Luka 11:26 - Somi He Ɔ

²⁶ Kɛkɛ ɔ, e yaa nɛ e ya ngɔɔ mumi kpahi kpaago nɛ ji mumi yayamihi pe lɛ ngɔ piɛɔ e he nɛ a ya sɛɛ e mi nɛ a hii lejɛ ɔ, nɛ jamɛ a nɔmlɔ ɔ sekpɛ sihihii ɔ plɛɔ yayami pe kekle nɔ ɔ.”

BAIBLO ALOO NGMAMI KLƆUKLƆU Ɔ

²⁶ Jehanɛ ɔ, e yaa nɛ e ya ngɔɔ mumi yayami kpahi kpaago nɛ a nya wa pe lɛ nitsɛ kɛ baa, nɛ e kɛ mɛ ba hii lejɛ ɔ. Nyagbe ɔ, kikɛmɛ a nɔmlɔ nɛ ɔ si himi ba peeɔ haomi kulaa pe kekle ɔ.”

Luka 11:26 ပူးပေါင်းရင်းမြစ်များ

Mateo 12:45

Kɛkɛ ɔ, e yaa nɛ e ya ngɔɔ mumi kpahi kpaago nɛ ji mumi yayamihi pe lɛ kɛ piɛɛ e he; nɛ a baa ba hii lejɛ ɔ; nɛ jamɛ a nɔmlɔ ɔ nyagbe si himi ɔ plɛɔ yayami pe kekle nɔ ɔ. Ja nɔuu e maa ba mi ngɛ yi nɔ yaya nɛ ɔ hu he.”

Mateo 23:15

“Musu tloo nyɛ, mlaa tsɔɔli kɛ Farisifohi, osatotsɛmɛ, ejakaa nyɛ bɔlee wo kɛ zugba kɛ kpee, konɛ nyɛ na nɔ kake ne e plɛ Yudafono; nɛ benɛ nɔ ɔ plɛ ja a, nyɛ peɔ lɛ abosiami bi si enyɔ pe nyɛ nitsɛmɛ nyɛ he.

Luka 11:25

Nɛ ke e ba a, e ba naa kaa a bɛɛ mi nɛ a dla mi.

Luka 11:27

Nɛ e ba mi kaa benɛ e ngɛ ni nɛ ɔmɛ dee ɔ, yo ko nɛ ngɛ asafo ɔ mi ɔ wo e gbi nɔ nɛ e de lɛ ke: “A gbaa muklii nɛ hɛɛ mo kɛ nyɔ nɛ o pupɔ ɔ!”

Yohane 5:14

Pee se ɔ Yesu ya na lɛ ngɛ sɔlemi we ɔ, nɛ e de lɛ ke: “Oʼɛ, o na he wami; koo pee yayami hu, kone nɔ́ ko yaya nɛ pe kekle nɔ́ ɔ ko ba o nɔ.”

1 Yohane 5:16

Ke nɔ ko na e nyɛmi nɛ e ngɛ yayami pee nɛ pi gbenɔ yayami ɔ, e bi Mawu, nɛ e ma ha lɛ wami, enɛ kɔɔ nihi nɛ peɔ yayami nɛ pi gbenɔ yayami ɔmɛ a he. Gbenɔ yayami ko ngɛ, se pi enɛ ɔ he nɛ i ngɛ dee ke e bi ɔ.