Kpojemi 4:2 - Somi He Ɔ

² Nɛ amlɔ ɔ Mumi ɔ ba ye nɔ, nɛ oʼɛ, matsɛ sɛ ko maa si ngɛ hiɔwe, nɛ nɔ ko hii si ngɛ matsɛ sɛ ɔ nɔ.

BAIBLO ALOO NGMAMI KLƆUKLƆU Ɔ

² Amlɔ ɔ, mumi ɔ ba ye nɔ. Nɛ hyɛ, matsɛ sɛ ko ji nɛ ɔ ngɛ hiɔwe nɛ nɔ ko hii si ngɛ nɔ.

Kpojemi 4:2 ပူးပေါင်းရင်းမြစ်များ

Mateo 22:43

E bi mɛ ke “Mɛni he je mɔ nɛ David, ngɛ mumi ɔ nya a, tsɛɛ lɛ ‘Nyɔmtsɛ’ nɛ e deɔ ke:

Hebribi 8:1

Se nihi nɛ wa ngɛ dee ɔ kulaa yi ji nɛ ɔ nɛ: Wa ngɛ kikɛmɛ a osɔfo nɔkɔtɔma, nɔ nɛ hii si ngɛ he walɔ ngua a matsɛ sɛ ɔ hiɛ ɔ nɔ ngɛ hiɔwe,

Kpojemi 1:10

Mumi ɔ ba ye nɔ ngɛ Nyɔmtsɛ ɔ ligbi ɔ nɔ, nɛ i nu gbi ngua ko ngɛ ye se kaa titimati

Kpojemi 12:5

Nɛ yo ɔ fɔ bi nyumu nɔ nɛ kɛ dade tso ma kpaka maje li ɔmɛ kulaa a; nɛ a sa e bi ɔ kɛ ho Mawu ngɔ ya ngɛ e matsɛ sɛ ɔ kasa nya.

Kpojemi 17:3

Nɛ e kpaka mi kɛ ho nga nɔ ya ngɛ mumi mi; nɛ i na yo ko nɛ hii si ngɛ lohwe nɛ tsuɔ kaa muɔ ko nɔ nɛ musu bɔmi biɛhi kpe e he, nɛ e ngɛ yi kpaago kɛ koli nyɔngma.

Kpojemi 19:4

Nɛ nikɔtɔmahi nyingmi enyɔ kɛ eywiɛ ɔ kɛ hɛ kali eywiɛ ɔ bu si nɛ a ja Mawu nɛ hii si ngɛ matsɛ sɛ ɔ nɔ ɔ, nɛ a ke: “Amen, Haleluya!”

Kpojemi 20:11

Kɛkɛ nɛ i na matsɛ sɛ hiɔ ngua ko, kɛ nɔ nɛ hii si ngɛ nɔ ɔ, nɛ zugba kɛ hiɔwe tu fo ngɛ e hɛ mi, nɛ a nɛ blɔ ha mɛ.

Kpojemi 21:10

Nɛ e ngɔ mi ngɛ mumi mi kɛ ho yoku ngua ko nɛ ya hiɔwe nɔ ya, nɛ e tsɔɔ mi ma ngua a nɛ ji Yerusalem klɔuklɔu ɔ nɛ je Mawu ngɔ ngɛ hiɔwe kɛ ngɛ si kplee,

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke: “Oʼɛ, i ngɛ nihi kulaa ehe pee.” Nɛ e de mi ke: “Ngmaa, ejakaa kikɛmɛ a munyuhi nɛ ɔmɛ ji munyuhi nitsɛ nɛ maa si kpɛii.

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Kpojemi 4:10

nikɔtɔmahi nyingmi enyɔ kɛ eywiɛ ɔ buɔ si ngɛ nɔ nɛ hii si ngɛ matsɛ sɛ ɔ nɔ ɔ hɛ mi, nɛ a ngɛ nɔ nɛ hɛ ngɛ kɛ je neneene kɛ yaa neneene ɔ jae, nɛ a sakee a jlasi ɔmɛ ngɔ pueɔ matsɛ sɛ ɔ hɛ mi nɛ a deɔ ke:

Kpojemi 4:5

Nɛ oslaba gbami kɛ gbi kɛ hiɔwe simi je matsɛ sɛ ɔ mi, nɛ la hahi kpaago nɛ ngɛ tsoe nɛ ji Mawu mumihi kpaago ɔ ngɛ matsɛ sɛ ɔ hɛ mi.

Kpojemi 4:9

Nɛ benɛ hɛ kali ɔmɛ ngɔ nyami kɛ agboje kɛ sina kɛ ngɛ nɔ nɛ hii si ngɛ matsɛ ɔ nɔ nɛ hɛ ngɛ kɛ je neneene kɛ yaa neneene ɔ hae ɔ,

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɛ ɔ nɔ, nɛ a ngma ni ngɛ e mi kɛ e se tsuo, nɛ a sɔu nya kɛ nya sɔumi ni kpaago.

Kpojemi 5:13

Nɛ i nu kaa bɔ ni ɔmɛ kulaa nɛ ngɛ hiɔwe kɛ zugba a nɔ kɛ zugba a sisi kɛ wo hɛ mi kɛ nihi kulaa nɛ ngɛ a mi ɔ ke: “A ngɔ gbaami kɛ agboje kɛ hɛ mi nyami Kɛ nɔ yemi ngɔ ha nɔ nɛ hii si ngɛ matsɛ sɛ ɔ nɔ Kɛ Tobi ɔ kɛ je neneene kɛ ya neneene!”

Kpojemi 6:16

nɛ fa de yoku ɔmɛ kɛ tɛ sa amɛ ke: “Nyɛ ba nɔ wa nɔ nɛ nyɛɛ laa wɔ kɛ je nɔ nɛ hii si ngɛ matsɛ sɛ ɔ nɔ ɔ hɛ mi kɛ Tobi ɔ mi mi fumi ɔ nya.