Luka 1:17 - Somi He Ɔ

¹⁷ Nɛ e maa sɛ e hlami ngɛ Elia mumi kɛ e hewami mi, nɛ e ya dɔ tsɛmɛ a tsui kɛ ba a bimɛ a he, kɛ tue gboli kɛ ba dali a ni lemi mi, nɛ e dla ma a ngɔ to Nyɔmtsɛ ɔ.”

BAIBLO ALOO NGMAMI KLƆUKLƆU Ɔ

¹⁷ E maa sɛ Nyɔmtsɛ ɔ hlami kɛ he wami, kɛ kã kaa gbalɔ Eliya. E maa pee tsɛmɛ kɛ a bimɛ kake ekohu. E ma ha nihi nɛ bui Mawu tue ɔ maa kpale ba nyɛɛ ni nɛmɛ nɛ buɔ lɛ tue ɔ a blɔ ɔmɛ a nɔ. Nɛ nihi nɛ Mawu nitsɛ hla a, e ma dla mɛ ngɔ to lɛ.”

Luka 1:17 ပူးပေါင်းရင်းမြစ်များ

Mateo 11:14

Nɛ ke nyɛ suɔ kaa nyɛ maa hɛɛ mi ɔ, nɔ nɛ ɔ ji Elia nɛ maa ba a nɛ.

Mateo 14:4

ejakaa Yohane de lɛ ke: “E dɛ́ kaa o ngɔɔ lɛ.”

Mateo 3:3

Ejakaa nɔ nɛ ɔ ji nɔ he nɛ gbalɔ Yesaia de ngɛ ke: “Nɔ ko ngɛ ngmlaa kpae boboobo ngɛ nga a nɔ ke: ‘Nyɛ dla Nyɔmtsɛ ɔ blɔ ɔ. Nyɛ ha e blɔ ɔ nɛ da tlɔmɔɔ!’ ”

Mateo 3:4

Se Yohane ɔ afukpɔngɔ he bwɔmi a kɛ lo e tade ɔ, nɛ lohwe he womi kpa fi e mlɛ mi, nɛ e ni yeni ji baalɛ kɛ nga nɔ hwo.

Luka 1:16

Nɛ e maa kpale Israelbi ɔmɛ a ti nihi fuu kɛ maa ba Nyɔmtsɛ, a Mawu ɔ ngɔ.

Luka 1:76

Nɛ mo, jokuɛ nɛ ɔ, A ma tsɛ mo hiɔwe lokoono ɔ gbalɔ; Ejakaa o maa sɛ Nyɔmtsɛ ɔ hlami Nɛ o ya dla e blɔ ɔmɛ ngɔ to lɛ,

Yohane 1:13

nihi nɛ pi muɔ loo he loo nyumu ko suɔmi nya, se mohu Mawu mi a je kɛ fɔ mɛ.

Yohane 1:34

Nɛ i na, nɛ i ye he odase kaa lɛ ji Mawu Bi ɔ nɛ.”

Yohane 3:28

Nyɛ nitsɛmɛ nyɛ ngɛ odase yee ha mi kaa i de ke ‘Pi imi ji Kristo ɔ, se mohu a tsɔ mi kɛ sɛ e hlami.’

Ni Tsumi 10:33

Kɛkɛ nɛ amlɔ ɔ nɔuu nɛ i tsɔ o ngɔ, nɛ o pee saminya kaa o ba. Lɔ ɔ he ɔ jeha nɛ ɔ wɔ tsuo wa ngɛ hiɛ ɔ ngɛ Mawu hɛ mi, konɛ waa bu nihi tsuo kulaa nɛ Mawu de mo ngɔ to ɔ tue.”

Romabi 9:23

nɛ jeha nɛ hu ke e haa a leɔ e hɛ mi nyami hiɛmi ɔ hu ngɛ e mɔbɔ nami nihi nɛ e dla ngɔ to ha hɛ mi nyami ɔ, mɛni o ma de?

Kolosebi 1:12

Nyɛɛ kɛ bua jɔmi nɛ na Tsɛ ɔ si, nɔ nɛ ha wa sa nihi nɛ yeɔ klɔuklɔu bimɛ a gbo si ni ɔ eko ngɛ la mi,

2 Timoteo 2:21

Jehanɛ ke nɔ ko tsukɔ e he kɛ je kikɛmɛ a ni nɛ ɔmɛ a he ɔ, e ma plɛ nɔ́ ko nɛ a buu nɛ a tsukɔ he klɔuu nɛ hi ha wetsɛ ɔ saminya nɛ a dla lɛ kɛ ha ni tsumi kpakpa tsuaa ni tsumi kpakpa.

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

1 Yohane 2:28

Nɛ jehanɛ, bimɛ tsɔwi, nyɛɛ hi e mi, konɛ e puemi ɔ mi ɔ, wa na kã nɛ zo ko gbe wɔ ngɛ e hɛ mi ngɛ e bami ɔ mi.

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.