔ ke nyɛ yi kutupɔ ni nami ɔ po mi anɔkuale ɔ, nɔ́ nɛ ji ni nami nitsɛ ɔ, mɛnɔ maa tu kɔlɔ ɔ ngɔ wo nyɛ dɛ?

Luka 16:13

“Wenyumu ko be nyɔmtsɛmɛ enyɔ nyɛe ma sɔmɔ, ejakaa eko ɔ e maa nyɛ nɔ kake nɛ e maa suɔ nɔ kpa a, aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ ni nami nyɛe ma sɔmɔ.”

Luka 16:4

I na bɔ nɛ ma pee nɛ ke a kpa mi nɔkɔtɔma yemi ɔ nɛ a he mi ngɛ a wehi a mi.’

Ni Tsumi 10:31

nɛ e ke: ‘Kornelio, a bu o sɔlemi ɔ tue, nɛ o ni kpakpahi nɛ o peɔ ɔ hu a kai ngɛ Mawu hɛ mi.

Ni Tsumi 10:4

Nɛ e hyɛ lɛ too, nɛ e ye gbeye nɛ e ke: “Mo mɛnɔ ʼi, Nyɔmtsɛ?” Nɛ Nyɔmtsɛ ɔ de lɛ ke: “O sɔlemihi kɛ ni kpakpahi nɛ o peɔ ɔ ba su hiɔwe nɛ, e pee kaimi nɔ́ ngɛ Mawu hɛ mi.

2 Korintobi 4:17

Ejakaa wa nɔ nami nɛ nya wa nɛ se kɛ we nɛ ɔ ngɛ neneene hɛ mi nyami babauu nɛ be nɔ nɛ he jua wa hluu nya buae ha wɔ.

Yuda 1:21

nɛ nyɛɛ to nyɛ he ngɛ Mawu suɔmi ɔ mi, nɛ nyɛɛ hyɛ wa Mawetsɛ Yesu mɔbɔ nami ɔ blɔ, konɛ nyɛ na neneene wami.