Kpojemi 7:11 - Somi He Ɔ

¹¹ Nɛ bɔfo ɔmɛ tsuo daa si ngɛ matsɛ sɛ ɔ kɛ nikɔtɔmahi hɛ kali eywiɛ ɔmɛ a he kɛ kpe, nɛ a kɛ a hɛ mi bu si ngɛ matsɛ sɛ ɔ hɛ mi, nɛ a ja Mawu

BAIBLO ALOO NGMAMI KLƆUKLƆU Ɔ

¹¹ Bɔfo ɔmɛ tsuo daa si kɛ bɔle matsɛ sɛ ɔ, kɛ nikɔtɔma amɛ, kɛ hɛ kali eywiɛ ɔmɛ. Kɛkɛ nɛ a ngɔ a hɛ mi ngɔ bu si ngɛ matsɛ sɛ ɔ hɛ mi, nɛ a ja Mawu,

Kpojemi 7:11 ပူးပေါင်းရင်းမြစ်များ

Kpojemi 4:10

nikɔtɔmahi nyingmi enyɔ kɛ eywiɛ ɔ buɔ si ngɛ nɔ nɛ hii si ngɛ matsɛ sɛ ɔ nɔ ɔ hɛ mi, nɛ a ngɛ nɔ nɛ hɛ ngɛ kɛ je neneene kɛ yaa neneene ɔ jae, nɛ a sakee a jlasi ɔmɛ ngɔ pueɔ matsɛ sɛ ɔ hɛ mi nɛ a deɔ ke:

Kpojemi 4:6

Nɛ nɔ́ ko kaa ahuhuɛ wo nɛ hɛ mi tsɔ kaa kristolo ngɛ matsɛ sɛ ɔ hɛ mi, nɛ hɛ kali eywiɛ nɛ hɛngmɛhi hyi a hɛ mi kɛ a se tɔtɔɔtɔ ngɛ matsɛ sɛ ɔ kpɛti kɛ e he kulaa.

Kpojemi 11:16

Kɛkɛ nɛ nikɔtɔmahi nyingmi enyɔ kɛ eywiɛ nɛ hii si ngɛ a matsɛ sɛ ɔmɛ a nɔ ngɛ Mawu hɛ mi ɔ kɛ a hɛ mi bu si, nɛ a ja Mawu

Kpojemi 4:4

Nɛ matsɛ sɛ ɔ he ɔ, matsɛ sɛhi nyingmi enyɔ kɛ eywiɛ bɔle lɛ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ sɛ ɔmɛ a nɔ; sa wo tade hiɔhi, nɛ sika jlasi fi a yi.

Hebribi 1:6

Nɛ benɛ e kɛ e bi Tete ɔ ma je ɔ mi ɔ, e kpale de ke: “Ha Mawu bɔfo ɔmɛ kulaa nɛ a ja lɛ.”

Yohane 5:23

konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

Mateo 4:10

Kɛkɛ nɛ Yesu de lɛ ke: “Jee ye nɔ, Satan! ejakaa a ngma ke: ‘Nyɔmtsɛ, o Mawu ɔ, o ja, nɛ lɛ kɛkɛ o sɔmɔ!’ ”

Kpojemi 22:9

Nɛ e de mi ke: “Koo pee! ejakaa o nyɛmi sɔmɔlɔ kɛ gbali kɛ nihi nɛ toɔ kikɛmɛ a womi nɛ mi munyu ɔmɛ a kpɛti nɔ ko ji mi; ja Mawu mohu!”

Kpojemi 15:4

Mɛnɔ po lɛ be mo gbeye yee Nyɔmtsɛ, Nɛ e be o biɛ ɔ hɛ mi nyami woe? Ejakaa mo o nɔ kake too ji nɔ klɔuklɔu. Nɛ je ma amɛ kulaa maa ba nɛ a ba ja ngɛ o hɛ mi, Ejakaa a je o dami ni ɔmɛ a si paa.”

Kpojemi 4:8

Nɛ hɛkali eywiɛ ɔmɛ a ti nɔ tsuaa nɔ ngɛ ple ekpa ekpa, nɛ a he kɛ a mi tsuo hyi tɔtɔɔtɔ kɛ hɛngmɛ sɔuu, nɛ a jɔɔ we lami nyɔ kɛ pia ke: “Klɔuklɔu, klɔuklɔu, klɔuklɔu ji Nyɔmtsɛ Mawu Ope, Nɔ nɛ ngɛ sa a, kɛ nɔ nɛ ngɛ ɔ, kɛ nɔ nɛ maa ba a.”