Kpojemi 9:21 - Somi He Ɔ

²¹ Jehanɛ hu, a tsake we a tsui kɛ ji a awi yemi kɛ a nyuami kɛ ajuama bɔmi kɛ a jumi ɔmɛ a mi.

BAIBLO ALOO NGMAMI KLƆUKLƆU Ɔ

²¹ Jehanɛ hu, a tsakee we a tsui, konɛ a jɔɔ muɔ si puemi, loo nyuami, loo nyumu kɛ yo yakayaka fiɛmi, loo jumi.

Kpojemi 9:21 ပူးပေါင်းရင်းမြစ်များ

Mateo 15:19

Ejakaa tsui mi nɛ susumi yayahi, nɔmlɔ gbemi, gba puɛmihi, ajuama bɔmihi, jumihi, lakpa odase yemihi kɛ musu bɔmihi jee.

2 Korintobi 12:21

I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.

Galatabi 5:20

wɔ jami, nyuami, nyɛmi, pɛ, hunga jemi, mi mi la womi, ngmlaa kpami, atua tsɔmi, mi gbami, hɛ tsumi,

Kpojemi 13:13

Nɛ e peɔ okadi nguahi, nɛ e haa la po jee hiɔwe baa zugba a nɔ ngɛ nimli a hɛ mi.

Kpojemi 13:15

Nɛ a ha lɛ he wami nɛ e kɛ mumi nɛ ha lohwe ɔ amaga a, konɛ lohwe ɔ amaga a nɛ tu munyu nɛ e ha a gbe nimli kulaa nɛ ja we lohwe ɔ amaga a.

Kpojemi 13:7

Nɛ a ha lɛ he blɔ nɛ e kɛ klɔuklɔu bi ɔmɛ nɛ hwu ta nɛ e ye a nɔ, nɛ a ha lɛ he blɔ ngɛ wɛtso tsuaa wɛtso kɛ ma tsuaa ma kɛ mahi a nɔ gbihi tsuo kɛ je ma tsuaa je ma nɔ.

Kpojemi 14:8

Nɛ hiɔwe bɔfo kpa nɛ ji enyɔ nyɛɛ se nɛ e ke: “E ywia, Babilon ma ngua a ywia, ejakaa e ha majemaje ɔ kulaa nu e ajuama bɔmi ɔ he mi mi fumi da a eko.”

Kpojemi 16:6

A pue klɔuklɔu bi ɔmɛ kɛ gbali ɔmɛ a muɔ si, nɛ lɔ ɔ he ɔ muɔ nɔuu o ha mɛ nɛ a nu, ejakaa e sa mɛ ja.”

Kpojemi 17:2

nɔ nɛ zugba a nɔ matsɛmɛ ɔmɛ kɛ bɔ ajuama, nɛ nihi nɛ ngɛ zugba a nɔ ɔ de da kɛ e ajuama bɔmi da a.”

Kpojemi 17:4

Nɛ yo ɔ wo tade nɛ hɛɛ alamua yumu su kɛ tade nɛ tsuɔ kaa muɔ, nɛ a kɛ sika kɛ tɛ nɛ he jua wa kɛ adiagba wo lɛ, nɛ e hɛɛ sika kplu nɛ hyi tɔ kɛ e ajuama bɔmi ɔ mi ninye nihi kɛ mu ni ɔmɛ ngɛ e dɛ mi;

Kpojemi 17:5

nɛ a ngma biɛ ko ngɛ e hɛ nya nɛ ji laami sane ke: “Babilon ngua a, zugba a nɔ ajuama a kɛ ninye ni ɔmɛ a nyɛ.”

Kpojemi 18:3

Ejakaa e ha je ma amɛ kulaa nu e ajuama bɔmi he mi mi fumi da a eko, nɛ zugba a nɔ matsɛmɛ ɔmɛ kɛ lɛ bɔ ajuama, nɛ zugba a nɔ jua yeli ɔmɛ plɛ niatsɛmɛ ngɛ e ya homi ɔ he wami ɔ mi.”

Kpojemi 19:2

Ejakaa zanɔkuale kɛ dami ji e kojomi ɔmɛ, akɛnɛ e kojo ajuama kpanaaku ɔ nɛ kɛ e juama bɔmi ɔ puɛ zugba a, nɛ Mawu ye e sɔmɔli ɔmɛ a muɔ ɔ he lue.”

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

Kpojemi 9:20

Nɛ nimli nɛ piɛ nɛ a gbi mɛ ngɛ kikɛmɛ a haomi nɛ ɔmɛ a mi ɔ, a tsakee we a tsui kɛ ji a nine nya ni tsumi ɔmɛ a he, konɛ a jɔɔ mumi yayamihi kɛ sika tsu kɛ sika hiɔ kɛ ayawa kɛ tɛ kɛ tso amagahi nɛ hyɛ we nɔ́ nɛ a nui nɔ́ nɛ a nyɛ we nɛ a nyɛɛ ɔ jami.