Luka 10:11 - Somi He Ɔ

¹¹ ‘Wa ngɛ nyɛ ma nɛ ɔ mi bunyuku tete nɛ ngɛ wa nanehi a he ɔ blɛe kɛ ngɛ nyɛ nɔ puee; se kɛ ɔ nyɛ na le kaa Mawu matsɛ yemi ɔ na nyɛ.’

BAIBLO ALOO NGMAMI KLƆUKLƆU Ɔ

¹¹ ‘Nyɛ ma nɛ ɔ mi bunyuku tete nɛ ngɛ wa nane he ɔ, wa ngɛ blɛe kɛ ngɛ nyɛ nɔ puee. Se kɛ̃ ɔ, nyɛ na nɛ nyɛɛ le kaa Mawu matsɛ yemi ɔ na nyɛ ta!’

Luka 10:11 ပူးပေါင်းရင်းမြစ်များ

Mateo 10:14

Nɛ ke nɔ ko he we nyɛ nɛ e bui nyɛ munyu ɔmɛ a tue ɔ, ke nyɛ ngɛ jamɛ a we ɔ loo ma a mi jee ɔ, rnyɛ blɛ nyɛ nane he bunyuku ɔ.

Mateo 10:7

Se nɛ nyɛ yaa nɛ ɔ, nyɛɛ fiɛ de ke: ‘Hiɔwe matsɛ yemi ɔ su si ta.’

Mateo 3:2

nɛ e de ke: “Nyɛɛ kpale kɛ je nyɛ blɔ yaya amɛ a nɔ, se hiɔwe matsɛ yemi ɔ su si ta.”

Marko 6:11

He tsuaa he nɛ ni ɔmɛ he we nyɛ nɛ a bu we nyɛ tue ngɛ ɔ, ke nyɛ ngɛ lejɛ ɔ jee ɔ, nyɛ blɛ nyɛ nane si zu ngɔ pue si kaa okadi ngɔ ha mɛ.”

Luka 10:10

Se ma tsuaa ma mi nɛ nyɛ maa sɛ nɛ a he we nyɛ ɔ, nyɛɛ je kɛ ho gbɛjegbɛ ɔmɛ a nɔ ya nɛ nyɛ de ke:

Luka 10:9

Nɛ nyɛ tsa hiɔtsɛmɛ nɛ ngɛ mi ɔ, nɛ nyɛ de mɛ ke: ‘Mawu matsɛ yemi ɔ na nyɛ.

Luka 9:5

Nihi abɔ nɛ he we nyɛ ɔ, ke nyɛ maa je jamɛ a ma a mi ɔ, nyɛ blɛ nyɛ nane si zu ɔ kɛ ye mɛ odase.”

Ni Tsumi 13:26

“Tsaatsɛmɛ kɛ mamimɛ, Abraham nina kɛ nyɛ kpɛti nihi nɛ yee Mawu gbeye, nyɛ a kɛ kikɛmɛ a yi wami hemi muyu nɛ ɔ ba ha.

Ni Tsumi 13:40

Lɔ ɔ he ɔ nyɛɛ hyɛ nɛ hi, konɛ bɔ nɛ gbali ɔmɛ de ɔ ko ba nyɛ nɔ ke:

Ni Tsumi 13:46

Nɛ Paulo kɛ Barnaba tu munyu kɛ kã ke: “Nyɛ kekle e sa kaa a jajeɔ Mawu munyu ɔ ngɔ tsɔɔ, se akɛnɛ nyɛ kua munyu ɔ nɛ nyɛ bui nyɛ he kaa nyɛ sa neneene wami ɔ he je ɔ, oʼɛ, wa dɔ wa yi kɛ yaa majeli ɔmɛ a ngɔ.

Ni Tsumi 13:51

Se mɛɛ lɛɛ a blɛ a nane he bunyuku ngɔ pue a nɔ, nɛ a pue nɔ kɛ ho Ikoniom ya.

Romabi 10:21

Se Israel ɔ, e de mɛ ke: “Daa je nami i tsɛɛ ye nine mi haa Ma tue gboli kɛ sane nya jeli.”

Romabi 10:8

Se mohu kɛ e deɔ kɛɛ? Mawu munyu ɔ na mo ngɛ o nya mi kɛ o tsui mi tsuo; (kɔlɔ ɔ nɔuu ji hemi kɛ yemi munyu nɛ wa fiɛɛ ɔ nɛ).

Hebribi 1:3

nɔ hu nɛ ji e hɛ mi nyami ɔ kpɛmi ɔ su ɔ henɔ, nɛ e kɛ lɛ nitsɛ e he wami munyu ɔ hɛɔ nihi kulaa a, benɛ e tsukɔ wa he kɛ je wa he yayami ɔmɛ a mi ɔ, e ho ya hi si ngɛ hɛ mi nyamitsɛ agbo ɔ hiɛ ɔ nɔ ngɛ hiɔwe.