Luka 14:26 - Somi He Ɔ

²⁶ “Ke nɔ ko ma ye ngɔ nɛ e nyɛ́ e tsɛ kɛ e nyɛ kɛ e yo kɛ e bimɛ kɛ e nyɛmimɛ nyumuhi kɛ lɛ nitsɛ e klaa hu tete ɔ, e be nyɛe ye kaselɔ peemi.

BAIBLO ALOO NGMAMI KLƆUKLƆU Ɔ

²⁶ “Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Luka 14:26 ပူးပေါင်းရင်းမြစ်များ

Mateo 10:37

“Nɔ nɛ dɔɔ e tsɛ loo e nyɛ he pe mi ɔ, e sɛ́ mi; nɛ nɔ nɛ dɔɔ binyumu loo biyo he pe mi ɔ e se sɛ́ mi.

Yohane 12:25

Nɔ nɛ suɔ e wami ɔ, e laa lɛ, se nɔ nɛ nyɛɛ e wami ngɛ je nɛ ɔ mi ɔ, e maa to lɛ kɛ maa ya neneene wami mi.

Filipibi 3:8

Niinɛ kaa i buu lɛ tsuo kaa nihi nɛ laa ngɛ Kristo Yesu, ye Nyɔmtsɛ ɔ, he ni lemi nɛ pe kulaa a he, lɛ e he nɛ nihi kulaa bɔ mi, nɛ i buu mɛ kaa kuku nɔ nihi, konɛ Kristo mohu nɛ pee ye nɔ,

Ni Tsumi 20:24

Se kɛ̃ ɔ, i bui enɛ ɔmɛ a mi kake ngmelu, nɛ ye wami hu i bui kaa e he jua wa ngɛ ye hɛ mi, benɛ pee nɛ i kɛ bua jɔmi nɛ gbe ye blɔ nyɛɛmi ɔ kɛ sɔmɔmi nɛ i na kɛ je Nyɔmtsɛ Yesu dɛ mi, kaa ma ye Mawu dloomi sane kpakpa a he odase faii, ɔ nya.

Kpojemi 12:11

Nɛ mɛɛ lɛɛ, Tobi ɔ muɔ ɔ kɛ mɛ nitsɛmɛ a odase yemi munyu ɔ, a kɛ ye e nɔ, nɛ a klɔɛ mɛ nitsɛmɛ a wami he kɛ ya su gbenɔ mi tete.

Romabi 9:13

Kaa bɔ nɛ a ngma a ke: “Yakob ɔ, i suɔ lɛ, se Esau ɔ, i nyɛ lɛ” ɔ.

Luka 14:25

Nihi babauu kɛ Yesu nyɛɛ, nɛ e plɛ e he nɛ e de mɛ ke:

Luka 14:20

Nɛ nɔ kpa hu ke: ‘I kpee yo nɛ lɔ ɔ he ɔ i be nyɛe ma ba.’