Kpojemi 7:10 - Somi He Ɔ

¹⁰ nɛ a kpa ngmlaa wawɛɛ ke: “Yi wami hemi ɔ ji wa Mawu nɛ hii si ngɛ matsɛ sɛ ɔ nɔ ɔ kɛ Tobi ɔ nɔ́!”

BAIBLO ALOO NGMAMI KLƆUKLƆU Ɔ

¹⁰ Nɛ mɛ tsuo a kpa ngmlaa wawɛɛ ke, “Wa Mawu ɔ nɛ hii si ngɛ matsɛ sɛ ɔ nɔ ɔ, kɛ To bi ɔ pɛ ji ni nɛmɛ nɛ heɔ nɔ yi wami.”

Kpojemi 7:10 ပူးပေါင်းရင်းမြစ်များ

Kpojemi 19:1

Ni nɛ ɔmɛ a se ɔ, i nu gbi ngua nɛ ngɛ kaa nimli asafo babauu gbi ngɛ hiɔwe nɛ ngɛ dee ke: “Haleluya! Yi wami hemi kɛ hɛ mi nyami kɛ agboje kɛ he wami ɔ ji Nyɔmtsɛ wa Mawu ɔ nɔ!

Kpojemi 12:10

Nɛ i nu gbi ngua ko ngɛ hiɔwe ke: “Jehanɛ yi wami hemi ɔ kɛ he wami ɔ kɛ matsɛ yemi ɔ plɛ wa Mawu ɔ nɔ, nɛ a kɛ he blɔ ɔ ha e Kristo (nɔ nɛ a pɔ lɛ nu) ɔ, ejakaa a sake wa nyɛmimɛ ɔmɛ a nya polɔ ɔ nɛ poo a nya ngɛ wa Mawu ɔ hɛ mi nyɔ kɛ pia a ngɔ fɔ he.

Kpojemi 22:3

Nɛ musu ko musu ko be lejɛ ɔ hu. Mawu kɛ Tobi ɔ matsɛ sɛ ɔ maa ma si ngɛ e mi, nɛ e sɔmɔli ɔmɛ ma sɔmɔ lɛ,

Efesobi 2:8

Ejakaa dloomi a kɛ he nyɛ yi wami kɛ gu hemi kɛ yemi nɔ, nɛ enɛ ɔ lɛɛ, pi nyɛ mi nɛ e je, Mawu nɔke nɔ ʼi,

Yohane 1:29

E nɔ je na a, Yohane na Yesu ma e ngɔ nɛ e ke: “Oʼɛ Mawu To bi ɔ nɛ woɔ je ɔ he yayami ɔ kɛ yaa a!

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke: “Oʼɛ, i ngɛ nihi kulaa ehe pee.” Nɛ e de mi ke: “Ngmaa, ejakaa kikɛmɛ a munyuhi nɛ ɔmɛ ji munyuhi nitsɛ nɛ maa si kpɛii.

Luka 3:6

Nɛ he lo tsuo kulaa maa na Mawu yiwami hemi ɔ.’ ”

Kpojemi 5:7

Nɛ Tobi ɔ ba, nɛ e ba he womi kpo ɔ kɛ je nɔ nɛ hii si ngɛ matsɛ sɛ ɔ nɔ ɔ hiɛ ɔ nine mi.

Kpojemi 4:6

Nɛ nɔ́ ko kaa ahuhuɛ wo nɛ hɛ mi tsɔ kaa kristolo ngɛ matsɛ sɛ ɔ hɛ mi, nɛ hɛ kali eywiɛ nɛ hɛngmɛhi hyi a hɛ mi kɛ a se tɔtɔɔtɔ ngɛ matsɛ sɛ ɔ kpɛti kɛ e he kulaa.

Yohane 4:22

Nyɛɛ lɛɛ, nyɛ li nɔ́ nɛ nyɛ ngɛ jae ɔ; wɔɔ lɛɛ, wa le nɔ́ nɛ wa ngɛ jae ɔ, ejakaa yi wami hemi ɔ, Yudafo ɔmɛ a ngɔ e je.

Yohane 1:36

nɛ bene Yesu bee ɔ, e hyɛ lɛ nɛ e ke: “Oʼɛ Mawu lo Bi ɔ!”