Luka 11:4 - Somi He Ɔ

⁴ Nɛ o kɛ wa he yayami ɔmɛ nɛ pa wɔ, Ejakaa wɔ hu waa kɛ paa nɔ tsuaa nɔ nɛ tɔ́ɔ wa nɔ ɔ. Nɛ o kɛ wɔ ko ya ka mi.’ ”

BAIBLO ALOO NGMAMI KLƆUKLƆU Ɔ

⁴ Kɛ wa he yayami ɔmɛ nɛ pa wɔ; ejakaa wɔ hu waa kɛ paa nɔ tsuaa nɔ nɛ tɔɔ wa nɔ. Nɛ ko ha nɛ a ka wɔ.’ ”

Luka 11:4 ပူးပေါင်းရင်းမြစ်များ

Mateo 26:41

Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi; mumi ɔ ngɛ kplɛɛ e mohu, se he lo ɔ gbede.”

Kolosebi 3:13

nɛ ke nɔ ko kɛ nɔ ko na sane ko ɔ, nyɛɛ na ha nyɛ sibi nɛ nyɛ kɛ pa nyɛ he, kaa bɔ nɛ Kristo hu kɛ pa nyɛ ɔ, ja nyɛ hu nyɛɛ pee.

Mateo 18:35

Ja nɔuu Tsaatsɛ nɛ ngɛ hiɔwe ɔ hu ma ngɔ pee nyɛ, ke nyɛ ti nɔ tsuaa nɔ ngɔɛ e nyɛmi nɔ tɔmi ngɔ ki lɛ kɛ ji e tsui mi ɔ.”

Yakobo 2:13

Ejakaa kojomi mi ɔ, nɔ nɛ nɛ́ mɔbɔ ɔ, a be lɛ mɔbɔ nae; mɔbɔ nalɔ yi kojomi gbeye.

2 Timoteo 4:18

Nɛ Nyɔmtsɛ ɔ ma je mi kokooko kɛ maa je ni yayahi kulaa mi, nɛ e ma he ye yi wami kɛ maa ya e hiɔwe matsɛ yemi ɔ mi: Lɛ a ngɔ anuminyami ngɔ ha kɛ ya neneene kɛ neneene! Amen.

2 Tesalonikabi 3:3

Se anɔkualetsɛ ji Nyɔmtsɛ ɔ, nɔ nɛ maa wo nyɛ he wami, nɛ e maa bu nyɛ he kɛ maa je dikalɔ ɔ dɛ mi ɔ.

1 Korintobi 10:13

Ka ko bɛ nyɛ nɔ nɛ pi nɔmlɔ he nɔ́; se anɔkualetsɛ ji Mawu, nɔ nɛ be hae nɛ a ka nyɛ pe bɔ nɛ nyɛ ma nyɛ, se mohu e kɛ ka a nɔuu maa je blɔ ha nyɛ nɛ nyɛɛ je mi hulɔ, konɛ nyɛ nyɛ nya nɛ nyɛɛ da.

Yohane 17:15

I bi we kaa o je mɛ kɛ je je ɔ mi, se mohu kaa o bu a he kɛ je nɛ ɔ yayami ɔ dɛ mi.

Luka 22:46

nɛ e de mɛ ke: “Mɛni he je nyɛ ngɛ mahɛ hwɔe? Nyɛɛ te si nɛ nyɛɛ sɔle, konɛ nyɛ ko sɛ ka mi.”

Luka 8:13

Nihi nɛ ya nɔ tɛ sa nɔ ɔ ji nihi nɛ benɛ a nu ɔ, a heɔ munyu ɔ kɛ buajɔmi, se akɛnɛ a be sipoku he je ɔ a heɔ yeɔ be kpiti kɛkɛ, nɛ ka be mi ɔ a kuaa a hemi kɛ yemi ɔ.

Kpojemi 3:10

Ejakaa o ye ye munyu nɛ deɔ ke o to o tsui si ɔ nɔ he je ɔ, ma baa o yi ngɛ ka ngmlɛfia nɛ maa ba je mluku ɔ kulaa nɔ nɛ a kɛ maa ka nihi nɛ ngɛ zugba a nɔ ɔ mi.

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

Luka 11:5

Nɛ ɛ de mɛ ke: “Nyɛ kpɛti mɛnɔ nɛ ngɛ huɛ nɛ e maa ya e ngɔ nyɔ mi kpɛti nɛ e ma ya de lɛ ke: ‘Ye huɛ, paa mi abolo etɛ,

Luka 13:4

Aloo nyɛ susu kaa nihi nyɔngma kɛ kpaanyɔ ɔ nɛ Siloa mɔ ɔ hule pue a nɔ nɛ e gbe mɛ ɔ, mɛ kɛkɛ ji yayami peeli pe nimli tsuo nɛ ngɛ Yerusalem ɔ lo?