Luka 14:15 - Somi He Ɔ

¹⁵ Nɛ benɛ nihi nɛ kɛ lɛ hii si ngɛ niyeni si ɔ a ti nɔ kake nu ni nɛ ɔmɛ ɔ, e de Yesu ke: “A gbaa nɔ nɛ yeɔ abolo ngɛ Mawu matsɛ yemi ɔ mi!”

BAIBLO ALOO NGMAMI KLƆUKLƆU Ɔ

¹⁵ Benɛ nihi nɛ kɛ Yesu hii si ngɛ okplɔɔ ɔ he ɔ a ti nɔ kake nu enɛ ɔ, e de Yesu ke, “Nihi nɛ maa ye ní ngɛ Mawu matsɛ yemi ɔ mi ɔ, a gbaa mɛ pɛ!”

Luka 14:15 ပူးပေါင်းရင်းမြစ်များ

Kpojemi 19:9

Kɛkɛ nɛ hiɔwe bɔfo ɔ de mi ke: “Ngmaa: A gbaa nihi nɛ a tsɛ mɛ kɛ ba Tobi ɔ yo kpeemi okplɔɔɔ ɔ he ɔ.” Nɛ e de mi ke: “Mawu anɔkuale munyuhi ji nɛ ɔmɛ ɔ nɛ.”

Luka 22:30

konɛ nyɛɛ ye nɛ nyɛɛ nu ngɛ ye kplɔɔ ɔ he ngɛ ye matsɛ yemi ɔ mi, nɛ nyɛɛ hi sɛhi a nɔ nɛ nyɛɛ kojo Israel wɛtso nyɔngma kɛ enyɔ ɔ.”

Luka 13:29

Nɛ nihi maa je beleku (pu je he) kɛ bonyoku (puisinɔ he) kɛ omlɛyi (hue mi je) kɛ leneyi (wo si je) maa ba nɛ a ma ba hi okplɔɔ he ngɛ Mawu matsɛ yemi ɔ mi.

Mateo 25:10

Se benɛ, a ho hemi ya a, ayɛflo huno ɔ ba, nɛ ninɛmɛ nɛ dla a he to lɛ ɔ kɛ lɛ ho yo kpeemi he ɔ ya, nɛ a nga sinya a.

Luka 12:37

A gbaa jamɛ a tsɔli ɔmɛ nɛ benɛ a nyɔmtsɛ ɔ maa ba a nɛ e ma ba na mɛ kaa a ngɛ nyɔ fɔe ɔ! Niinɛ, i ngɛ nyɛ dee ke e maa mia nɛ e ma ha a hi si ngɛ niyeni he, nɛ e maa ba ba sɔmɔ mɛ.

Mateo 8:11

Se i ngɛ nyɛ dee ke: Nihi fuu maa je beleku (pu je he) kɛ bonyoku (pu si nɔ he) maa ba nɛ a kɛ Abraham kɛ Isak kɛ Yakob ma ba hi si ngɛ hiɔwe matsɛ yemi ɔ mi;

Luka 22:16

ejakaa i ngɛ nyɛ dee ke: I be eko yee hu kɛ yaa su be nɛ e maa ba mi ngɛ Mawu matsɛ yemi ɔ mi.”