Luka 16:11 - Somi He Ɔ

¹¹ Lɔ ɔ he ɔ ke nyɛ yi kutupɔ ni nami ɔ po mi anɔkuale ɔ, nɔ́ nɛ ji ni nami nitsɛ ɔ, mɛnɔ maa tu kɔlɔ ɔ ngɔ wo nyɛ dɛ?

BAIBLO ALOO NGMAMI KLƆUKLƆU Ɔ

¹¹ Ke je nɛ ɔ mi ní po nyɛ yi anɔkuale ngɛ mi ɔ, mɛnɔ maa tu ní nami nitsɛnitsɛ ɔ ngɔ wo nyɛ dɛ mi?

Luka 16:11 ပူးပေါင်းရင်းမြစ်များ

Mateo 6:24

“Nɔ ko be nyɔmtsɛmɛ enyɔ nyɛe ma sɔmɔ; ejakaa eko ɔ e maa nyɛ nɔ kake nɛ e maa suɔ nɔ kpa a; aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ mamona (ni nami) nyɛe ma sɔmɔ.

Luka 12:33

Nyɛɛ jua nihi nɛ nyɛ ngɛ ɔ nɛ nyɛ kɛ pee kpakpa. Nyɛ hla sika kpɛɛhi nɛ be momo pee; nyɛɛ to juetli nɛ be tae ngɛ hiɔwe, he nɛ juɔ ko be he sue nɛ wɔyewɔye kpe we ni ngɛ ɔ.

Luka 16:12

Nɛ ke nyɛ yi nɔ kpa nɔ́ mi anɔkuale ɔ, mɛnɔ maa ngɔ nyɛ nitsɛmɛ nyɛ nɔ́ ɔ ngɔ ha nyɛ?

Luka 16:9

“Nɛ imi hu i ngɛ nyɛ dee ke: Nyɛɛ ngɔ kutupɔ ni nami ɔ eko ngɔ pee huɛmɛ ngɔ ha nyɛ he; konɛ, ke e puɛ nyɛ ɔ, nɛ a he nyɛ kɛ ya neneene si himi mi.

Luka 18:22

Nɛ benɛ Yesu nu enɛ ɔ ɔ, e de lɛ ke: “E piɛ mo nɔ́ kake. Yaa jua nihi kulaa nɛ o ngɛ ɔ nɛ o dla sika a ha ohiafohi, nɛ o ma na juetli ngɛ hiɔwe; nɛ o ba ba nyɛɛ ye se.”

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Yakobo 2:5

Mamimɛ nɛ i suɔ, nyɛɛ bu tue! Anɛ pi je nɛ ɔ mi ohiafohi nɛ ji niatsɛmɛ ngɛ hemi kɛ yemi blɔfami ɔ nɛ Mawu hla, konɛ matsɛyemi nɛ e wo he si ngɔ ha ninɛmɛ nɛ a suɔ lɛ ɔ nɛ e pee a nɔ lo?

Kpojemi 3:18

i ngɛ mo ga woe ke o he sika nɛ a tsu he ngɛ la mi kɛ je ye ngɔ, kone o na ni, kɛ tade hiɔ, kone o wo nɛ o he gu nɛ ngɛ zo ɔ nɛ ko fɔ si, kɛ hɛngmɛ tsopa nɛ o kɛ nga o hɛngmɛ nɔ, kone o hyɛ nɔ.