Kpojemi 6:12 - Somi He Ɔ

¹² Nɛ i na benɛ Tobi ɔ tsɔ nya sɔumi nɔ́ nɛ ji ekpa a, nɛ oʼɛ, zugba mimiɛ wawɛɛ, nɛ pu plɛ kaa kpekpe kotoku yumu, nɛ nyɔhiɔ mluku ɔ plɛ kaa muɔ,

BAIBLO ALOO NGMAMI KLƆUKLƆU Ɔ

¹² Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Kpojemi 6:12 ပူးပေါင်းရင်းမြစ်များ

Mateo 24:29

“Se jamɛ a ligbi ɔmɛ a nɔ he hiami ɔmɛ a se ɔ, e be kee nɛ pu maa tsɔ diblii, nɛ nyɔhiɔ be kpee hu, nɛ dodoehi ma tsɔ kɛ maa je hiɔwe ngɔ fia si, nɛ hiɔwe he wami ɔmɛ ma mimiɛ.

Kpojemi 16:18

Nɛ oslaba kɛ pɛmi kɛ hiɔwe simi ba, nɛ zugba mimiɛ wawɛɛ, bɔ nɛ kɛ je be nɛ nimli ba zugba a nɔ nɛ ɔ, a nɛ́ jamɛ a zugba mimiɛmi ngua nɛ ngɛ kaa enɛ hyɛ.

Kpojemi 11:13

Nɛ lɛ ngmlɛfia a nɔ nɔuu ɔ, zugba mimiɛ wawɛɛ, nɛ ma a mi dlami nyɔngma mi kake hule, nɛ zugba mimiɛmi ɔ mi ɔ, a gbe nimli akpe kpaago. Ninɛmɛ nɛ piɛ ɔ ye gbeye, nɛ a ngɔ hɛ mi nyami ngɔ ha hiɔwe Mawu ɔ.

Kpojemi 8:5

Nɛ hiɔwe bɔfo ɔ wo tsopa kɛ e he via sami nɔ́ ɔ, nɛ e je bɔ sami latɛ ɔ nɔ la a eko ngɔ wo mi tɔtɔɔtɔ, nɛ e ngɔ hɛ pue zugba a nɔ, nɛ hiɔwe simi kɛ gbihi kɛ oslaba gbami kɛ zugba mimiɛmi ba.

Mateo 24:7

Ejakaa ma maa te si ngɔ wo ma, nɛ matsɛ yemi maa te si ngɔ wo matsɛ yemi; nɛ hwɔ kɛ zugba mimiɛmi maa ba hehi slɔɔtohi tsuo.

Marko 15:33

Nɛ benɛ su ngmlɛ nyɔngma kɛ enyɔ ɔ, diblii wo ngɛ zugba a tsuo nɔ kɛ ya si ngmlɛ etɛ mi.

Mateo 28:2

Nɛ oʼɛ, zugba mimiɛ wawɛɛ, ejakaa Nyɔmtsɛ ɔ bɔfo je hiɔwe kple si, nɛ e ba kpɛne tɛ ɔ kɛ je muɔ ɔ nya kɛ ya se, nɛ e ho hi nɔ.

Mateo 27:54

Se benɛ aslaafohi lafa a nyatsɛ ɔ kɛ nihi nɛ kɛ lɛ ngɛ Yesu he bue ɔ, na zugba mimiɛmi ɔ kɛ nihi nɛ a pee ɔ, a ye gbeye wawɛɛ, nɛ a ke: “Niinɛ, Mawu bi ji nɛ ɔ nɛ!”

Mateo 27:45

Se kɛ je piani ngmlɛ nyɔngma kɛ enyɔ kɛ ya su ngmlɛ etɛ ɔ, diblii wo ngɛ zugba a tsuo nɔ.

Mateo 11:21

“Musu tloo mo, Korazin! Musu tloo mo, Betsaida! Ejakaa he wami ni tsumihi nɛ a tsu ngɛ nyɛ mi ɔ, a na nɛ a tsu ngɛ Tiro kɛ Zidon jinɛ a tsake a tsui ngɛ kpekpe kɛ lazu mi momoomo.

Kpojemi 8:12

Nɛ hiɔwe bɔfo nɛ ji eywiɛ ɔ kpa, nɛ a fia pu mi dlami etɛ mi kake kɛ nyɔhiɔ mi dlami etɛ mi kake kɛ dodoehi a mi dlami etɛ mi kake nɔ́, nɛ a mi dlami etɛ mi kakaaka a wo diblii, nɛ piani mi dlami etɛ mi kake ɔ, je mi tsɔ we nɛ nyɔ mi hu ja kɛ.

Kpojemi 16:8

Nɛ hiɔwe bɔfo nɛ ji eywiɛ ɔ plɛ e tsinesa a mi ni ɔmɛ ngɔ pue pu ɔ nɔ; nɛ a ha lɛ he wami nɛ e kɛ la nɛ sa nimli.