Luka 12:5 - Somi He Ɔ

⁵ Se ma tsɔɔ nyɛ nɔ nɛ sa nɛ nyɛɛ ye gbeye: Nyɛɛ ye nɔ nɛ ke e gbe se ɔ nɛ e ngɛ he blɔ kaa e ma sake ngɔ fɔ gehena mi ɔ gbeye. Ee, i ngɛ nyɛ dee ke, lɛ gbeye nyɛɛ ye.

BAIBLO ALOO NGMAMI KLƆUKLƆU Ɔ

⁵ Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

Luka 12:5 ပူးပေါင်းရင်းမြစ်များ

Mateo 10:28

Nɛ nyɛ ko ye ninɛmɛ nɛ gbee nɔmlɔ tso ɔ nɛ a nyɛ we klaa a nɛ a gbe ɔ gbeye; se mohu nyɛɛ ye nɔ nɛ nyɛɛ klaa a kɛ nɔmlɔ tso ɔ tsuo hɛ mi kpataa ngɛ gehena mi ɔ gbeye.

Mateo 25:41

“Kɛkɛ ɔ, e ma de ninɛmɛ nɛ ngɛ e muɔ nɔ hu ke: ‘Nyɛɛ je ye nɔ, nyɛ nihi nɛ a gbiɛ nyɛ, nyɛɛ ya neneene la a nɛ a dla to abosiami kɛ e bɔfo ɔmɛ ɔ mi!

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Mateo 5:22

Se i ngɛ nyɛ dee ke: nɔ tsuaa nɔ nɛ muklii mi fuɔ e nyɛmi (yaka a), a kɛ lɛ maa ba kojolɔ ɔ hɛ mi; nɛ nɔ tsuaa nɔ nɛ deɔ e nyɛmi ke: ‘Yaka nɔmlɔ’ ɔ, a kɛ lɛ maa ba gua ngua a hɛ mi; nɛ nɔ tsuaa nɔ nɛ tsɛɛ e nyɛmi ke kuasia nɛ he be senami ɔ, e maa ye abosiami a je la a mi yami fɔ?

Marko 13:23

Se Nyɛɛ lɛɛ nyɛɛ hyɛ saminya; i de nyɛ nɔ tsuaa nɔ ngɔ to.”

1 Tesalonikabi 4:6

konɛ nɔ ko ko ye e nyɛmi amimi nɛ e sisi lɛ ngɛ sane ko mi ejakaa enɛ ɔmɛ tsuo a he tue gblalɔ ji Mawetsɛ ɔ, kaa bɔ nɛ wa de nyɛ ngɔ to nɛ wa ye he odase ɔ.

Hebribi 10:31

Mawu hɛ kalɔ ɔ dɛ mi nɔmi ngɛ gbeye pam.

2 Petro 2:4

Ejakaa Mawu ngɔɛ bɔfohi nɛ pee yayami ɔmɛ a he ngɔ ki mɛ, se mohu e tsitsɛɛ mɛ wo gbeje muɔ mi, he nɛ a fi mɛ kɛ diblii kpa ngɔ to ha kojomi.

Kpojemi 14:7

“Nyɛɛ ye Mawu gbeye nɛ nyɛɛ kɛ hɛ mi nyami nɛ ha lɛ, ejakaa e kojomi ngmlɛfia a su. Nyɛ ja nɔ nɛ pee hiɔwe kɛ zugba kɛ wo kɛ nyu hɛngmɛhi nɛ baa a.”

Kpojemi 15:4

Mɛnɔ po lɛ be mo gbeye yee Nyɔmtsɛ, Nɛ e be o biɛ ɔ hɛ mi nyami woe? Ejakaa mo o nɔ kake too ji nɔ klɔuklɔu. Nɛ je ma amɛ kulaa maa ba nɛ a ba ja ngɛ o hɛ mi, Ejakaa a je o dami ni ɔmɛ a si paa.”

Kpojemi 20:14

Nɛ gbenɔ kɛ gbeje lɛɛ, a sake mɛ ngɔ pue la taku ɔ mi. Enɛ ɔ ji gbenɔ nɛ ji enyɔ ɔ nɛ.