Kpojemi 4:4 - Somi He Ɔ

⁴ Nɛ matsɛ sɛ ɔ he ɔ, matsɛ sɛhi nyingmi enyɔ kɛ eywiɛ bɔle lɛ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ sɛ ɔmɛ a nɔ; sa wo tade hiɔhi, nɛ sika jlasi fi a yi.

BAIBLO ALOO NGMAMI KLƆUKLƆU Ɔ

⁴ Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Kpojemi 4:4 ပူးပေါင်းရင်းမြစ်များ

Kpojemi 11:16

Kɛkɛ nɛ nikɔtɔmahi nyingmi enyɔ kɛ eywiɛ nɛ hii si ngɛ a matsɛ sɛ ɔmɛ a nɔ ngɛ Mawu hɛ mi ɔ kɛ a hɛ mi bu si, nɛ a ja Mawu

Mateo 19:28

Se Yesu de mɛ ke: “Niinɛ, i ngɛ nyɛ dee ke; nyɛ nihi nɛ nyɛ nyɛɛ ye se nɛ ɔ ɔ, benɛ Nɔmlɔ Bi ɔ maa hi e nyami sɛ nɔ ngɛ je he ɔ mi ɔ, nyɛ hu nyɛ maa hi sɛ nyɔngma kɛ enyɔ nɔ, nɛ nyɛ maa kojo Israel wetso nyɔngma kɛ enyɔ ɔ.

Kpojemi 4:10

nikɔtɔmahi nyingmi enyɔ kɛ eywiɛ ɔ buɔ si ngɛ nɔ nɛ hii si ngɛ matsɛ sɛ ɔ nɔ ɔ hɛ mi, nɛ a ngɛ nɔ nɛ hɛ ngɛ kɛ je neneene kɛ yaa neneene ɔ jae, nɛ a sakee a jlasi ɔmɛ ngɔ pueɔ matsɛ sɛ ɔ hɛ mi nɛ a deɔ ke:

Kpojemi 7:11

Nɛ bɔfo ɔmɛ tsuo daa si ngɛ matsɛ sɛ ɔ kɛ nikɔtɔmahi hɛ kali eywiɛ ɔmɛ a he kɛ kpe, nɛ a kɛ a hɛ mi bu si ngɛ matsɛ sɛ ɔ hɛ mi, nɛ a ja Mawu

Kpojemi 20:4

Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.

Kpojemi 5:14

Nɛ hɛ kali eywiɛ ɔ ke: “Amen.” Nɛ nikɔtɔma amɛ bu si, nɛ a ja nɔ nɛ hɛ ngɛ kɛ je neneene kɛ yaa neneene ɔ.

Kpojemi 5:8

Nɛ benɛ e ngɛ womi ɔ hee ɔ, hɛ kali eywiɛ ɔ kɛ nikɔtɔmahi nyingmi enyɔ kɛ eywiɛ ɔ bu si ngɛ Tobi ɔ hɛ mi, nɛ a ti nɔ tsuaa nɔ hɛɛ kpã saku kɛ sika tɔhi kɛ a mi tsopa kɛ e he via tɔtɔɔtɔ nɛ ji klɔuklɔu bi ɔmɛ a sɔlemi ɔmɛ.

Luka 22:30

konɛ nyɛɛ ye nɛ nyɛɛ nu ngɛ ye kplɔɔ ɔ he ngɛ ye matsɛ yemi ɔ mi, nɛ nyɛɛ hi sɛhi a nɔ nɛ nyɛɛ kojo Israel wɛtso nyɔngma kɛ enyɔ ɔ.”

2 Timoteo 4:8

nɔ nɛ piɛ nɛ fɔɔ si ha mi ji dami jlasi ɔ, nɛ Nyɔmtsɛ nɛ ji dami kojolɔ ɔ ma ha mi ngɛ jamɛ a Ligbi ɔ nɔ ɔ, nɛ pi ye nɔ kake nɛ e ma ha, se mohu nihi kulaa nɛ suɔ e bami ɔ hulɔ ɔ.

Kpojemi 19:4

Nɛ nikɔtɔmahi nyingmi enyɔ kɛ eywiɛ ɔ kɛ hɛ kali eywiɛ ɔ bu si nɛ a ja Mawu nɛ hii si ngɛ matsɛ sɛ ɔ nɔ ɔ, nɛ a ke: “Amen, Haleluya!”

