Luka 12:37 - Somi He Ɔ

³⁷ A gbaa jamɛ a tsɔli ɔmɛ nɛ benɛ a nyɔmtsɛ ɔ maa ba a nɛ e ma ba na mɛ kaa a ngɛ nyɔ fɔe ɔ! Niinɛ, i ngɛ nyɛ dee ke e maa mia nɛ e ma ha a hi si ngɛ niyeni he, nɛ e maa ba ba sɔmɔ mɛ.

BAIBLO ALOO NGMAMI KLƆUKLƆU Ɔ

³⁷ Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Luka 12:37 ပူးပေါင်းရင်းမြစ်များ

2 Petro 3:14

Lɔ ɔ he ɔ, mamimɛ, akɛnɛ nyɛ ngɛ kikɛmɛ a ni nɛ ɔmɛ a blɔ hyɛe nɛ ɔ, nyɛɛ bɔ mɔde konɛ nyɛɛ kɛ lɛ kpɛti nɛ hi he jɔmi nɛ a na nyɛ nɛ mu loo piami ko ko hi nyɛ he ngɛ e hɛ mi.

Mateo 24:42

Lɔ ɔ he ɔ nyɛɛ huɔ, ejakaa nyɛ li ngmlɛfia nɔ nɛ nyɛ nyɔmtsɛ ɔ ma.

Filipibi 1:23

i ngɛ haoe ngɛ ni enyɔ nɛ ɔmɛ a he: I ngɛ hlae nɛ ma je je nɛ ɔ mi nɛ i kɛ Kristo ya hi si, ejakaa kɔlɔ ɔ hi hluu.

1 Korintobi 2:9

Se kaa bɔ nɛ pa ngma a: “Nihi nɛ hɛngmɛ nɛ, nɛ tue hu nui, Nɛ e bɛ nɔmlɔ ko tsui mi hyɛ Ji nihi nɛ Mawu dla ngɔ to nihi nɛ suɔ lɛ ɔ.”

Kpojemi 14:13

Nɛ i nu gbi kɛ je hiɔwe ngɛ dee ke: “Ngmaa: A gbaa ni gbogboehi nɛ gboɔ ngɛ Nyɔmtsɛ ɔ mi ɔ, kɛ je mwɔnɛ kɛ yaa nɛ ɔ. Ee, Mumi ɔ ke, konɛ a jɔɔ a he kɛ je a haomi ɔmɛ a mi; se a ni tsumi ɔmɛ nyɛɛ a se.”

2 Petro 1:11

Ejakaa kikɛmɛ a blɔ ɔ nɔ a maa gu kɛ ngmɛ nyɛ blɔ kɛ sɛ wa Nyɔmtsɛ kɛ yi wami helɔ Yesu Kristo neneene matsɛ yemi ɔ mi.

Yohane 12:26

Ke nɔ ko ngɛ mi sɔmɔe ɔ, e nyɛɛ ye se, nɛ he nɛ i ngɛ ɔ, lejɛ ɔ ye sɔmɔlɔ ɔ hu maa hi. Ke nɔ ko ngɛ mi sɔmɔe ɔ, Tsaatsɛ maa wo lɛ.”

Luka 21:36

Lɔ ɔ he ɔ, nyɛɛ huɔ be tsuaa be nɛ nyɛɛ sɔle konɛ nyɛ nyɛ hihi nɛ maa ba nɛ ɔmɛ kulaa mi nɛ nyɛɛ je, nɛ nyɛ nyɛ Nɔmlɔ Bi ɔ hɛ mi nɛ nyɛɛ da.”

Kpojemi 7:17

ejakaa Tobi ɔ nɛ ngɛ matsɛ sɛ ɔ kpɛti ɔ maa lɛ mɛ, nɛ e maa tsɔɔ mɛ blɔ kɛ maa ya wami nyu vuhi a he, nɛ Mawu ma tsu a hɛ mi vo nyu kulaa.

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Filipibi 1:21

Ejakaa imi lɛɛ Kristo ji ye wami, nɛ gbenɔ ɔ ye se nami ʼi.

Luka 17:8

Se e be lɛ dee mohu ke: ‘Dla nɔ́ nɛ ma ye ɔ ngɔ ma si, nɛ o mia konɛ o sɔmɔ mi nɛ ma ye ni nɛ ma nu nɔ́ ko lolo, nɛ lɔ ɔ se ɔ konɛ mo hu o ye ni nɛ o nu nɔ́ ko?’

Luka 12:43

A gbaa jamɛ a tsɔlɔ ɔ, nɔ nɛ ke e nyɔmtsɛ ɔ ba nɛ e ma ba na lɛ kaa e ngɛ jã pee ɔ.

Luka 12:36

nɛ nyɛɛ pee kaa nihi nɛ ngɛ a nyɔmtsɛ blɔ hyɛe be mi nɛ e maa je yokpeemi ɔ kɛ ba a, konɛ ke e ba nɛ e ba si ɔ, kɛkɛ nɛ a bli lɛ amlɔ.

Luka 22:27

Ejakaa te nɔ nɛ pe e nyɛmi nɛɛ: nɔ nɛ hii okplɔɔ he ɔ, aloo nɔ nɛ sɔmɔɔ ɔ? Anɛ pi nɔ nɛ hii okplɔɔ he ɔ lo? Se imi lɛɛ i ngɛ nyɛ kpɛti kaa nɔ nɛ sɔmɔɔ.

Kpojemi 16:15

“Oʼɛ i ma kaa juɔ. A gbaa nɔ nɛ huɔɔ nɛ e hyɛɛ e tade ɔmɛ a nɔ saminya a, konɛ e ko nyɛɛ he gu nɛ e zo ba je kpo.”