Luka 13:11 - Somi He Ɔ

¹¹ nɛ oʼɛ, yo ko ngɛ lejɛ ɔ nɛ mumi yayami wo lɛ hiɔ jeha nyɔngma kɛ kpaanyɔ, nɛ e kpɛ, nɛ enyɛ we e mi nɛ e kpa kulaa po.

BAIBLO ALOO NGMAMI KLƆUKLƆU Ɔ

¹¹ Yo ko ngɛ ni ɔmɛ a kpɛti nɛ mumi yayami wo lɛ hiɔ jeha nyɔngma kɛ kpaanyɔ sɔuu; lɔ ɔ ji e kpɛ, nɛ e nyɛ we nɛ e kpãã e mi kulaa.

Luka 13:11 ပူးပေါင်းရင်းမြစ်များ

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Marko 9:21

Yesu bi e tsɛ ɔ ke: “Mɛni be enɛ ɔ bɔni lɛ peemi?” Nɛ e de lɛ ke: “Kɛ je e jokuɛ mi lokoo.

Luka 13:12

Se benɛ Yesu na lɛ ɔ, e tsɛ lɛ nɛ e de lɛ ke: “Yo, a pɛne mo ngɛ o hiɔ ɔ mi!”

Luka 13:16

Oʼɛ, kikɛmɛ a yo nɛ ɔ nɛ ji Abraham bi yo nɛ Satan fi lɛ kikɛmɛ a jeha nyɔngma kɛ kpaanyɔ nɛ ɔ ɔ, anɛ e dɛ́ kaa a pɛneɔ lɛ ngɛ kikɛmɛ a kpa nɛ ɔ mi ngɛ Hejɔɔmi Ligbi ɔ nɔ lo?”

Luka 21:28

Ke ni nɛ ɔmɛ bɔni mi bami ɔ, nyɛɛ da si tutuutu nɛ nyɛ wo nyɛ yi nɔ, ejakaa nyɛ kpɔmi ɔ ngɛ sue.”

Luka 8:2

kɛ yi komɛ hu nɛ a hia a mumi yayamihi nɛ a tsa a hiɔhi: Maria, nɔ nɛ a tsɛɛ lɛ Magdalena, nɔ nɛ mumi yayami kpaago je e mi ɔ,

Luka 8:27

Nɛ benɛ e ba kple ɔ, nyumu ko nɛ mumi yayamihi ngɛ e mi nɛ je ma a mi kɛ lɛ ba kpe. Nɛ e wui tade gblee, nɛ e hi we mi ja yɔkɔhi a mi kɛkɛ.

Luka 8:43

Nɛ yo ko nɛ muɔ ngɛ dɛe ngɛ e he jeha nyɔngma kɛ enyɔ, nɛ e puɛ e nihi tsuo kulaa kɛ ha tsopatsɛmɛ, nɛ nɔ ko nɔ ko nyɛ we lɛ nɛ e tsa a,

Ni Tsumi 3:2

Nyumu ko ngɛ nɛ ji akpaketsɛ kɛ je e nyɛ muklii mi, nɛ a woɔ lɛ daa kɛ ba hii si ngɛ sɔlemi we sinya nɛ a tsɛɛ sinya saminyayoo ɔ nya, konɛ e ba ni ngɛ nihi nɛ yaa sɔlemi we ɔmɛ a dɛ.

Ni Tsumi 4:22

ejakaa nɔmlɔ nɛ a tsa lɛ nyakpɛ tsami nɛ ɔ ye pe jeha nyingmi eywiɛ.