Kpojemi 7:9

Enɛ ɔ se ɔ i hyɛ, nɛ oʼɛ, nimli asafo nɛ nɔ ko nɔ ko be nyɛe maa kane nɛ je je mi ma tsuaa je mi ma kɛ wɛtsohi kɛ mahi kɛ mahi a nɔ gbihi a mi nɛ a daa si ngɛ matsɛ sɛ ɔ hɛ mi kɛ Tobi ɔ hɛ mi, nɛ a wo tade hiɔ, nɛ a hɛɛ tã kuɔmihi ngɛ a dɛ,

Kpojemi 19:14

Nɛ tahi nɛ ngɛ hiɔwe ɔ hi okpɔngɔ hiɔhi a nɔ kɛ nyɛɛ e se, nɛ a wo kploba nɛ he tsɔ.

Kpojemi 6:11

A hã a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ ya su be nɛ a nyɛmimɛ sɔmɔli ɔmɛ kɛ anyɛmimɛ ɔmɛ hu nɛ a maa gbe mɛ kaa bɔ nɛ a gbe mɛ nitsɛmɛ hu ɔ a hiemi maa sɔ.

Kpojemi 9:7

Baalɛ ɔmɛ ngɛ kaa okpɔngɔhi nɛ a dla mɛ kɛ yaa ta, nɛ ni komɛ fi a yi kaa sika jlasi, nɛ a hɛ mi ngɛ kaa nimli a hɛ mi;

Kpojemi 2:10

Koo ye amanehlu nɛ o maa na eko eko gbeye, oʼɛ, abosiami maa ngɔ nyɛ ti ni komɛ ngɔ wo tsu mi, kone a kɛ ka nyɛ, nɛ nyɛ maa na amanehlu ligbi nyɔngma. Pee anɔkualetsɛ kɛ ya su gbenɔ mi, nɛ ma ha mo wami jlasi ɔ.

Kpojemi 3:18

i ngɛ mo ga woe ke o he sika nɛ a tsu he ngɛ la mi kɛ je ye ngɔ, kone o na ni, kɛ tade hiɔ, kone o wo nɛ o he gu nɛ ngɛ zo ɔ nɛ ko fɔ si, kɛ hɛngmɛ tsopa nɛ o kɛ nga o hɛngmɛ nɔ, kone o hyɛ nɔ.

Kpojemi 4:6

Nɛ nɔ́ ko kaa ahuhuɛ wo nɛ hɛ mi tsɔ kaa kristolo ngɛ matsɛ sɛ ɔ hɛ mi, nɛ hɛ kali eywiɛ nɛ hɛngmɛhi hyi a hɛ mi kɛ a se tɔtɔɔtɔ ngɛ matsɛ sɛ ɔ kpɛti kɛ e he kulaa.

Kpojemi 5:6

Nɛ i hyɛ nɛ oʼɛ, matsɛ sɛ ɔ kɛ hɛ kali eywiɛ ɔmɛ a kpɛti, kɛ nikɔtɔmahi nyingmi enyɔ kɛ eywiɛ ɔmɛ a kpɛti ɔ, Tobi ko daa si kaa nɔ nɛ a gbe lɛ, nɛ e ngɛ koli kpaago kɛ hɛngmɛ kpaago nɛ ji Mawu mumi kpaago ɔ nɛ a tsɔ kɛ ya zugba a tsuo nɔ ɔ.

Kpojemi 5:11

Nɛ i hyɛ, nɛ i nu bɔfohi fuu nɛ bɔle matsɛ sɛ ɔ kɛ hɛ kali ɔmɛ kɛ nikɔtɔma amɛ a he kɛ kpe ɔmɛ a gbi, nɛ a nya ji akpe nyɔngma totoe akpe nyɔngma kɛ akpe totoe akpe,

Kpojemi 14:3

Nɛ a ngɛ Ta he ko lae ngɛ matsɛ sɛ ɔ hɛ mi kɛ hɛ kali eywiɛ kɛ nikɔtɔma amɛ a hɛ mi; nɛ nɔ ko nyɛ we la a nɛ e kase, ja nimli akpe lafa nyingmi eywiɛ kɛ eywiɛ ɔ nɛ a kpɔ kɛ je zugba a nɔ ɔ kɛkɛ.