Luka 14:23 - Somi He Ɔ

²³ Nɛ Nyɔmtsɛ ɔ de tsɔlɔ ɔ ke: ‘Jee kpo nɛ o ya nyɛ a nɔ nɛ a ba, konɛ ye we ɔ nɛ hyi tɔ.’

BAIBLO ALOO NGMAMI KLƆUKLƆU Ɔ

²³ Lɔ ɔ he ɔ, nyɔmtsɛ ɔ de tsɔlɔ ɔ ke, ‘Jee kpo kɛ ya blɔ ɔmɛ a nɔ, kɛ blohu ɔmɛ a mi, nɛ o nyɛ ni ɔmɛ a nɔ nɛ a ba hiɛ ɔ, konɛ ye we ɔ mi nɛ hyi tɔ.

Luka 14:23 ပူးပေါင်းရင်းမြစ်များ

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

2 Korintobi 5:11

Lɔ ɔ he ɔ, akɛnɛ wale Nyɔmtsɛ ɔ he nɛ ngɛ gbeye he je ɔ, wa tuɔ munyu tsɔɔ nimli, se Mawu le bɔ nɛ wa ngɛ, nɛ ye hɛ ngɛ nɔ kaa nyɛ he ni lemi mi hu ɔ nyɛ le wɔ.

2 Timoteo 4:2

Fiɛ munyu ɔ, koo jɔɔ, deka ngɛ jio, deka be jio, ka hɛ mi, wo ga, bɔɔ kɔkɔ ngɛ tsui si tomi kɛ ni tsɔɔmi kulaa mi.

2 Korintobi 5:20

Lɔ ɔ he ɔ, wa ji bɔfohi ngɛ Kristo nane mi, kaa nɔ́ nɛ Mawu gu wa nɔ nɛ e kɛ nihi ngɛ munyu tue: Wa daa si ngɛ Kristo nane mi ngɛ nyɛ pɛɛ kpae ke: Nyɛ ha a dla nyɛɛ kɛ Mawu kpɛti!

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Romabi 10:18

Se i ngɛ bie ke: “Anɛ numi nɛ a nui lo?” Niinɛ kaa a gbi jije kɛ ho zugba mluku ɔ tsuo nɔ ya, nɛ a munyu ɔ su je mi nyagbe he ɔmɛ.

Ni Tsumi 28:28

“Lɔ ɔ he ɔ nyɛ na nyɛɛ le kaa, a tsɔ nɛ a kɛ Mawu Yi wami hemi sane ɔ ya ha majeli ɔmɛ, nɛ mɛɛ lɛɛ a maa bu tue hulɔ.” [

Ni Tsumi 18:6

Benɛ a ku e nya nɛ a tu musu bɔmi munyuhi kɛ si lɛ ɔ, e huanya e tade ɔ mi nɛ e de mɛ ke: “Nyɛ muɔ nɛ tloo nyɛ. Imi lɛɛ musu ko be ye nɔ, kɛ je be nɛ ɔ kɛ yaa nɛ ɔ, ma ya majemajeli a bimɛ ɔmɛ a ngɔ.”

2 Korintobi 6:1

Akɛnɛ wa ji Mawu hepiɛli ngɛ e ni tsumi ɔ mi he je ɔ, wa tuɔ munyu tsɔɔ nyɛ konɛ nyɛ ko he Mawu dloomi ɔ yaka;

Ni Tsumi 9:15

Se Nyɔmtsɛ ɔ de lɛ ke: “Yaa, ejakaa nɔ nɛ ɔ ji ye dɛ mi dade nɛ a hla ha mi, konɛ e hɛɛ ye biɛ ɔ kɛ ya majemajeli kɛ matsɛmɛ kɛ Israelbi ɔmɛ hu a hɛ mi.

Mateo 21:43

Lɔ ɔ he je ɔ i ngɛ nyɛ dee ke: A ma kpɔ Mɛwu matsɛ yemi ɔ ngɛ nyɛ dɛ; nɛ a ma ngɔ ha majeli a ma ko nɛ woɔ yiblii. [

Ni Tsumi 16:15

Nɛ benɛ a baptisi lɛ kɛ e we ɔ, e kpa wɔ pɛɛ ke: “Ke nyɛ bu mi kaa i he Nyɔmtsɛ ɔ ye anɔkuale mi ɔ, lɛɛ nyɛɛ ba ye we ɔ nɛ nyɛ ba hi lejɛ ɔ.” Nɛ e hɛɛ wɔ hluu nɛ wa kplɛɛ nɔ.

Luka 24:29

Nɛ a nyɛ e nɔ, nɛ a ke: “O kɛ wɔ nɛ hi si, ejakaa je ngɛ jɔe nɛ e piɛ bɔɔ nɛ du ma bu.” Nɛ e ya kɔpe ɔ mi, nɛ e kɛ mɛ ya hi si.

Mateo 5:41

Nɛ ke nɔ ko nyɛ o nɔ ke o kɛ lɛ nɛ ya si tomi nya kake ɔ, o kɛ lɛ nɛ ya enyɔ.

Luka 14:22

Nɛ tsɔlɔ ɔ ke: ‘Nyɔmtsɛ, a pee bɔ nɛ o de ɔ, se kɛ ɔ blɔ pa ngɛ.’

Luka 14:24

Ejakaa i ngɛ nyɛ dee ke: ‘Ke nihi nɛ a kpee ɔmɛ a ti nɔ ko sa e nyɛ ye niyeni ɔ fii!’ ”