Kpojemi 7:14 - Somi He Ɔ

¹⁴ Nɛ i de lɛ ke: “Ye Nyɔmtsɛ, mo lɛ o le.” Nɛ e de mi ke: “Nimli nɛ ɔmɛ ji nihi nɛ a je nɔ nami kpetekpleenyɛ ɔ mi ɔ nɛ; nɛ a fɔ a tade ɔmɛ a he, nɛ a ha a hiɛ futaa ngɛ Tobi ɔ muɔ ɔ mi.

BAIBLO ALOO NGMAMI KLƆUKLƆU Ɔ

¹⁴ I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Kpojemi 7:14 ပူးပေါင်းရင်းမြစ်များ

Mateo 24:21

Ejakaa jamɛ a be ɔ mi ɔ, he hiami babauu maa ba nɛ a nɛ e nɔ gblee kɛ je je ɔ sisije kɛ ba su mwɔnɛ mwɔnɛ, nɛ jeha nɛ ɔ a be e nɔ nae gblegbleegblee.

Marko 13:19

Se jamɛ a be ɔ mi ɔ, he hiami nɛ a nɛ́ e nɔ eko hyɛ kɛ je je nɛ Mawu bɔ ɔ sisije hluu kɛ ba su mwɔnɔmwɔnɔ maa ba, nɛ jeha nɛ ɔ hu a be e nɔ nae hu.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

Romabi 5:3

Pi enɛ ɔ kɛkɛ, se mohu wa fiaa ngɛ dengme gbomihi a mi hulɔ, ejakaa wa le kaa dengme gbomi ɔ tsɛɛ tsui si tomi kɛ baa,

1 Korintobi 6:11

Sa a, nyɛ ti ni komɛ ngɛ kikɛ; se jahanɛ a du nyɛ he, nɛ a kpale tsukɔ nyɛ he, nɛ a wo nyɛ nguɔ hulɔ ngɛ Nyɔmtsɛ Yesu Kristo biɛ kɛ wa Mawu ɔ Mumi ɔ mi.

2 Tesalonikabi 1:4

lɔ ɔ he ɔ, wɔ nitsɛmɛ tete wa fiaa ngɔ fɔɔ nyɛ nɔ ngɛ Mawu asafo ɔmɛ a mi, ngɛ nyɛ tsui si tomi kɛ nyɛ hemi kɛ yemi nɛ nyɛ hɛɛ ngɛ nyɛ yi mi nɛ a waa kɛ nyɛ nɔ namihi nɛ nyɛ miaa nyɛ hɛ mi ngɛ mi ɔmɛ a he.

Hebribi 13:12

Lɔ ɔ he ɔ Yesu hu, benɛ pee nɛ e kɛ lɛ nitsɛ e muɔ ɔ nɛ tsukɔ ma a he ɔ, a gbo ɔ se e na amanehlu ɔ ngɛ.

Hebribi 9:14

si nyɛmɛ nɔuu nɛ Kristo, nɛ gu neneene mumi ɔ nɔ ngɔ e he nɛ piami ko be he ngɔ ha Mawu ɔ muɔ be wa he ni lemi he fɔe kɛ je ni tsumi gbogboehi a mi, konɛ wa sɔmɔ Mawu hɛ kalɔ ɔ?

1 Petro 1:19

se mohu, Kristo, nɔ nɛ ngɛ kaa to bi nɛ he be piami loo mu ko ɔ muɔ nɛ he jua wa a.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Kpojemi 12:11

Nɛ mɛɛ lɛɛ, Tobi ɔ muɔ ɔ kɛ mɛ nitsɛmɛ a odase yemi munyu ɔ, a kɛ ye e nɔ, nɛ a klɔɛ mɛ nitsɛmɛ a wami he kɛ ya su gbenɔ mi tete.

Kpojemi 15:2

Kɛkɛ nɛ i na nɔ́ ko nɛ ngɛ kaa wo nɛ ngɛ kaa ahuhuɛ nɛ a kɛ la futu mi, nɛ ninɛmɛ nɛ ye lohwe ɔ kɛ e maga a kɛ e kadi ɔ kɛ e biɛ ɔ yibɔ ɔ nɔ kunimi ɔ daa si ngɛ wo nɛ ngɛ kaa ahuhuɛ ɔ nya, nɛ a hɛɛ Mawu saku ɔmɛ.

Kpojemi 17:6

Nɛ i na yo ɔ kaa klɔuklɔu bi ɔmɛ a muɔ ɔ kɛ Yesu he odase yeli ɔmɛ a muɔ ɔ de lɛ da. Benɛ i na lɛ ɔ ye nya kpɛ ye he wawɛɛ nitsɛ.

Kpojemi 2:9

I le o ni tsumi ɔmɛ kɛ o dengme gbomi ɔmɛ kɛ o hia a, — se kɛ ɔ niatsɛ ji mo — nɛ i le ni yayahi nɛ nihi nɛ deɔ ke Yudafohi ji mɛ se a pi ja se mohu a ji Satan kpe mi bimɛ ɔ deɔ ngɛ o he ɔ.

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Kpojemi 7:9

Enɛ ɔ se ɔ i hyɛ, nɛ oʼɛ, nimli asafo nɛ nɔ ko nɔ ko be nyɛe maa kane nɛ je je mi ma tsuaa je mi ma kɛ wɛtsohi kɛ mahi kɛ mahi a nɔ gbihi a mi nɛ a daa si ngɛ matsɛ sɛ ɔ hɛ mi kɛ Tobi ɔ hɛ mi, nɛ a wo tade hiɔ, nɛ a hɛɛ tã kuɔmihi ngɛ a dɛ,