Kpojemi 9:18 - Somi He Ɔ

¹⁸ Kikɛmɛ a haomi etɛ nɛ ji la kɛ lasuku kɛ suɔɔ nɛ ngɛ hiae kɛ ngɛ a nya mi jee nɛ ɔ, a kɛ gbe nimli a mi dlami etɛ mi kake.

BAIBLO ALOO NGMAMI KLƆUKLƆU Ɔ

¹⁸ Nɔ́ etɛ nɛ ɔmɛ nɛ ngɛ okpɔngɔ ɔmɛ a nya mi jee ɔ gbe adesahi tsuo a mi dlami etɛ mi kake.

Kpojemi 9:18 ပူးပေါင်းရင်းမြစ်များ

Kpojemi 9:17

Nɛ bɔ nɛ i na okpɔngɔ ɔmɛ kɛ a nɔ hili ɔmɛ ngɛ ni nami ɔ mi ji nɛ ɔ nɛ: A damahi nɛ a wo ɔ su ngɛ kaa la kɛ alamua yumu kɛ kungwɔ zɔ; nɛ okpɔngɔ ɔmɛ a yihi ngɛ kaa jatahi a yi, nɛ la kɛ lasuku kɛ suɔɔ ngɛ hiae kɛ ngɛ a nya mi jee.

Kpojemi 9:15

A pɛne hiɔwe bɔfohi eywiɛ ɔ nɛ a dla to ngmlɛfia a kɛ ligbi ɔ kɛ hlami ɔ kɛ jeha a, konɛ a gbe nimli a mi dlami etɛ mi kake.

Kpojemi 8:7

Kekleekle hiɔwe bɔfo ɔ kpa, nɛ gbiɛ ngo ngu loo hiɔmi tɛ kɛ la nɛ muɔ futu mi ba nɛ e ba pue zugba a nɔ, nɛ zugba a mi dlami etɛ mi kake sã, nɛ ba mumuhi tsuo sã.

Kpojemi 8:8

Nɛ hiɔwe bɔfo nɛ ji enyɔ ɔ kpa, nɛ a sake nɔ́ ko nɛ ngɛ kaa yoku nɛ ngɛ tsoe kɛ la ngɔ fɔ wo mi, nɛ wo ɔ midlami etɛ mi kake plɛ muɔ,

Kpojemi 8:9

nɛ wo ɔ mi nihi nɛ a bɔ nɛ ngɛ wami ɔ a midlami etɛ mi kake gbo, nɛ lɛhi a mi dlami etɛ mi kake hɛ mi kpata.

Kpojemi 8:10

Nɛ hiɔwe bɔfo nɛ ji etɛ ɔ kpa, nɛ dodoe ngua nɛ ngɛ tsoe kaa ha tsɔ kɛ je hiɔwe ba nɔ si, nɛ e nɔ pa amɛ a mi dlami etɛ mi kake kɛ nyu hɛngmɛ ɔmɛ a nɔ.

Kpojemi 8:11

Dodoe ɔ biɛ ji Doodoomi, nɛ nyu ɔmɛ a mi dlami etɛ mi kake plɛ nɔ́ ko nɛ duɔ, nɛ nimli babauu nɛ nu ɔ gbo, ejakaa e duɔ.

Kpojemi 8:12

Nɛ hiɔwe bɔfo nɛ ji eywiɛ ɔ kpa, nɛ a fia pu mi dlami etɛ mi kake kɛ nyɔhiɔ mi dlami etɛ mi kake kɛ dodoehi a mi dlami etɛ mi kake nɔ́, nɛ a mi dlami etɛ mi kakaaka a wo diblii, nɛ piani mi dlami etɛ mi kake ɔ, je mi tsɔ we nɛ nyɔ mi hu ja kɛ.

Kpojemi 9:19

Ejakaa okpɔngɔ ɔmɛ a he wami ngɛ a nya mi kɛ a hlemihi a mi, ejakaa a hiemi ɔmɛ ngɛ kaa sinɔhi, nɛ yihi ngɛ a he, nɛ kɔlɔ ɔmɛ a kɛ peɔ yayami.