Kpojemi 6:16 - Somi He Ɔ

¹⁶ nɛ fa de yoku ɔmɛ kɛ tɛ sa amɛ ke: “Nyɛ ba nɔ wa nɔ nɛ nyɛɛ laa wɔ kɛ je nɔ nɛ hii si ngɛ matsɛ sɛ ɔ nɔ ɔ hɛ mi kɛ Tobi ɔ mi mi fumi ɔ nya.

BAIBLO ALOO NGMAMI KLƆUKLƆU Ɔ

¹⁶ A de yo ɔmɛ, kɛ tɛ sa amɛ ke, “Nyɛ ba ha wa nɔ, konɛ nɔ nɛ hii si ngɛ matsɛ sɛ ɔ nɔ ɔ ko na wɔ, nɛ́ To bi ɔ hu ko gbla wa tue!

Kpojemi 6:16 ပူးပေါင်းရင်းမြစ်များ

Mateo 26:64

Yesu de lɛ ke: “Jã o de ɔ nɛ! Se i ngɛ nyɛ dee ke: Kɛ je be nɛ ɔ kɛ yaa a, nyɛ maa na Nɔmlɔ Bi ɔ kaa e hii si ngɛ he wami ɔ hiɛ ɔ nɔ, nɛ e ma ngɛ hiɔwe bɔku ɔmɛ a mi.”

Marko 3:5

Yesu kɛ abofu hyɛ a hɛ mi kɛ kpe; se lɛ be ɔ mi nɔuu ɔ, e dɔ lɛ kaa a tsui wa kikɛ; kɛkɛ nɛ e de nyumu ɔ ke: “Kpa o nine ɔ mi!” E kpa mi nɛ a tsa e nine ɔ.

Luka 23:30

Lɛ be ɔ mi ɔ, a ma bɔni yo ɔmɛ demi ke: ‘Nyɛ ba nɔ wa nɔ!’ kɛ yoku ɔmɛ hu ke: ‘Nyɛ ba ha wa nɔ!’

Kpojemi 10:6

nɛ e tsɛ nɔ nɛ hɛ ngɛ kɛ je neneene kɛ yaa neneene nɛ bɔ hiɔwe kɛ nihi nɛ ngɛ mi ɔ kɛ zugba kɛ nihi nɛ ngɛ mi ɔ kɛ wo kɛ nihi nɛ ngɛ mi ɔ nɛ e kɛ ka kita ke: “Be ko be ko be hu!

Kpojemi 19:15

Nɛ klaate nɛ nya ba ngɛ e nya mi jee konɛ e kɛ kɔlɔ ɔ nɛ fia majeli a bimɛ ɔmɛ ni; nɛ e kɛ dade tso nɛ kpaka mɛ. Nɛ lɛ nɔuu e maa naa Mawu Ope ɔ mi mi fumi nɛ nya wa a wai ngami nɔ ɔ nɔ.

Kpojemi 20:11

Kɛkɛ nɛ i na matsɛ sɛ hiɔ ngua ko, kɛ nɔ nɛ hii si ngɛ nɔ ɔ, nɛ zugba kɛ hiɔwe tu fo ngɛ e hɛ mi, nɛ a nɛ blɔ ha mɛ.

Kpojemi 4:2

Nɛ amlɔ ɔ Mumi ɔ ba ye nɔ, nɛ oʼɛ, matsɛ sɛ ko maa si ngɛ hiɔwe, nɛ nɔ ko hii si ngɛ matsɛ sɛ ɔ nɔ.

Kpojemi 4:5

Nɛ oslaba gbami kɛ gbi kɛ hiɔwe simi je matsɛ sɛ ɔ mi, nɛ la hahi kpaago nɛ ngɛ tsoe nɛ ji Mawu mumihi kpaago ɔ ngɛ matsɛ sɛ ɔ hɛ mi.

Kpojemi 4:9

Nɛ benɛ hɛ kali ɔmɛ ngɔ nyami kɛ agboje kɛ sina kɛ ngɛ nɔ nɛ hii si ngɛ matsɛ ɔ nɔ nɛ hɛ ngɛ kɛ je neneene kɛ yaa neneene ɔ hae ɔ,

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɛ ɔ nɔ, nɛ a ngma ni ngɛ e mi kɛ e se tsuo, nɛ a sɔu nya kɛ nya sɔumi ni kpaago.

Kpojemi 6:10

nɛ a kpa ngmlaa wawɛɛ ke: “Nyɔmtsɛ Klɔuklɔu kɛ Anɔkuayelɔ, mɛni be o maa kojo nɛ o maa gbla nihi nɛ ngɛ zugba a nɔ nɛ gbe wɔ ɔmɛ a tue?”

Kpojemi 9:6

Lɛ hlami enuɔ nɛ ɔ mi ɔ, nimli ma hia gbenɔ, se a be nae, nɛ a maa suɔ kaa a ko gbo, se gbenɔ maa tu a nya fo.