Kpojemi 8:4 - Somi He Ɔ

⁴ Nɛ tsopa kɛ e he via a lasuku ɔ te si kɛ je hiɔwe bɔfo ɔ dɛ mi kɛ ya piɛ klɔuklɔu bi ɔmɛ a kue fami ɔmɛ a he kɛ ho Mawu hɛ mi ya.

BAIBLO ALOO NGMAMI KLƆUKLƆU Ɔ

⁴ Tsopa kɛ e he via la su ku ɔ, kɛ ni klɔuklɔu ɔmɛ a kue fami ɔ je bɔfo ɔ nɛ daa si ngɛ Mawu hɛ mi ɔ dɛ mi kɛ ho hiɔwe ya.

Kpojemi 8:4 ပူးပေါင်းရင်းမြစ်များ

Luka 1:10

nɛ tsopa kɛ e he via sami be ɔ mi ɔ, ma asafo ɔ tsuo ngɛ sɔlee ngɛ agbo ɔ nya.

Kpojemi 8:3

Nɛ hiɔwe bɔfo kpa ko ba nɛ e ba da bɔ sami latɛ ɔ he, nɛ e hɛɛ sika tsopa ke e he via sami nɔ́, nɛ a ha lɛ tsopa kɛ e he via fuu konɛ e kɛ piɛ klɔuklɔu bi ɔmɛ kulaa a sɔlemi ɔmɛ a he ngɛ sika bɔ sami latɛ nɛ maa si ngɛ matsɛ sɛ ɔ hɛ mi ɔ nɔ.

Kpojemi 15:8

Nɛ sɔlemi tsu ɔ mi hyi tɔ kɛ lasuku nɛ je Mawu hɛ mi nyami ɔ kɛ e he wami ɔ mi ɔ, nɛ nɔ ko nyɛ we sɔlemi tsu ɔ mi nɛ e sɛ kɛ maa su be nɛ a maa gbe hiɔwe bɔfohi kpaago ɔmɛ a haomi kpaago ɔmɛ a nya.

Ni Tsumi 10:4

Nɛ e hyɛ lɛ too, nɛ e ye gbeye nɛ e ke: “Mo mɛnɔ ʼi, Nyɔmtsɛ?” Nɛ Nyɔmtsɛ ɔ de lɛ ke: “O sɔlemihi kɛ ni kpakpahi nɛ o peɔ ɔ ba su hiɔwe nɛ, e pee kaimi nɔ́ ngɛ Mawu hɛ mi.