Kpojemi 7:9 - Somi He Ɔ

⁹ Enɛ ɔ se ɔ i hyɛ, nɛ oʼɛ, nimli asafo nɛ nɔ ko nɔ ko be nyɛe maa kane nɛ je je mi ma tsuaa je mi ma kɛ wɛtsohi kɛ mahi kɛ mahi a nɔ gbihi a mi nɛ a daa si ngɛ matsɛ sɛ ɔ hɛ mi kɛ Tobi ɔ hɛ mi, nɛ a wo tade hiɔ, nɛ a hɛɛ tã kuɔmihi ngɛ a dɛ,

BAIBLO ALOO NGMAMI KLƆUKLƆU Ɔ

⁹ Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Kpojemi 7:9 ပူးပေါင်းရင်းမြစ်များ

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Yohane 12:13

a kukuɔ tã ba, nɛ a je kpo ya kpee lɛ, nɛ a wɔ lele ke: “Hosiana! A gbaa nɔ nɛ ma ngɛ Nyɔmtsɛ ɔ biɛ mi ɔ, Israel matsɛ ɔ!”

Kpojemi 11:15

Kɛkɛ nɛ hiɔwe bɔfo nɛ ji kpaago ɔ kpa e titimati ɔ, nɛ a nu gbi nguahi ngɛ hiɔwe ke: “Je nɛ mi matsɛ yemi ɔ plɛ wa Nyɔmtsɛ ɔ kɛ e Kristo ɔ nɔ, nɛ e maa ye matsɛ kɛ maa ya neneene kɛ neneene!”

Kpojemi 6:11

A hã a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ ya su be nɛ a nyɛmimɛ sɔmɔli ɔmɛ kɛ anyɛmimɛ ɔmɛ hu nɛ a maa gbe mɛ kaa bɔ nɛ a gbe mɛ nitsɛmɛ hu ɔ a hiemi maa sɔ.

Kpojemi 3:18

i ngɛ mo ga woe ke o he sika nɛ a tsu he ngɛ la mi kɛ je ye ngɔ, kone o na ni, kɛ tade hiɔ, kone o wo nɛ o he gu nɛ ngɛ zo ɔ nɛ ko fɔ si, kɛ hɛngmɛ tsopa nɛ o kɛ nga o hɛngmɛ nɔ, kone o hyɛ nɔ.

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,

Luka 21:36

Lɔ ɔ he ɔ, nyɛɛ huɔ be tsuaa be nɛ nyɛɛ sɔle konɛ nyɛ nyɛ hihi nɛ maa ba nɛ ɔmɛ kulaa mi nɛ nyɛɛ je, nɛ nyɛ nyɛ Nɔmlɔ Bi ɔ hɛ mi nɛ nyɛɛ da.”

Luka 12:1

Jamɛ a be ɔ mi nɔuu ɔ, benɛ nihi akpe akpehi abɔ ba bua a he nyɛ nɛ nihi ngɛ nihi a nɔ nae ɔ, Yesu bɔni e kaseli ɔmɛ demi ke: “Kekleekle ɔ, nyɛ hɛ̃ nɛ hi nyɛ he nɔ ngɛ Farisifo ɔmɛ a ma sasɛ nɛ ji osato peemi ɔ he.

Kpojemi 4:4

Nɛ matsɛ sɛ ɔ he ɔ, matsɛ sɛhi nyingmi enyɔ kɛ eywiɛ bɔle lɛ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ sɛ ɔmɛ a nɔ; sa wo tade hiɔhi, nɛ sika jlasi fi a yi.

Hebribi 12:22

Se mohu, Zion yoku ɔ he nyɛ ba, kɛ Mawu hɛ kalɔ ma nɛ ji hiɔwe Yerusalem ɔ, kɛ hiɔwe bɔfohi akpe akpehi abɔ,

Hebribi 11:12

Lɔ ɔ he hulɔ nɛ a je nɔ kake nɛ ngɛ kaa nɔ nɛ gbo mo ɔ mi nɛ a fɔ nihi nɛ hiɛ babauu kaa hiɔwe dodoehi loo wo nya zia nɛ a be nyɛe maa kane ɔ nɛ.

Efesobi 6:13

Lɔ ɔ he ɔ, nyɛɛ hɛɛ Mawu ta hwumi ni ɔmɛ kulaa mi konɛ nyɛ nyɛ ligbi yaya a nya nɛ nyɛɛ da, nɛ benɛ nyɛ gbe kulaa nya a nɛ nyɛ nyɛ si nɛ nyɛɛ da.

Kpojemi 5:11

Nɛ i hyɛ, nɛ i nu bɔfohi fuu nɛ bɔle matsɛ sɛ ɔ kɛ hɛ kali ɔmɛ kɛ nikɔtɔma amɛ a he kɛ kpe ɔmɛ a gbi, nɛ a nya ji akpe nyɔngma totoe akpe nyɔngma kɛ akpe totoe akpe,

Kpojemi 7:8

Zebulon wɛtso ɔ mi ɔ, nimli akpe nyɔngma kɛ enyɔ, Yosef wɛtso ɔ mi ɔ, nimli akpe nyɔngma kɛ enyɔ, Benyamin wɛtso ɔ mi ɔ, nimli akpe nyɔngma kɛ enyɔ.

Kpojemi 22:3

Nɛ musu ko musu ko be lejɛ ɔ hu. Mawu kɛ Tobi ɔ matsɛ sɛ ɔ maa ma si ngɛ e mi, nɛ e sɔmɔli ɔmɛ ma sɔmɔ lɛ,