Luka 12:8 - Somi He Ɔ

⁸ “I ngɛ nyɛ dee ke: Nɔ tsuaa nɔ nɛ gbaa mi woɔ ye ta ngɛ nimli a hɛ mi ɔ, Nɔmlɔ Bi ɔ hu ma gba mi nɛ e maa wo e ta ngɛ Mawu bɔfo ɔmɛ a hɛ mi;

BAIBLO ALOO NGMAMI KLƆUKLƆU Ɔ

⁸ “I ngɛ nyɛ dee ke, nɔ tsuaa nɔ nɛ maa jaje ngɛ nimli a hɛ mi kaa e ngɛ ye blɔ fa mi ɔ, Nɔmlɔ Bi ɔ hu maa pee ja ha lɛ ngɛ Mawu bɔfo ɔmɛ a hɛ mi.

Luka 12:8 ပူးပေါင်းရင်းမြစ်များ

1 Yohane 2:23

Nɔ tsuaa nɔ nɛ kuaa Bi ɔ, e kuaa Tsɛ ɔ hulɔ. Se nɔ nɛ heɔ Bi ɔ, e ngɛ Tsɛ ɔ hulɔ.

2 Timoteo 2:12

Ke wa mia wa hɛ mi ngɛ nɔ nami mi ɔ, waa kɛ lɛ maa ye matsɛ hulɔ; Ke wa kpa ngɛ e se ɔ, lɛ hu e ma kpa ngɛ wa se.

Luka 15:10

Ja nɔuu i ngɛ nyɛ dee ke, bua jɔmi baa Mawu bɔfo ɔmɛ a kpɛti ngɛ yayami peelɔ kake nɛ tsakee e tsui ɔ he.”

Kpojemi 2:13

I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

Mateo 8:20

Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”