Luka 13:13 - Somi He Ɔ

¹³ Nɛ e kɛ e ninehi pue e nɔ, nɛ amlɔ ɔ nɔuu ɔ, e da tlɔmɔɔ, nɛ e wo Mawu hɛ mi nyami.

BAIBLO ALOO NGMAMI KLƆUKLƆU Ɔ

¹³ E ngɔ e nine kɛ pue yo ɔ nɔ, nɛ amlɔ nɔuu ɔ, e mi kpã, nɛ e da tlɔmɔɔ, nɛ e je Mawu yi.

Luka 13:13 ပူးပေါင်းရင်းမြစ်များ

Marko 16:18

a ma wo sinɔhi a nɔ; nɛ ke a nu nɔ́ ko nɛ gbee nɔ ɔ, e be mɛ yayami ko pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.

Marko 5:23

nɛ e fa kue ha lɛ wawɛɛ ke: “Ye biyo wayoo miɔ nɛ e ma gbo, he je ɔ ba nɛ o kɛ o ninehi ba pue e nɔ konɛ e na he wami nɛ e yi nɛ na wa.”

Marko 8:25

Lɔ ɔ se ɔ, e kpale ngɔ e ninehi ngɔ pue hɛyuyuilɔ ɔ hɛngmɛ ɔmɛ a nɔ ekohu; jeha nɛ ɔ hɛyuyuilɔ ɔ hyɛ nɔ paa, nɛ a tsa lɛ, nɛ e na nɔ tsuaa nɔ faii.

Marko 6:5

Nɛ e nyɛ we he wami ni tsumi ko nɛ e tsu ngɛ Nazaret, pe kaa e kɛ e ninehi pue hiɔtsɛmɛ bɔɔ ko nɔ nɛ e tsa mɛ.

Luka 4:40

Pu si nɔmi be ɔ, nihi tsuo nɛ ngɛ nihi nɛ hiɔhi slɔɔtohi hɛɛ mɛ ɔ kɛ mɛ ba Yesu ngɔ. Nɛ e ngɔ e ninehi pue mɛ tsuo a nɔ kakaaka nɛ etsa mɛ.

Ni Tsumi 9:17

Kɛkɛ nɛ Anania pue nɔ kɛ ho nɛ e ya sɛ we ɔ mi, nɛ e kɛ e ninehi pue e nɔ nɛ e ke: “Maminyumu Saulo, Mawetsɛ Yesu, nɔ nɛ je e he kpo tsɔɔ mo benɛ o ma ngɛ blɔ ɔ nɔ ɔ tsɔ mi o ngɔ, benɛ pee nɛ o hyɛ nɔ ekohu nɛ o hyi fuu kɛ Mumi Klɔuklɔu ɔ.”

Luka 18:43

Nɛ amlɔ ɔ nɔuu ɔ, e hyɛ nɔ, nɛ e nyɛɛ e se nɛ e wo Mawu hɛ mi nyami; nɛ benɛ asafo ɔ tsuo na a, a je Mawu yi.

Mateo 9:8

Se benɛ asafo ɔ na a, a nya kpɛ a he, nɛ a wo Mawu hɛ mi nyami kaa e ngɔ kikɛmɛ a he blɔ ha nimli.

Luka 13:12

Se benɛ Yesu na lɛ ɔ, e tsɛ lɛ nɛ e de lɛ ke: “Yo, a pɛne mo ngɛ o hiɔ ɔ mi!”