Luka 12:47 - Somi He Ɔ

⁴⁷ “Se jamɛ a tsɔlɔ ɔ nɛ le e nyɔmtsɛ suɔmi nya ni nɛ e dla we e he ngɔ tui nɛ e pa pee we e suɔmi nyɛ ni ɔ, a maa fia lɛ kpa fuu;

BAIBLO ALOO NGMAMI KLƆUKLƆU Ɔ

⁴⁷ “Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.

Luka 12:47 ပူးပေါင်းရင်းမြစ်များ

Yakobo 4:17

Lɔ ɔ he ɔ, nɔ nɛ le kpakpa peemi nɛ e pee we ɔ, e ji yayami ha lɛ.

Yohane 9:41

Yesu de mɛ Ke: “Kaa nyɛ hɛ yu mohu ɔ, jinɛ yayami be nyɛ he; se jeha nɛ ɔ nyɛ deɔ ke: ‘Wa ngɛ nɔ hyɛe;’ lɔ ɔ he ɔ nyɛ he yayami ɔ ngɛ nyɛ he kɛ mwɔɔ.”

Yohane 12:48

Nɔ nɛ kuaa mi nɛ e pɛtɛ we ye munyu ɔ he ɔ, e ngɛ nɔ ko nɛ kojo lɛ; munyu nɛ i tu ɔ, kɔlɔ ɔ nɔuu maa kojo lɛ ngɛ nyagbe ligbi ɔ nɔ.

Ni Tsumi 17:30

Lɔ ɔ he ɔ, be nɛ a li ɔ Mawu ku e hɛ ngɔ fɔ nɔ, se jeha nɛ ɔ lɛɛ e ngɛ nimli kulaa nɛ ngɛ he tsuaa he ɔ kita woe kaa a tsake a tsui.

Yohane 19:11

Yesu de lɛ ke: “Ke pi hiɔwe nɛ a je ngɔ ha mo ɔ, jinɛ o be he wami ko nae ngɛ ye nɔ; lɔ ɔ he ɔ nɔ nɛ je mi wo o dɛ mi ɔ he yayami ɔ kle pe o nɔ ɔ.”

Luka 12:41

Petro de Yesu ke: “Mawetsɛ, wɔ o ngɛ kikɛmɛ a abɛ nɛ ɔ bue ɔ, aloo ni ɔmɛ tsuo hu ngɛ mi?”

Luka 12:46

jamɛ a tsɔlɔ ɔ nyɔmtsɛ ɔ maa ba ngɛ ligbi nɛ e hyɛ we lɛ blɔ kɛ ngmlɛfia nɛ e li nɔ, nɛ e ma ba poo e mi, nɛ e ma ha lɛ e blɔfami nɔ kɛ ablaatsɛmɛ ɔmɛ.