Luka 1:68 - Somi He Ɔ

⁶⁸ “A gbaa Nyɔmtsɛ, Israel Mawu ɔ, Kaa de ba slaa e ma a, nɛ e tsu Kpɔmi nihi ha mɛ,

BAIBLO ALOO NGMAMI KLƆUKLƆU Ɔ

⁶⁸ “Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Luka 1:68 ပူးပေါင်းရင်းမြစ်များ

Luka 1:71

Ke e ma he wa yi wami kɛ maa je Wa henyɛli kɛ nihi nɛ wa he tsɛɛ mɛ ɔ a dɛ mi;

Luka 19:44

nɛ a maa ngɔ mo ngɔ fia si kɛ o bimɛ nɛ ngɛ o mi ɔ, nɛ a be tɛ kake sie ngɛ eko nɔ ngɛ o mi, ejakaa o yo we o slaami be ɔ!”

Luka 2:38

Lɛ hu e ba ngɛ jamɛ a ngmlɛfia a mi nɔuu, nɛ e ba je Mawu yi, nɛ e tu jokuɛ ɔ he munyu ngɔ tsɔɔ nihi tsuo nɛ ngɛ Yerusalem kpɔmi ɔ blɔ hyɛe ɔ.

Luka 24:21

Se wɔɔ lɛɛ wa hɛ ngɛ nɔ kaa jinɛ lɛ ji nɔ nɛ ma kpɔ Israel ɔ nɛ; nɛ enɛ ɔ tsuo se ɔ, mwɔnɛ ji ligbi etɛ nɛ a pee ni nɛ ɔmɛ.

Luka 7:16

Nɛ gbeye nu mɛ tsuo, nɛ a wo Mawu hɛ mi nyami ke: “Gbalɔ kpetekpleenyɛ te si ngɛ wa kpɛti, nɛ Mawu ba slaa e ma a.”

Efesobi 1:3

A gbaa Mawu, wa Nyɔmtsɛ Yesu Kristo Tsɛ ɔ, nɔ nɛ kɛ mumi mi gbaami tsuaa mumi mi gbaami gbaa wɔ ngɛ hiɔwe nihi a mi ngɛ Kristo mi ɔ.

Efesobi 1:7

Ejakaa Kristo mi nɔuu wa na kpɔmi ɔ ngɛ nɛ ji yayamihi a pami ɔ, ngɛ e muɔ ɔ he ngɛ e dloomi hiɛmi ɔ nyɛ,

Hebribi 9:12

nɛ pohu, pi tokuhi loo na bimɛ a muɔ, se mohu lɛ nitsɛ e muɔ ɔ e kɛ sɛ he klɔuklɔu ɔ mi si kake nyɔngloo, nɛ e kɛ na neneene kpɔmi ɔ.

1 Petro 1:3

A gbaa Mawu kɛ wa Mawetsɛ Yesu Kristo Tsɛ ɔ, nɔ nɛ fɔ wɔ ehe ngɛ lɛ nitsɛ e mɔbɔnami babauu ɔ nya, ngɔ ha hɛ kɛ nɔ fɔmi ngɛ Yesu Kristo si nɛ ete kɛ je gbeje ɔ he.