Kpojemi 6:5 - Somi He Ɔ

⁵ Nɛ benɛ Tobi ɔ tsɔ nya sɔumi nɔ́ nɛ ji etɛ ɔ, i nu nɛ hɛ kalɔ nɛ ji etɛ ɔ de ke: “Ba nɛ o ba hyɛ!” I hyɛ, nɛ oʼɛ, okpɔngɔ yumu, nɛ nɔ nɛ hii si ngɛ e nɔ ɔ hɛɛ sɛni ngɛ e dɛ mi.

BAIBLO ALOO NGMAMI KLƆUKLƆU Ɔ

⁵ Jehanɛ ɔ, To bi ɔ tsɔ nya sɔumi nɔ́ etɛne ɔ, nɛ i nu nɛ hɛ kalɔ etɛne ɔ de ke, “Ba!” Nɛ́ i ke i hyɛɛ ɔ, okpɔngɔ yumu ko ji nɛ ɔ, nɛ nɔ nɛ hii si ngɛ nɔ ɔ hɛɛ sɛni ngɛ e dɛ mi.

Kpojemi 6:5 ပူးပေါင်းရင်းမြစ်များ

Kpojemi 6:1

Kɛkɛ nɛ i na kaa Tobi ɔ tsɔ nya sɔumi kpaago ɔ kake; nɛ i nu kaa hɛ kali eywiɛ ɔmɛ a kpɛti nɔ kake kɛ gbi nɛ ngɛ kaa hiɔwe simi de ke: “Ba nɛ o ba hyɛ!”

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Kpojemi 5:5

Kɛkɛ nɛ nikɔtɔma amɛ a ti nɔ kake de mi ke: “Ko fo ya! oʼɛ jata a nɛ je Yuda wɛtso ɔ mi ɔ, nɔ nɛ ji David nina a, ye kunimi, nɛ e bli womi ɔ nya, nɛ e tsɔ e nya sɔumi ni kpaago ɔ.”

Mateo 24:7

Ejakaa ma maa te si ngɔ wo ma, nɛ matsɛ yemi maa te si ngɔ wo matsɛ yemi; nɛ hwɔ kɛ zugba mimiɛmi maa ba hehi slɔɔtohi tsuo.