Kpojemi 8:2 - Somi He Ɔ

² Nɛ i na hiɔwe bɔfohi kpaago ɔ nɛ daa si ngɛ Mawu hɛ mi ɔ, nɛ a ngɔ Titimati kpaago ngɔ ha mɛ.

BAIBLO ALOO NGMAMI KLƆUKLƆU Ɔ

² Kɛkɛ nɛ i na bɔfo kpaago ɔmɛ nɛ daa si ngɛ Mawu hɛ mi ɔ, nɛ a ha mɛ titimati kpaago.

Kpojemi 8:2 ပူးပေါင်းရင်းမြစ်များ

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Luka 1:19

Nɛ bɔfo ɔ ha lɛ heto ke: “Imi ji Gabriel nɛ daa Mawu hɛ mi ɔ nɛ, nɛ a tsɔ mi ke ma ba de mo nɛ ma sɛɛ Sane Kpakpa nɛ ɔ ha mo.

Kpojemi 8:6

Nɛ hiɔwe bɔfohi kpaago ɔ nɛ hɛɛ titimati kpaago ɔ dla a he konɛ a ma kpa.

Mateo 18:10

“Nyɛɛ hyɛ saminyɛ konɛ nyɛ ko gbe ni tsɔwi nɛ ɔmɛ a ti nɔ kake he guɛ; ejakaa i ngɛ nyɛ dee ke, a bɔfohi nɛ ngɛ hiɔwe ɔ hyɛɛ Tsaatsɛ nɛ ngɛ hiɔwe ɔ hɛ mi daa.” [

Kpojemi 16:1

Kɛkɛ nɛ i nu gbi ngua ko nɛ je sɔlemi tsu ɔ mi nɛ e ngɛ hiɔwe bɔfohi kpaago ɔ dee ke: “Nyɛɛ ya nɛ nyɛ ya plɛ Mawu mi mi fumi tsinesa kpaago ɔmɛ ngɔ pue zugba a nɔ!”

Kpojemi 15:1

Kɛkɛ nɛ i na okadi kpa ko ngɛ hiɔwe; e kle nɛ e ngɛ nyakpɛ: hiɔwe bɔfohi kpaago nɛ a hɛɛ haomi kpaago nɛ ji nyagbe ni ɔmɛ, ejakaa kɔlɔ ɔmɛ a kɛ maa gbe Mawu mi mi fumi ɔ nya.

Mateo 24:31

Nɛ e maa tsɔ e bɔfo ɔmɛ kɛ Titimati nɛ gbi nya wa, nɛ a ma bua e nihi nɛ a hla amɛ a nya kɛ maa je kɔɔhiɔ eywiɛ ɔ nɔ, kɛ maa je hiɔwe nyagbe he kake nɔ kɛ yaa su nyagbe he kpa nɔ.”

Luka 21:36

Lɔ ɔ he ɔ, nyɛɛ huɔ be tsuaa be nɛ nyɛɛ sɔle konɛ nyɛ nyɛ hihi nɛ maa ba nɛ ɔmɛ kulaa mi nɛ nyɛɛ je, nɛ nyɛ nyɛ Nɔmlɔ Bi ɔ hɛ mi nɛ nyɛɛ da.”

1 Korintobi 15:52

tlukaa ngɛ hɛngmɛfia mi, benɛ a ma kpa nyagbe titimati ɔ; ejakaa a ma kpa titimati, nɛ a ma tle ni gbogboehi a si nɛ a be puɛe hu, nɛ wɔɔ lɛɛ, a ma tsake wɔ.

1 Tesalonikabi 4:16

Ejakaa lɛ Nyɔmtsɛ ɔ nitsɛ kɛ ose hemi kɛ hiɔwe bɔfo nɔkɔtɔma gbi kɛ Mawu titimati maa je hiɔwe kɛ kple si, nɛ ni gbogboehi nɛ ngɛ Kristo mi ɔ kekle maa te si,

Kpojemi 1:4

Yohane ngma ya ha asafohi kpaago nɛ ngɛ Asia a: Dloomi kɛ he jɔmi ha nyɛ, kɛ je nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba a dɛ mi, nɛ kɛ je mumihi kpaago nɛ ngɛ e matsɛ sɛ ɔ hɛ mi ɔ ngɔ,

Kpojemi 8:13

Nɛ i na, nɛ i nu kɔle ko he nɛ ngɛ tee ngɛ hiɔwe, nɛ e kɛ gbi wawɛɛ ngɛ dee ke: “Musu tloo, musu tloo, musu tloo nihi nɛ ngɛ zugba a nɔ,” benɛ hiɔwe bɔfohi etɛ nɛ piɛ ɔ ma kpa a titimati ɔmɛ ɔ.

Kpojemi 9:1

Kɛkɛ nɛ hiɔwe bɔfo nɛ ji enuɔ ɔ kpa e titimati ɔ, nɛ i na dodoe ko je hiɔwe ba nɔ zugba a nɔ, nɛ a ngɔ muɔ voo ɔ nya safe ɔ ngɔ ha lɛ.