Kpojemi 5:9 - Somi He Ɔ

⁹ Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

BAIBLO ALOO NGMAMI KLƆUKLƆU Ɔ

⁹ Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Kpojemi 5:9 ပူးပေါင်းရင်းမြစ်များ

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

Mateo 26:28

Ejakaa enɛ ɔ ji ye muɔ nɛ ji somi ɔ nɔ ɔ nɛ a plɛ pue si ngɛ nihi fuu a he ha yayami pami.

Ni Tsumi 20:28

Lɔ ɔ he ɔ nyɛɛ le nyɛ he nɔ hyemi kɛ tohi a kuu ɔ kulaa nɛ Mumi Klɔuklɔu wo nyɛ a nɔ hyɛli ɔ, konɛ nyɛɛ lɛ Mawu asafo ɔ nɛ e kɛ lɛ nitsɛ e muɔ he ɔ.

1 Korintobi 6:20

Ejakaa a he nyɛ kɛ jua wawɛ. Lɔ ɔ he ɔ, nyɛɛ kɛ nyɛ nɔmlɔ tso ɔ nɛ wo Mawu hɛ mi nyami.

1 Korintobi 7:23

A he nyɛ kɛ jua wawɛ; nyɛ ko pee nyɛ he nimli a nyɔguɛhi.

Efesobi 1:7

Ejakaa Kristo mi nɔuu wa na kpɔmi ɔ ngɛ nɛ ji yayamihi a pami ɔ, ngɛ e muɔ ɔ he ngɛ e dloomi hiɛmi ɔ nyɛ,

Efesobi 5:19

Nyɛɛ kɛ nyɛ he nɛ tu munyu ngɛ saku fiami kɛ yi jemi lahi kɛ mumi mi lahi a mi; nyɛ la nɛ nyɛɛ fia saku ngɛ nyɛ tsui mi ha Nyɔmtsɛ ɔ.

Kolosebi 1:14

lɛ nɔuu e mi wa na kpɔmi ɔ nɛ ji wa he yayami pami ɔ ngɛ, ngɛ e muɔ ɔ he.

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Hebribi 11:14

Ejakaa nihi nɛ deɔ jamɛ a ni ɔmɛ ɔ, a tsɔɔ faii kaa a ngɛ mɛ nitsɛmɛ a ma hlae.

2 Petro 2:1

Lakpa gbali te si hyɛ ngɛ Israelbi ɔmɛ a kpɛti, kaa bɔ nɔuu nɛ lakpa tsɔɔli maa ba nyɛ hu nyɛ kpɛti ɔ. A kɛ hɛ mi kpatami tsɔɔmihi ma ba hɔ mi zaa, nɛ Nyɔmtsɛ ɔ nɛ kpɔ mɛ ɔ po, a ma kua lɛ, nɛ a kɛ hɛ mi kpatami nɛ he ngɛ oya maa ba mɛ nitsɛmɛ a nɔ.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

1 Yohane 2:2

iɛ ji wa he yayami ɔmɛ a he kpatami nɔ́; se pi ngɛ wa nɔ́ ɔ kɛkɛ he, se mohu je mluku ɔ tsuo nɔ́ ɔ he hulɔ.

Kpojemi 10:11

Nɛ e de mi ke: “E sa kaa o gba ekohu ngɛ nimli kɛ majamaje kɛ mahi a nɔ gbihi kɛ matsɛmɛ fuu a he.”

Kpojemi 11:9

Nɛ ma amɛ kɛ wɛtso ɔmɛ kɛ gbihi slɔɔto ɔmɛ kɛ majemaje li ɔmɛ a ti ni komɛ maa hyɛ a gbogboe ɔmɛ ligbi etɛ̃ kɛ fa, nɛ a be kplɛe nɛ a pu mɛ.

Kpojemi 13:7

Nɛ a ha lɛ he blɔ nɛ e kɛ klɔuklɔu bi ɔmɛ nɛ hwu ta nɛ e ye a nɔ, nɛ a ha lɛ he blɔ ngɛ wɛtso tsuaa wɛtso kɛ ma tsuaa ma kɛ mahi a nɔ gbihi tsuo kɛ je ma tsuaa je ma nɔ.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Kpojemi 14:6

Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

Kpojemi 15:3

Nɛ a la Mawu tsɔlɔ Mose la a kɛ Tobi ɔ la a ke: “Nyɔmtsɛ Mawu Ope, O ni tsumi ɔmɛ kle, nɛ a ngɛ nyakpɛ! Mo je ma amɛ a nɔ matsɛ, O blɔ ɔmɛ da, nɛ anɔkuale ji mɛ.

Kpojemi 17:15

Nɛ hiɔwe bɔfo ɔ de mi ke: “Nyu ɔ nɛ o na nɛ yo ajuama a hii si ngɛ nɔ ɔ ji mahi kɛ asafohi kɛ je mahi kɛ mahi a nɔ gbihi.

Kpojemi 4:11

“Wa Nyɔmtsɛ kɛ wa Mawu, mo ji nɔ nɛ sa kaa O ngɔ hɛ mi nyami kɛ agboje kɛ he wami ɔ Ejakaa mo lɛ ɔ bɔ nihi kulaa, Nɛ o suɔmi nya a ngɛ nɛ a bɔ mɛ ngɛ.”

Kpojemi 5:12

nɛ a kɛ gbi ngua de ke: “Tobi nɛ a gbe ɔ, Sa nɛ e ngɔ he wami kɛ ni nami Kɛ ni lemi kɛ nyɛmi kɛ agboje kɛ hɛ mi nyami kɛ gbaami.”

Kpojemi 5:6

Nɛ i hyɛ nɛ oʼɛ, matsɛ sɛ ɔ kɛ hɛ kali eywiɛ ɔmɛ a kpɛti, kɛ nikɔtɔmahi nyingmi enyɔ kɛ eywiɛ ɔmɛ a kpɛti ɔ, Tobi ko daa si kaa nɔ nɛ a gbe lɛ, nɛ e ngɛ koli kpaago kɛ hɛngmɛ kpaago nɛ ji Mawu mumi kpaago ɔ nɛ a tsɔ kɛ ya zugba a tsuo nɔ ɔ.