Kpojemi 6:9 - Somi He Ɔ

⁹ Kɛkɛ nɛ Tobi ɔ tsɔ nya sɔumi nɔ́ nɛ ji enuɔ ɔ, nɛ i na nihi nɛ a gbe ngɛ Mawu munyu ɔ kɛ odase nɛ a ye ɔ he ɔ a klaahi ngɛ bɔsami latɛ ɔ sisi;

BAIBLO ALOO NGMAMI KLƆUKLƆU Ɔ

⁹ Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Kpojemi 6:9 ပူးပေါင်းရင်းမြစ်များ

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.

Yohane 16:2

A maa fie nyɛ kɛ maa je kpe he ɔmɛ. Nɛ be maa ba tete nɛ nɔ tsuaa nɔ nɛ gbee nyɛ ɔ a ma susu kaa e kɛ ngɛ Mawu jae.

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

Kpojemi 2:13

I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

2 Timoteo 1:8

Lɔ ɔ he ɔ, zo ko pee mo ngɛ wa Nyɔmtsɛ ɔ he odase yemi ɔ he aloo ngɛ imi nɛ i ji e pa mi no ɔ he, se mohu o kɛ mi gbo dengme ngɛ sane kpakpa a he ngɛ Mawu he wami nya.

Kpojemi 16:7

Kɛkɛ nɛ i nu nɛ bɔ sami latɛ ɔ ngɛ dee ke: “Ee, Nyɔmtsɛ Mawu Ope, anɔkuale kɛ dami ji o kojomi ɔmɛ ɔ nɛ.”

Kpojemi 14:18

Nɛ bɔfo kpa ko je kpo kɛ je bɔ sami latɛ ɔ mi, nɔ nɛ ngɛ la nɔ he wami, nɛ e kpa ngmlaa kɛ tsɛ nɔ nɛ hɛɛ ha nɛ nya ba a ke: “O kɛ o ha nɛ nya ba a nɛ wo mi nɛ o poo nɛ o bua zugba a nɔ wai yiblii sawe ɔmɛ a nya, ejakaa wai yiblii ɔ fu.”

Kpojemi 1:2

nɔ nɛ ye Mawu munyu ɔ kɛ Yesu Kristo odase ɔ he odase ngɛ nihi tsuo nɛ e na a he ɔ.

Filipibi 1:23

i ngɛ haoe ngɛ ni enyɔ nɛ ɔmɛ a he: I ngɛ hlae nɛ ma je je nɛ ɔ mi nɛ i kɛ Kristo ya hi si, ejakaa kɔlɔ ɔ hi hluu.

2 Korintobi 5:8

se wa ngɛ tsui, nɛ e sa wa hɛ mi mohu kaa waa doma kɛ je nɔmlɔ tso nɛ ɔ mi, nɛ wa ya hi we ngɛ Nyɔmtsɛ ɔ ngɔ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Kpojemi 8:3

Nɛ hiɔwe bɔfo kpa ko ba nɛ e ba da bɔ sami latɛ ɔ he, nɛ e hɛɛ sika tsopa ke e he via sami nɔ́, nɛ a ha lɛ tsopa kɛ e he via fuu konɛ e kɛ piɛ klɔuklɔu bi ɔmɛ kulaa a sɔlemi ɔmɛ a he ngɛ sika bɔ sami latɛ nɛ maa si ngɛ matsɛ sɛ ɔ hɛ mi ɔ nɔ.

2 Timoteo 4:6

Ejakaa ami lɛɛ, a ngɛ ye muɔ plee kɛ ngɛ si puee mo kaa bɔ, nɛ ye jemi be ɔ su.

Kpojemi 9:13

Kɛkɛ nɛ hiɔwe bɔfo nɛ ji ekpa a kpa e titimati ɔ, nɛ i nu gbi ko kɛ je sika tsu bɔ sami latɛ nɛ maa si ngɛ Mawu hɛ mi ɔ kolohi eywiɛ ɔmɛ a mi

Filipibi 2:17

Se ke a plɛ ye muɔ ngɔ pue nyɛ hemi kɛ yemi bɔ kɛ jami ɔ nɔ po ɔ, i ngɛ he tsui nɛ i kɛ nyɛ tsuo ma na bua jɔmi;

Hebribi 12:23

kɛ kekleekle bimɛ nɛ a ngma a biɛ ngɛ hiɔwe, kɛ Mawu nɛ ji nihi kulaa a kojolɔ ɔ, kɛ dali nɛ hi kɛ pi si ɔmɛ a mumi ɔmɛ,