Kpojemi 4:6 - Somi He Ɔ

⁶ Nɛ nɔ́ ko kaa ahuhuɛ wo nɛ hɛ mi tsɔ kaa kristolo ngɛ matsɛ sɛ ɔ hɛ mi, nɛ hɛ kali eywiɛ nɛ hɛngmɛhi hyi a hɛ mi kɛ a se tɔtɔɔtɔ ngɛ matsɛ sɛ ɔ kpɛti kɛ e he kulaa.

BAIBLO ALOO NGMAMI KLƆUKLƆU Ɔ

⁶ Nɔ́ ko hu nɛ ngɛ kaa wo, nɛ ngɛ kpɛe kaa ahuhuɛ nɛ a tsɛɛ kristolo ɔ ngɛ matsɛ sɛ ɔ hɛ mi. Hɛ kali eywiɛ daa si kɛ bɔle matsɛ sɛ ɔ kɔ nya amɛ tsuo a he kɛ kpe, nɛ a hɛ mi, kɛ a se tsuo hɛngmɛ sɔuu.

Kpojemi 4:6 ပူးပေါင်းရင်းမြစ်များ

Kpojemi 15:2

Kɛkɛ nɛ i na nɔ́ ko nɛ ngɛ kaa wo nɛ ngɛ kaa ahuhuɛ nɛ a kɛ la futu mi, nɛ ninɛmɛ nɛ ye lohwe ɔ kɛ e maga a kɛ e kadi ɔ kɛ e biɛ ɔ yibɔ ɔ nɔ kunimi ɔ daa si ngɛ wo nɛ ngɛ kaa ahuhuɛ ɔ nya, nɛ a hɛɛ Mawu saku ɔmɛ.

Kpojemi 5:6

Nɛ i hyɛ nɛ oʼɛ, matsɛ sɛ ɔ kɛ hɛ kali eywiɛ ɔmɛ a kpɛti, kɛ nikɔtɔmahi nyingmi enyɔ kɛ eywiɛ ɔmɛ a kpɛti ɔ, Tobi ko daa si kaa nɔ nɛ a gbe lɛ, nɛ e ngɛ koli kpaago kɛ hɛngmɛ kpaago nɛ ji Mawu mumi kpaago ɔ nɛ a tsɔ kɛ ya zugba a tsuo nɔ ɔ.

Kpojemi 14:3

Nɛ a ngɛ Ta he ko lae ngɛ matsɛ sɛ ɔ hɛ mi kɛ hɛ kali eywiɛ kɛ nikɔtɔma amɛ a hɛ mi; nɛ nɔ ko nyɛ we la a nɛ e kase, ja nimli akpe lafa nyingmi eywiɛ kɛ eywiɛ ɔ nɛ a kpɔ kɛ je zugba a nɔ ɔ kɛkɛ.

Kpojemi 19:4

Nɛ nikɔtɔmahi nyingmi enyɔ kɛ eywiɛ ɔ kɛ hɛ kali eywiɛ ɔ bu si nɛ a ja Mawu nɛ hii si ngɛ matsɛ sɛ ɔ nɔ ɔ, nɛ a ke: “Amen, Haleluya!”

Kpojemi 5:14

Nɛ hɛ kali eywiɛ ɔ ke: “Amen.” Nɛ nikɔtɔma amɛ bu si, nɛ a ja nɔ nɛ hɛ ngɛ kɛ je neneene kɛ yaa neneene ɔ.

Kpojemi 7:11

Nɛ bɔfo ɔmɛ tsuo daa si ngɛ matsɛ sɛ ɔ kɛ nikɔtɔmahi hɛ kali eywiɛ ɔmɛ a he kɛ kpe, nɛ a kɛ a hɛ mi bu si ngɛ matsɛ sɛ ɔ hɛ mi, nɛ a ja Mawu

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Kpojemi 21:11

nɛ ye hɛɛ Mawu hɛ mi nyami ɔ; nɛ e ngɛ kpee kaa tɛ nɛ he jua wa pe kulaa, kaa yaspi tɛ nɛ mi tsɔ kaa kristalo ahuhuɛ.

Kpojemi 15:7

Nɛ hɛ kali eywiɛ ɔmɛ a ti nɔ kake ngɔ sika tsinesa kpaago nɛ a hyi tɔtɔɔtɔ kɛ Mawu nɛ hɛ ngɛ kɛ yaa neneene kɛ neneene ɔ mi mi la a ngɔ ha hiɔwe bɔfohi kpaago ɔ.

Kpojemi 21:21

Nɛ agbohi nyɔngma kɛ enyɔ ɔ, adiagba nyɔngma kɛ enyɔ ʼi, nɛ agbo kake ɔ adiagba kake a kɛ pee. Nɛ ma a mi blɔ ɔ sika tsu nitsɛ ʼi, nɛ e mi tsɔ kaa ahuhuɛ.

Kpojemi 21:18

Nɛ nɔ́ nɛ a kɛ fia e gli ɔ ji yaspi tɛ, nɛ ma a sika tsu nɛ ngɛ kaa ahuhuɛ nɛ hɛ mi tsɔ ʼi.

Kpojemi 7:17

ejakaa Tobi ɔ nɛ ngɛ matsɛ sɛ ɔ kpɛti ɔ maa lɛ mɛ, nɛ e maa tsɔɔ mɛ blɔ kɛ maa ya wami nyu vuhi a he, nɛ Mawu ma tsu a hɛ mi vo nyu kulaa.

Kpojemi 4:4

Nɛ matsɛ sɛ ɔ he ɔ, matsɛ sɛhi nyingmi enyɔ kɛ eywiɛ bɔle lɛ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ sɛ ɔmɛ a nɔ; sa wo tade hiɔhi, nɛ sika jlasi fi a yi.

Kpojemi 5:8

Nɛ benɛ e ngɛ womi ɔ hee ɔ, hɛ kali eywiɛ ɔ kɛ nikɔtɔmahi nyingmi enyɔ kɛ eywiɛ ɔ bu si ngɛ Tobi ɔ hɛ mi, nɛ a ti nɔ tsuaa nɔ hɛɛ kpã saku kɛ sika tɔhi kɛ a mi tsopa kɛ e he via tɔtɔɔtɔ nɛ ji klɔuklɔu bi ɔmɛ a sɔlemi ɔmɛ.

Kpojemi 5:11

Nɛ i hyɛ, nɛ i nu bɔfohi fuu nɛ bɔle matsɛ sɛ ɔ kɛ hɛ kali ɔmɛ kɛ nikɔtɔma amɛ a he kɛ kpe ɔmɛ a gbi, nɛ a nya ji akpe nyɔngma totoe akpe nyɔngma kɛ akpe totoe akpe,

Kpojemi 6:1

Kɛkɛ nɛ i na kaa Tobi ɔ tsɔ nya sɔumi kpaago ɔ kake; nɛ i nu kaa hɛ kali eywiɛ ɔmɛ a kpɛti nɔ kake kɛ gbi nɛ ngɛ kaa hiɔwe simi de ke: “Ba nɛ o ba hyɛ!”

Kpojemi 6:6

Nɛ i nu gbi ko kɛ je hɛ kali eywiɛ ɔmɛ a kpɛti ke: “Ngma susumi nɔ́ kake ligbi kake hiɔwo, blɛfo susumi nihi etɛ ligbi kake hiɔwo, se nu kɛ wai ɔ lɛɛ koo ta he!”