Luka 16:15 - Somi He Ɔ

¹⁵ Nɛ Yesu de mɛ ke: “Nyɛ ji nihi nɛ nyɛ buu nyɛ he bemi ngɛ nimli a hɛ mi; se Mawu lɛɛ e le nyɛ tsuihi a mi, ejakaa nɔ nɛ ji gojoo ngɛ nimli a hɛ mi ɔ, eji nɔ ko nɛ Mawu nyɛɛ.

BAIBLO ALOO NGMAMI KLƆUKLƆU Ɔ

¹⁵ Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.

Luka 16:15 ပူးပေါင်းရင်းမြစ်များ

1 Korintobi 4:5

Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

Ni Tsumi 15:8

Nɛ Mawu nɛ le tsui mi nihi ɔ ye mɛ odase nɛ e ha mɛ Mumi Klɔuklɔu ɔ kaa bɔ nɛ e ha wɔ ɔ nɔuu,

1 Petro 3:4

se mohu nyɛ he fɛu ɔ, a na ngɛ nyɛ tsui mi, ngɛ mumi nɛ he jɔ nɛ ngɛ kpoo nɛ puɛ we ɔ mi, kɔlɔ ɔ ji nɔ nɛ he jua wa ngɛ Mawu hɛ mi.

Luka 11:39

Nyɔmtsɛ ɔ de lɛ ke: “Mwɔnɛ ɔ mwɔnɛ ɔ ɔ, nyɛ Farisifo ɔmɛ nyɛ tsuɔ kplu he kɛ kã se, se nyɛ mi hyi tɔ kɛ ju kɛ yi mi wami.

Luka 10:29

Se mlaatsɔɔlɔ ɔ, akɛnɛ e ngɛ hlae nɛ e bu e he bemi he je ɔ, e bi Yesu ke: Mɛnɔ ji mami?”

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

1 Petro 5:5

Ja nɔuu nyɛ, jokuɛwi ɔmɛ, nyɛɛ ba nyɛ he si ha nikɔtɔma amɛ. Nɛ nyɛ tsuo nyɛɛ ba nyɛ he si ngɔ ha nyɛ sibi nɛ nyɛɛ wo he si bami kaa tade, ejakaa “Mawu kuɔ he woli a nya, se e dloɔ he si bali.”

Romabi 3:20

Lɔ ɔ he ɔ, a be mlaa ni tsumi nɔ gue kɛ wo he lo ko he lo ko nguɔ ngɛ e hɛ mi; ejakaa mlaa a nɔ a guu kɛ leɔ yayami.

Yohane 2:25

Nɛ e hia we lɛ kaa nɔ ko nɛ ye nɔmlɔ he odase ngɔ ha lɛ, ejakaa lɛ nitsɛ e le nɔ́ nɛ ngɛ nɔmlɔ mi.

Mateo 23:5

Se a nihi tsuo ɔ a peɔ konɛ nihi nɛ na. Ejakaa a haa a kaimi sɛbɛ ɔmɛ bliɔ nɛ a peɔ a tade nya fiami ɔmɛ nguahi;

Luka 18:21

Se nyumu ɔ ke: “I ye enɛ ɔmɛ tsuo nɔ kɛ je ye jokuɛwi a si.”

Luka 18:11

Farisifono ɔ ya da lokoo, nɛ e sɔle kikɛ ngɛ e yi mi: ‘Mawu, i naa mo si kaa i be kaa ni kpa amɛ, jiklɔɔtsɛmɛ, kutupɔtsɛmɛ, gba puɛli, loo kaa kikɛmɛ a onia tsulɔ nɛ ɔ hulɔ.

Ni Tsumi 1:18

“Se kikɛmɛ a nyumu nɛ ɔ ngɔ e yayami nɛ e pee mi hiɔwo ɔ kɛ he abɔɔ, nɛ e ya ma e yi si, nɛ e mi gba enyɔ nɛ e mi ni tsuo pã pue si.

Luka 20:47

nihi nɛ mii yalɔyi a wehi, nɛ lakpa tomi he ɔ, a sɔlee sɔlemi gagaagahi ɔ; ni nɛ ɔmɛ a fɔ bumi maa pe nine.”

Luka 20:20

Nɛ a wo e he ka, nɛ a tsɔ huɔli, nihi nɛ pee a he kaa dali, konɛ a wo e nya tso kpɛ benɛ pee nɛ a ngɔ lɛ ngɔ wo amlaalo hewami kɛ he blɔ ɔ dɛ mi.

Mateo 6:16

“Se ke nyɛ ngɛ hwɔ hae ɔ, nyɛ ko pee nyɛ hɛ mi nɔbɔmɔbɔ kaa osatotsɛmɛ ɔmɛ; a peɔ a hɛ mi nyanyaanya konɛ nimli nɛ na kaa a ngɛ hwɔ hae. Niinɛ, i ngɛ nyɛ dee ke: A nine su a hiɔwo nɔ mo?

Mateo 6:5

“Nɛ ke nyɛ ngɛ sɔlee ɔ, nyɛ ko pee kaa osatotsɛmɛ ɔmɛ, se a suɔ kaa a da kpe he ɔmɛ kɛ gbɛjegbɛ ɔmɛ a kɔ nyahi kɛ sɔle konɛ nihi nɛ na mɛ. Niinɛ, i ngɛ nyɛ dee ke: A nine su a hiɔwo nɔ mo.

Mateo 6:2

“Lɔ ɔ he ɔ ke o ngɛ kpakpa pee ɔ, ko kpa titimati ngɛ o hlami, kaa bɔ nɛ osatotsɛmɛ ɔmɛ peɔ ngɛ kpe hehi kɛ magbɛ ɔmɛ a nɔ konɛ nihi nɛ je a yi ɔ. I ngɛ nyɛ dee anɔkuale mi ke: A nine su a hiɔwo nɔ mo.

Yohane 21:17

Yesu bi lɛ nɔ́ nɛ ji si etɛ ke: “Simon, Yona bi, o suɔ mi lo?” E dɔ Petro kaa e bi lɛ si etɛ sɔuu ke: ‘O suɔ mo lo?’ ɔ; nɛ e de lɛ ke: “Mawetsɛ, o le nihi kulaa, o le kas i suɔ mo.” Yesu de lɛ ke: “Lɛɛ ye to omɛ!

Luka 18:9

Nɛ e bu ni komɛ nɛ ngɔɔ a hɛ ngɔ fɔɔ mɛ nitsɛmɛ a he nɔ kaa dali ji mɛ nɛ a gbee ni kpahi a he guɛ ɔ hu abɛ nɛ ɔ:

Luka 18:14

I ngɛ nyɛ dee ke: Kikɛmɛ a nyumu nɛ ɔ pue nɔ kɛ ho e we mi ya nɛ a wo lɛ nguɔ pe nɔ kaketsɛ ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Ni Tsumi 1:24

Nɛ a sɔle ke: “Mo, Nyɔmtsɛ nɛ o le nimli kulaa a tsui mi, tsɔɔ ni enyɔ nɛ ɔmɛ a ti nɔ nɛ o hla,

Romabi 8:27

Se Mawu nɛ hlaa tsuihi a mi ɔ le nɔ́ nɛ ji Mumi ɔ juɛmi ɔ, ejakaa e daa mi haa ni klɔuklɔu ɔmɛ bɔ nɛ sa Mawu hɛ mi.