Luka 13:28 - Somi He Ɔ

²⁸ lejɛ ɔ ya fomi kɛ lungu nya kpemi maa hi, benɛ nyɛ maa na Abraham kɛ Isak kɛ Yakob kɛ gbali ɔmɛ tsuo ngɛ Mawu matsɛ yemi ɔ mi nɛ nyɛ nitsɛmɛ lɛɛ a fie nyɛ ɔ.

BAIBLO ALOO NGMAMI KLƆUKLƆU Ɔ

²⁸ Nyɛ maa wo yana, nɛ nyɛ ma kpe lungu nya, ke nyɛ na Abraham kɛ Isak, kɛ Yakob, kɛ gbali ɔmɛ tsuo ngɛ Mawu matsɛ yemi ɔ mi. Jamɛ a be ɔ, nyɛ nitsɛmɛ lɛɛ a tsi nyɛ blɔ!

Luka 13:28 ပူးပေါင်းရင်းမြစ်များ

Mateo 25:30

Nɛ sɔmɔlɔ nɛ he be se nami ko nɛ ɔ ɔ, nyɛɛ tsɛ̃ lɛ ngɔ wo blɔ se diblii ɔ mi; lejɛ ɔ ya fomi kɛ lungu nya kpemi maa hi!’ ”

Mateo 22:13

Kɛkɛ nɛ matsɛ ɔ de e tsɔli ɔmɛ ke: ‘Nyɛɛ fi e nine kɛ e nane nɛ nyɛ wo lɛ ya sake ngɔ fɔ blɔ se diblii ɔ mi! Lejɛ ɔ ya fomi kɛ lungu nya kpemi ngɛ.’

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

2 Tesalonikabi 1:5

Enɛ ɔ ji Mawu kojomi nɛ da a he okadi nɛ a naa paa, konɛ a bu nyɛ kaa nyɛ sa Mawu matsɛ yemi nɛ nyɛ ngɛ nɔ nae ngɛ he ɔ.

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

2 Petro 1:11

Ejakaa kikɛmɛ a blɔ ɔ nɔ a maa gu kɛ ngmɛ nyɛ blɔ kɛ sɛ wa Nyɔmtsɛ kɛ yi wami helɔ Yesu Kristo neneene matsɛ yemi ɔ mi.

Luka 16:23

Nɛ benɛ e ngɛ he hiami mi ngɛ gbeje nɛ e ma wo e hɛ nɔ ɔ, e na Abraham ngɛ lokoo, kɛ Lazaro ngɛ e mi si.

Luka 14:15

Nɛ benɛ nihi nɛ kɛ lɛ hii si ngɛ niyeni si ɔ a ti nɔ kake nu ni nɛ ɔmɛ ɔ, e de Yesu ke: “A gbaa nɔ nɛ yeɔ abolo ngɛ Mawu matsɛ yemi ɔ mi!”

Luka 10:15

Nɛ mo, Kapernaum, pi hiɔwe nɛ a wo o nɔ kɛ ho? A maa ba mo si kɛ maa ya gbeje lokoo!

Mateo 24:51

nɛ e ma tsɔtslɔɔ e mi nɛ e ma ha lɛ e blɔfami nɔ́ ngɛ osatotsɛmɛ ɔmɛ a kpɛti. Lejɛ ɔ ya fomi kɛ lungu nyakpemi maa hi.”

Mateo 13:50

nɛ a kɛ mɛ maa wo la abolo tsu ɔ mi. Lejɛ ɔ ya fomi kɛ lungu nya kpemi maa hi.”

Mateo 13:42

nɛ a maa ngɔ mɛ ngɔ wo la abolo tsu ɔ mi; lejɛ ɔ ya fomi kɛ lungu nya kpemi maa hi.